tesla كومپانياسى bitcoin ارقىلى كولىك ساتۋدى توقتاتتى

tesla كومپانياسىنىڭ باس اتقارۋشى ديرەكتورى يلون ماسك كومپانيا كولىكتەرىن bitcoin ارقىلى ساتۋ جوسپارىن وزگەرتكەنىن جاريالادى.

"tesla كومپانياسى bitcoin ارقىلى كولىك ساتۋدى توقتاتتى. bitcoin ءوندىرىسى مەن ترانزاكسيالار ءۇشىن قازبا وتىندارىن, اسىرەسە كومىردى قولدانۋدىڭ جىلدام وسەتىنى ءبىزدى الاڭداتادى. كريپتوۆاليۋتا كەرەمەت جاقسى يدەيا جانە ءبىز ونىڭ بولاشاعى زور دەپ سانايمىز, ءبىراق بۇل قورشاعان ورتاعا زيان كەلتىرۋ ەسەبىنەن بولماۋعا ءتيىس. tesla ەشقانداي bitcoin ساتپايدى جانە ول تۇراقتى ەنەرگياعا كوشكەن سوڭ عانا ترانزاكسيالار ءۇشىن قولدانباقپىز. سونداي-اق ءبىز bitcoin ؛ەنەرگياسى ترانزاكسياسىنىڭ 1%-ىن عانا قولداناتىن باسقا كريپتوۆاليۋتالاردى قاراستىرامىز" دەپ جازدى ماسك twitter پاراقشاسىندا.

نەگىزگى ينۆەستورلار مەن tesla, square, metromile جانە nexon سياقتى كومپانيالار bitcoin ساتىپ العان. دەگەنمەن ولار سيفرلىق ۆاليۋتانى ىقتيمال ينفلياسيالىق حەدج رەتىندە قاراستىرادى. سونىمەن قاتار, اقش ورتالىق بانكى پاندەميا كەزىندەگى ەكونوميكالىق اۋىرتپالىقتى جەڭىلدەتۋ ءۇشىن اقشا باسىپ شىعارعان.

گولدمان ساكس جانە مورگان ستەنلي سياقتى ۋولل ءستريتتىڭ ءىرى بانكتەرى دە وزدەرىنىڭ اۋقاتتى كليەنتتەرىنە bitcoin ۇسىنۋعا تىرىستى.

بىراق ؛ softbank-تىڭ ؛ نەگىزىن قالاۋشى ماسايوشي سون سياقتى كەيبىر ينۆەستورلار ءالى كۇنگە دەيىن كريپتوۆاليۋتاعا قۇلشىنىس تانىتپادى.

"جاقسى نەمەسە جامان نارسە بولا ما, شىن مانىندە بۇل باعا كوپىرشىگى مە دەگەن تاقىرىپتا كوپتەگەن پىكىرتالاستار ءجۇرىپ جاتىر. شىنىمدى ايتسام, مەن بىلمەيمىن" دەدى سون.

2021 جىلدىڭ ءبىرىنشى توقسانىندا tesla 1,5 ميلليارد دوللارعا "ساندىق اكتيۆتەردى" ساتىپ الدى, سودان كەيىن 272 ميلليون دوللارعا ءبىراز بولىگىن قايتا ساتتى. tesla-نىڭ 26 ساۋىردەگى قارجىلىق مالىمدەمەسىنە سايكەس, bitcoin ساتۋدان كومپانياعا 101 ميلليون دوللار پايدا تۇسكەن.