• usd 424.51

  • eur 504.06

  • rub 5.8

  • cny 65.73

30 شىلدە, 07:24:42
الماتى
+19°

پرەزيدەنتتىڭ ءباسپاسوز حاتشىسى بەرىك ءۋالي مەملەكەت باسشىسى قاسىم-جومارت توقاەۆتىڭ تۇرعىن ءۇي جاعدايىن جاقسارتۋ ءۇشىن زەينەتاقى جيناقتارىن پايدالانۋعا بەرۋ جونىندەگى تاپسىرماسىنىڭ ورىندالۋى تۋرالى ايتتى.

ونىڭ ايتۋىنشا, بۇگىنگە دەيىن 16 075 قارىز الۋشى بۇعان دەيىن بانكتەردەن تۇرعىن ۇيلەرى ءۇشىن العان جالپى سوماسى 62 ميلليارد 41 ميلليون تەڭگە يپوتەكالىق قارىزىن تولىق وتەگەن.

"47 133 قارىز الۋشى جالپى سوماسى 144 ميلليارد 53 ميلليون تەڭگە بولاتىن تۇرعىن ءۇي يپوتەكالىق قارىزدارىنىڭ ءبىر بولىگىن وتەۋ ءۇشىن ءبىرجولعى زەينەتاقى تولەم جۇيەسىن پايدالاندى. 8889 قارىز الۋشى بانكتەردەن جالپى سوماسى 150 ميلليارد 361 ميلليون تەڭگە بولاتىن تۇرعىن ءۇي يپوتەكالىق قارىزدارىن الۋ ءۇشىن العاشقى جارنا رەتىندە ءبىرجولعى زەينەتاقى تولەمى قاراجاتىن پايدالاندى.

بانكتەر بويىنشا ەڭ كوپ قارىز الۋشى "وتباسى بانك" اكسيونەرلىك قوعامىندا تىركەلگەن. ولاردىڭ جالپى سانى &ndash؛ 37 228. ءبىرجولعى زەينەتاقى تولەمىن پايدالانۋ ارقىلى تۇرعىن ءۇي قۇرىلىس جيناقتارى جۇيەسى بويىنشا بەرىلگەن جاڭا تۇرعىن ءۇي يپوتەكالىق قارىزدارىنىڭ مولشەرى &ndash؛ 125 ميلليارد 29 ميلليون تەڭگە.

"سبەربانك" اق ەب &ndash؛ قارىز الۋشىلار سانى بويىنشا ەكىنشى ورىندا. ولاردىڭ جالپى سانى &ndash؛ 11 483. ودان كەيىن "قازاقستاننىڭ ۇلتتىق بانك" اكسيونەرلىك قوعامىنان &ndash؛ 9 488 جانە "بانك سەنتر كرەديت" اكسيونەرلىك قوعامىنان &ndash؛ 8 432 ادام قارىز العان.

اتالعان بانكتەردەن ءبىرجولعى زەينەتاقى تولەمىن پايدالانۋ ارقىلى جاڭادان الىنعان تۇرعىن ءۇي يپوتەكالىق قارىزدارىنىڭ مولشەرى &ndash؛ 23 ميلليارد 167 ميلليون تەڭگە" دەلىنگەن جازبادا.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر