• usd 424.85

  • eur 504.21

  • rub 5.84

  • cny 65.86

18 قازان, 10:59:21
الماتى
+10°

ۇلت ارازدىعىن قوزدىراتىن سوزدەر ايتقان ميحايل ۆالەريي مەن كيريلل بوجكو

تاۋەلسىزدىكتىڭ 30 جىلدىعىنا قادام باسقان قازاقستاندا وزگە ۇلت وكىلدەرى اراسىندا قازاق ۇلتىن قورلايتىن, نامىسىنا تيەتىن مالىمدەمەلەر جاساپ, ارتىنان كەشىرىم سۇرايتىن ارەكەتتەر تىيىلماي تۇر. جۋىردا عانا ميحايل ۆالەريي ەسىمدى قازاقستان ازاماتى ۇلت ارازدىعىن تۋدىراتىن سوزدەر ايتىپ, ءوزىنىڭ رەسەيدى سۇيەتىنىن جەتكىزگەن, ۇزاماي بۇل ءىسى ءۇشىن كەشىرىم سۇراعان داۋلى ۆيدەوسى تارادى. وسى رەتتە ؛قازاقستانداعى تىلدىك جاعدايدى ءتۇسىندىرۋ ماسەلەسى بويىنشا ەلدىڭ سولتۇستىك وبلىستارىنىڭ تۇرعىندارىمەن جۇزدەن استام كەزدەسۋ وتكىزگەن ساياساتتانۋشى راسۋل جۇمالى قامشى تىلشىسىنە مۇنداي جايتتاردىڭ تۇپ-توركىنى تۋرالى ايتىپ بەردى.

ساياساتتانۋشى بۇل جاعداي تەك قازاقتىڭ نامىسى مەن اشۋىنا عانا ءتيىپ قويماي, جالپى ەلدە تۇراتىن بارلىق ۇلتتار مەن ۇلىستاردى, مەملەكەتتى, ءوزى تۇرىپ جاتقان جەردى قورلاۋ دەپ سانايدى.

 ؛

&ndash؛ مۇنداي كەلەڭسىز جايتتاردىڭ اۋىق-اۋىق قايتالانۋىنىڭ كوپتەگەن سەبەبى بار. الدىمەن مەملەكەت, قۇقىق قورعاۋ ورگاندارى تاراپىنان وسىنداي زاڭسىزدىقتارعا ءتيىستى قارىمتا جاۋاپتىڭ جوقتىعى سەبەپ بولىپ وتىر. وزىمىزبەن تاعدىرلاس, كەڭەس ۇكىمەتىنىڭ شەكپەنىنەن شىققان ؛بالتىق جاعالاۋى ەلدەرى, گرۋزيا, ؛ۋكراينا سەكىلدى مەملەكەتتەر وسىنداي ۇلتتىڭ نامىسىنا تيەتىن دۇنيەلەرگە كەلگەندە زاڭ جۇزىندە ارەكەت ەتەدى. كەك الماي, ؛شەكتەن شىقپاي, اگرەسسياعا دا جول بەرمەي, زاڭ نەگىزىندە جاۋاپقا تارتادى. بىزدە وسى ماسەلەگە قاتىستى زاڭ بار, ءبىراق ول كوبىنە ورىندالمايدى. ەڭ سوراقىسى, مۇنداي زاڭ قازاقتارعا قاتىستى قاتاڭ قولدانىلعان جاعدايلار ۇشىراسقان. نەگە ەكەنى بەلگىسىز, ورىس تىلدىلەرگە كەلگەندە قۇزىرلى ورگاندار مەيلىنشە جۇمساق شارالار قولدانادى. مۇنى قاتال زاڭمەن 90-شى جىلدارى شەشكەندە, ەندىگىدە بۇنداي دۇنيەلەر اجەپتاۋىر ازايار ەدى. بۇل جەردە زاڭعا جاۋاپتى شەندىلەردىڭ جانە قۇقىق قورعاۋ قىزمەتكەرلەرىنىڭ جىگەرى, ازاماتتىق, وتاندىق كوزقاراسى جەتىسپەيدى, ؛&ndash؛ دەيدى ساياساتتانۋشى.

 ؛

راسۋل جۇمالى بيلىك وكىلدەرىنىڭ باتىل قادامدارعا بارا الماۋىن ولاردىڭ ءالى كۇنگە وتارلىق سيندرومىنان ارىلا الماۋىمەن تۇسىندىرەدى.

