كورنەكى سۋرەت
كەيبىر مەملەكەتتەردە "تەرەزەدەن بەرە قويعانداي" قيىن ءىستىڭ قيۋى وزىنەن-اق كەلىپ تۇرادى. ؛ ورىستاردا "وكازاتسيا ۆ نۋجنوم مەستە, ۆ نۋجنوە ۆرەميا" دەگەن ءسوز تىركەسى بار. قازاقشالاعاندا كەرەك ۋاقىتتا كەرەك جەردەن تابىلۋ عوي. ايتالىق, ۋكراينانى الايىق.
باسشىسى ۋكراينا ءۇشىن ءشوپتىڭ باسىن سىندىرۋعا ەرىنەتىن ادام. رەسەي دەسە ەكى تىزەسى قالتىراپ, سونىڭ دەگەنىن ىستەۋگە بەيىل. ءدال وزىندەي پوروشەنكو قورىقپاي-اق ۋكراينا مۇددەسىن جوعارى قويىپ, تار جول, تايعاق كەشۋدەن الىپ شىقتى عوي سول ەلدى. ەندى بەس جىلعا سايلانعاندا ول ءوز ەلىن ناتو-عا مۇشەلىككە ەنگىزىپ, ەو-نىڭ بەلدى مۇشەسىنە اينالعان بولار ەدى, اتتەڭ ۋاقىتى ءسال جەتپەي قالدى.
قازىرگىسى "نە بالىق ەمەس, نە ەت ەمەس" بىرەۋ. ال وعان قانداي شانس ءتۇسىپ تۇر دەسەڭىزشى. اقش-تىڭ ءوزى قوس-قولداپ قولداپ, ءتىپتى ارتىنان يتەرگەندەي جەتەكتەپ, سۇيرەلەپ الەك. سەبەبى ول باتىس كواليسياسىنىڭ رف-مەن شەكتەسەتىن شەكاراسىندا. بىلايشا ايتقاندا ناتو-نىڭ شىعىستاعى فورپوستى. سوندىقتان ۋكراينانى اقش تا, كانادا دا, ناتو دا, باسقاسى دا قولداۋعا ءماجبۇر. حالىقارالىق ۆاليۋتا قورى دا ءسال دە بولسا ەكونوميكالىق شارتتارىن ورىنداسا, ءقازىر-اق ۋكراينا ەكونوميكاسىن مودەرنيزاسيالاۋعا ءازىر. جاقىندا اقش پرەزيدەنتى بايدەن ەكىنشى رەت تەلەفون شالىپ, ونى ۆاشينتونعا كەلىپ كەتۋگە شاقىردى. ەندى ءقايتسىن-اي, وعان قانشاما كارت-بلانشتار بەرىلىپ جاتىر, ال ول ونى ورىنداۋدىڭ ورنىنا ءتىپتى قيمىلدايتىن ەمەس. ەندى ۆاشينتونعا قۇر قول بارماي, قولومويسكييدى سوتتاۋعا جۇرەگى داۋالاماسا دا, ەڭ بولماعاندا ەرماكتى جۇمىستان الا السا جاقسى بولار ەدى. سەبەبى ونىڭ ماسكەۋ اگەنتى ەكەنىن فبر بىرنەشە قايتارا دالەلدەپ, ۋكراينا باسشىلىعىنىڭ كوزىنە شۇقىپ تۇرىپ كورسەتكەن. cnn كانالى ونىڭ قايتا سايلانۋ ءۇشىن ترامپقا قالاي كومەكتەسۋ كەرەكتىگى تۋرالى سۇحباتىن بايدەننىڭ تەلەفون سوعارى الدىندا بەكەرگە قايتالاپ كورسەتىپ جاتقان جوق.
مىنە, باتىس تاراپىنان وسىنداي قۋاتتى قولداۋدى بارىنشا ءتيىمدى پايدالانسا, ۋكراينانىڭ رەسەي ديكتاتىنان قۇتىلىپ, ءوز ەلىن وركەنيەتتى ەلدەر قاتارىنا قوسۋعا تاريحي مۇمكىندىگى بار. نەگىزى مۇنداي شانس بىزدە دە بار. ەكى قۋاتتى كورشىمىز دە باتىستىڭ كوز قىرىنا قالعان ەلدەر, ءبىراق بىزدەردە بيلىك اۋىسپاعاننان كەيىن پوروشەنكو سياقتى ەشكىممەن دە سالىستىرا المايسىڭ. ەگەر ەلىنىڭ مۇددەسىن ءبىرىنشى ورىنعا قوياتىن جىگەرلى باسشى بولعاندا ءبىز دە وسى ءتيىمدى كونيۋنكتۋرانى پايدالانا وتىرىپ ءبىرتالاي جەتىستىكتەرگە جەتكەن بولار ەدىك, اتتەڭ...
قۋانىش ەدىلحانتەگى
شولۋشى
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر