14 مامىر, 2021 مادەنيەت
فوتو: قۋىرشاق تەاترىنىڭ ءباسپاسوز قىزمەتى
تالعامپاز, تاۋەلسىز, جۇرەگى تازالىقتان تۇراتىن كىشكەنتاي كورەرمەندەردىڭ جۇرەگىنەن ورىن العان تاربيە مەكتەبى مەملەكەتتىك قۋىرشاق تەاترى اراعا ازداعان ءۇزىلىس سالىپ, كورەرمەندەرىن ساحنادان قۋانتۋعا دايىن. ءوزىنىڭ دامۋ جولىندا باتىل تاجىريبەلەرى ارقىلى جاڭا پرەمەرالار, قىزىقتى ايدارلار, تاعىلىمدى جوبالار ۇسىنىپ جۇرگەن تەاتر ۇجىمى تاعى دا بالالارعا بازارلىق دايىنداۋدا
ىزگى قاسيەتتەرگە باۋلىپ, قايىرىمدىلىق پەن مەيىرىمدىلىككە ۇندەيتىن تەاتر رەپەرتۋارىنداعى ۇزدىك قويىلىمداردى ساحنادان تاماشالاۋ مۇمكىندىگى تۋعانىن قۋانا حابارلايمىز. ءمولدىر مەكەن ۇسىنار تاعىلىمدى, تاربيەلىك ءمانى زور سپەكتاكلدەر تولاسسىز اقپارات پەن عالامتور تورىنان ءبىر ساتتە ارىلىپ, عاجايىپ پەن جاقسىلىق الەمىنە جەتەلەيدى. بالالار قويىلىمداعى كەيىپكەرلەرمەن كەيدە تىلدەسىپ, كەيدە قيىندىقتاردان شىعۋىنا كومەكتەسىپ, سوڭىندا جاقسىلىق مەكەندەگەن مەيىرىمدى الەمدى بىرگە قۇرادى. بۇلدىرشىندەردىڭ ءوي-ورىسىن كەڭەيتىپ, ادالدىققا, ەڭبەكسۇيگىشتىككە باۋليتىن قۋىرشاق تەاترىنىڭ قويىلىمدارىنان قاپى قالماڭىزدار
ونەر ورداسىنىڭ باستى ماقساتى &ndash؛ بالالاردى تەاتر الەمىنە قىزىقتىرا وتىرىپ, ونەر ارقىلى ومىرگە ۇيرەتۋ بولسا, تەاتر ءوز ميسسياسىن ورىنداۋدا تىنباي ەڭبەكتەنىپ كەلەدى. وڭتۇستىك استانانىڭ مادەني ورتالىقتارىن جاز مەزگىلىندە كورگىسى كەلەتىن قالا قوناقتارى ءۇشىن جاز مەزگىلىندە دە دەمالىسسىز جۇمىس جاسايتىن تەاتر ۇجىمى جاعىمدى جاڭالىقتارىمەن قۋانتۋعا دايىن
ەستەرىڭىزگە سالا كەتەيىك, ءار كورەرمەنىمىزدىڭ قاۋىپسىزدىگىن ساقتاۋ جانە ۆيرۋستىڭ تارالۋىنا جول بەرمەۋ ماقساتىندا كورەرمەندەر تەاتر عيماراتىنا «؛ashyq»؛ ءموبيلدى قوسىمشاسى ارقىلى كىرگىزىلەدى.
بەيبىت الكەەۆا
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر