فوتو: kommersant.ru
تاتارستان استاناسى قازان قالاسىنداعى №175 مەكتەپتە اتىس ۇيىمداستىرعان يلناز گالياۆيەۆكە ءومىر بويىنا باس بوستاندىعىنان ايىرىلۋ جازاسى بەرىلۋى مۇمكىن. ول قىلمىستىق كودەكستىڭ 105-بابى 2-بولىگى "ەكى نەمەسە ودان دا كوپ ادامدى ءولتىرۋ" فاكتىسى بويىنشا ايىپتالۋدا. بۇل تۋرالى حابار 24 سايتى حابارلادى. ؛
كۇدىكتى ازىرگە 2 ايعا تەرگەۋ يزولياتورىنا قاماۋعا الىندى. گالياۆيەۆ دارىگەر, پسيحياتر, ناركولوگ ماماندارىنىڭ ەسەبىندە تىركەلمەگەن. بۇعان دەيىن ونىڭ باس اۋرۋىمەن بىرنەشە رەت دارىگەرلەردىڭ كومەگىنە جۇگىنگەنى انىقتالدى.
بيىلعى جىلدىڭ باسىنان باستاپ تۋىستارى ونىڭ اگرەسسيالىق مىنەز-قۇلقىن بايقاعان. ءقازىر تەرگەۋشىلەر ؛يلناز گالياۆيەۆتىڭ 11 مامىر كۇنى ەسىرتكى قولدانعان نەمەسە قولدانباعانى جونىندە ساراپتاما ؛ناتيجەلەرىن كۇتۋدە. ءبىراق ول ؛پسيحولوگيالىق-پسيحياتريالىق سىندى تەكسەرىستەردەن ءوتۋى كەرەك.
كۇدىكتى مەكتەپكە شابۋىل جاساماس بۇرىن ؛telegram-دا ارنايى كانال اشىپ, سول جەردە ادامداردى ولتىرەتىنىن جاريالاعان.
ەسكە سالا كەتەيىك, 11 مامىردا قازان قالاسىندا 19 جاستاعى ءجاسوسپىرىم يلناز گالياۆيەۆ ءوزى وقىعان № 175 گيمنازياعا ؛قارۋمەن شابۋىل جاساپ, مەكتەپتىڭ ؛ كىرەبەرىسىندە قولدان جاسالعان جارىلعىش زاتتى ىسكە قوسقان. سونىڭ سالدارىنان 2 ءمۇعالىم جانە 7 وقۋشى قازا تاۋىپ, 21 ادام جاراقات الدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر