فوتو: نۇربەك نۇرتازانىڭ instagram پاراقشاسىنان
نۇربەك نۇرتازا ەسىمدى بلوگەر الماتىدا كەزدەيسوق كەزىككەن ون شاقتى ادامنىڭ نەسيەسىن جاۋىپ بەردى. بۇل تۋرالى ول ءوزىنىڭ instagram پاراقشاسىندا حابارلاپ, وقيعانىڭ تولىق ۆيدەوسىن youtube كانالىندا جاريالادى.
بلوگەر ءوزىنىڭ ارەكەتىن رامازان ايىندا ازاماتتارعا كومەكتەسكىسى كەلگەنىمەن ءتۇسىندىردى. ونىڭ ايتۋىنشا, بۇل العاشقى قايىرىمدىلىق ارەكەت ەمەس. بۇعان دەيىن ول مۇنداي ارەكەتىن جۇرتقا جاريا ەتپەي جاساپ جۇرگەنىن ايتادى.
بلوگەر ون شاقتى ادامنىڭ نەسيەسىن جابۋعا 1 ميلليون تەڭگەدەن استاپ قاراجات جۇمساعان.
ۆيدەودا بلوگەر جاستار نەسيەسىن ءوزى جابۋعا مۇمكىندىگى بارىن قاپەرگە الىپ, انالار مەن ەگدە جاستاعى ادامدارعا كومەكتەستىكى كەلگەنىن جەتكىزگەن.
قازاقستاندا ءار بەس ادامنىڭ تورتەۋىنىڭ باسىندا نەسيە ءبار. ؛بىرىنشى كرەديتتىك بيۋرو دەرەگىنشە, 2020 جىلدىڭ سوڭىندا ەكونوميكالىق بەلسەندى حالىقتىڭ (9,23 ملن ادام) ؛7,46 ميلليونىندا كرەديت بولعان. ەلدە ؛سوڭعى ءۇش جىلدا بانكتەرىندەگى نەسيە كولەمى 18 پايىزعا ارتقان. 2021 جىلعى 1 ساۋىردەگى مالىمەت بويىنشا, قازاقستاندىقتاردىڭ بانك الدىنداعى بەرەشەگى 14,8 ترلن تەڭگەگە جەتكەن. ونىڭ ىشىندە 206,6 ملرد تەڭگە سوماسىنداعى نەسيەلەر مەرزىمى وتكەن كرەديتتەر قاتارىندا. يپوتەكالىق نەسيەلەردى ساناماعاندا, نەسيەلەردىڭ ورتاشا سوماسى 320-350 مىڭ تەڭگە توڭىرەگىندە.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر