اقش رەسەيدى ماسقارا ەتىپ مازاقتاپ وتىر – حالىقارالىق شولۋشى

اقش پرەزيدەنتى بايدەن رەسەي باسشىسى پۋتينمەن كەزدەسەر الدىندا كەزەكتى سالتو جاساۋىن قويار ەمەس ؛&ndash؛ ول تاعى دا كەشە نوردستريم-2 گاز قۇبىرىنا سانكسيا سالدى. ادەتتە ەكى ەل اراسىنداعى قارىم-قاتىناس جاقسارۋى ءۇشىن قارسى تاراپتار بىر-بىرىنە جىلىشىرايلىق تانىتىپ, كەيبىر ۆيزاۆيگە جاقپايتىن قىلىقتاردان باس تارتا تۇرۋىنا بولار ەدى, الايدا اقش پەن رف جاعدايىندا ولاي بولماي تۇر. ؛

مۇنىڭ سەبەبى مىنادا دەپ ويلايمىن ؛&ndash؛ اقش رف-نى شىندىعىندا ماسقارا ەتىپ مازاقتاپ وتىر. بىرىنشىدەن, مۇنداي كەزدەسۋ بايدەنگە ەمەس, پۋتينگە كەرەك. ءوزىن اقش-پەن تەڭ دارەجەدە سويلەسە الاتىن فيگۋرا ەتىپ كورسەتۋ ءۇشىن. سول ءۇشىن دە ول اسكەرىن ۋكراينا شەكاراسىنا شوعىرلاندىرىپ, ۇلكەن سوعىستى انە باستايمىن, مىنە باستايمىن دەپ قورقىتتى. شىندىعىندا تەررورلىق ارەكەتتەرگە باردى. رەسەيدەن ءبارىن دە كۇتۋگە بولاتىنىن سەزگەن بايدەن ءپۋتيندى كەزدەسۋگە شاقىردى. ءپۋتيننىڭ دە كۇتكەنى سول ەكەن, بىردەن كەلىسىمگە كەلىپ, ەندى بولاشاق كەزدەسۋدە نە ايتاتىنىن تالقىلاي باستادى. ارينە, ونىسىن بىلدىرمەۋگە تىرىسىپ بىرنەشە كۇنگە شەيىن جاۋاپ بەرمەي ءجۇردى. ءبىراق ءپۋتيندى ابدەن زەرتتەگەن بايدەننەن قۋلىق ارتىلعان با ؛&ndash؛ كوزدەگەن نىساناسىنا ءدال تيگىزگەنىن بىلسە دە ول دا بىلمەگەن بولىپ ءوز ىسىمەن اينالىسا بەردى. اقىرى ماسكەۋ شىداماي كەزدەسۋگە قىزۋ دايىندالا باستادى...

نەگىزى مىناداي سانكسيادان كەيىن رف بۇرقان-تالقان اشۋلانىپ, كەزدەسۋدەن باس تارتۋى كەرەك قوي؟ الايدا ءبىر تاۋلىك وتسە دە ماسكەۋ تاراپىنان ازىرگە ءۇن جوق! مۇنى ماسكەۋدىڭ جەڭىلىسى دەپ باعالاعاننان باسقا نە دەۋگە بولادى؟ قايدا الگى سيممەتريالىق جاۋاپتارى؟

سونىمەن, اقش قارجى مينيسترلىگى نوردستيرم 2-گە قانداي سانكسيا قولداندى؟

قارا تىزىمگە مىناداي ۇيىمدار ەنگىزىلدى:

مەملەكەتتىك فەدەرالدىق بيۋدجەتتىك "مورسكايا سپاساتەلنايا سلۋجبا" مەكەمەسى؛

ووو "مورترانسسەرۆيس".

"سامارسكيي تەپلوەنەرگەتيچەسكيي يمۋششەستۆەننىي فوند" اق.

"كوكسوحيمترانس".

سونداي-اق نوردستريم-2 قۇرىلىسىنا قاتىسىپ جاتقان 13 كەمەگە سانكسيا سالىندى. ولار مىنالار:

"اكادەميك چەرسكيي".

"بالتييسكيي يسسلەدوۆاتەل".

"سپاساتەل كارەۆ".

"يۋريي توپچەۆ".

"ۆلاديسلاۆ ستريجوۆ".

"ارتەميس وففشور".

"باحتەمير".

"فينۆال".

"كاپيتان بەكلەميشەۆ".

"مۋرمان".

"نارۆال".

"سيۆۋچ".

"ۋمكا".

قۋانىش ەدىلحانتەگى

شولۋشى