&ndash؛ رەسەيگە قارايلاۋ, رەسەيدەن ءالى دە سەسكەنۋ, ؛رەسەي نە ىستەيدى ەكەن دەگەندەي جالتاقتاۋ, ياعني وتارلىق ءسيندرومى ؛بىزدىڭ بيلىك وكىلدەرىنىڭ بويىندا ءالى دە بار. ءبىراق جوعارىدا ايتقانىمداي, رەسەيگە كورشىلەس باسقا مەملەكەتتەر وسى ماسەلەنى ەشكىمنەن قايمىقپاي, ءوزىن تاۋەلسىز ەگەمەندى ەل ەكەنىن سەزىنە وتىرىپ شەشە الدى. سوندىقتان بيلىك ەليتاسى قاتارىنداعى شەشىم قابىلدايتىن, زاڭداردى ىسكە اسىراتىن ادامدار وتارلىق سيندرومنان ارىلماي, باتىل شەشىمدەر قابىلداي المايدى, ؛&ndash؛ دەپ اتاپ ءوتتى ول.

ساياساتتانۋشى "مۇنداي كەلەڭسىزدىكتى بولدىرماۋدىڭ بىردەن-بىر جولى ؛&ndash؛ قوعامدى قازاقيلاندىرۋ ساياساتىن جۇرگىزۋ" دەگەن پىكىردە.

 ؛

&ndash؛ مەملەكەتتەگى ەتنوستاردى جەرگىلىكتى, مەملەكەتتى قۇراۋشى ۇلت توڭىرەگىنە ۇيىستىرۋ, شوعىرلاندىرۋ كەز كەلگەن مەملەكەتتە جۇرگىزىلەتىن قالىپتى قۇبىلىس. بۇل ادەتتە ءتىل ارقىلى جۇزەگە اسادى. ؛ماسەلەن, مۇنى رەسەي ورىس ءتىلى ارقىلى جۇرگىزەدى, فرانسيا فرانسۋز ءتىلى ارقىلى دەگەندەي. بۇل &ndash؛ ۇلتشىلدىق ەمەس, كادىمگى پاتريوتيزم. مەنىڭشە, ءپوزيتيۆتى ۇلتشىلدىق دەۋگە بولادى. ءتىل ؛&ndash؛ ەلدى بىرىكتىرۋشى قارۋ دەسەك, قازاق ءتىلى ءالى دە سول حالىقتى ۇيىستىرۋشى, بىرىكتىرۋشى قارۋ بولا الماي وتىر. ارينە, بۇل ءبىر كۇندە بولا سالاتىن ماسەلە ەمەس. ءبىز ءتىل ماسەلەسىن, بالاباقشالاردى 100 پايىز قازاق تىلىنە وتكىزۋدى 2000-شى جىلداردان بەرى كوتەرىپ ءجۇرمىز. ءبىز جاڭادان ؛ۆەلوسيپەد ويلاپ شىعارىپ وتىرعان جوقپىز. ؛بۇل ؛&ndash؛ الەمدىك تاجىريبە. سونداي-اق وسى باعىتتا ءقوستىلدى مەكتەپتەردى جويۋ, ءقازاقتىلدى مەكتەپتەردى كوبەيتۋ, باسپاسوزدە, تەلەديداردا, مەملەكەتتىك جانە قوعامدىق مەكەمەلەردە قازاق تىلىنە دەن قويۋ سەكىلدى جۇمىستار اتقارىلۋعا ءتيىس. ال باسقا تىلدەردى ۇيرەتۋدى جاپونيا, گەرمانياداعىداي بالانىڭ انا تىلىندە ويلاۋ قابىلەتى قالىپتاسقاننان كەيىن ؛عانا جۇزەگە اسىرعان جون. ؛رەسەيدىڭ اقپاراتتىق, يدەولوگيالىق كەڭىستىگىنەن, تاۋەلدىلىگىنەن ارىلۋ, رەسەيلىك شوۆينيستىك تەلەارنالاردىڭ جۇمىسىن توقتاتۋ دا كەزەك كۇتتىرمەيتىن شارۋا بولۋى كەرەك, ؛&ndash؛ دەيدى ساياساتتانۋشى.

 ؛

راسۋل جۇمالى قازاق ءتىلىنىڭ قولدانىسىن كەڭەيتۋ ماسەلەسىندە ازاماتتار, اسىرەسە ورتا جانە ۇلكەن بۋىن ءوز ميسسياسى مەن جاۋاپكەرشىلىگىن سەزىنۋى كەرەك دەپ سانايدى. ونىڭ سوزىنشە, قازاقستاننىڭ ءار ازاماتى كەلەشەگىن وسى ەلمەن بايلانىستىراتىن بولسا, ۇرپاعىنا قازاقشا ۇيرەتۋى كەرەك. ويتكەنى بۇگىننىڭ وزىندە قازاق ءتىلىنىڭ قوعامداعى سالماعى مەن قولدانىسى ءسات سايىن ارتىپ كەلەدى.

ازىم ەركىنوۆ

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر