12 مامىر, 2021 news
فوتو: ۆيدەودان سكرينشوت
زاڭگەر رۋسلان تۇسىپبەكوۆ ءوزىنىڭ facebook-تەگى پاراقشاسىندا ميحايل ۆالەريي ەسىمدى قازاقستان ازاماتىنىڭ ۇلت ارازدىعىن تۋدىراتىن سوزدەر ايتىپ, ارتىنشا ارەكەتى ءۇشىن كەشىرىم سۇراعان ۆيدەوسىن جاريالادى.
العاشقى ۆيدەودا ازامات كامەراعا ۇيىنە رەسەيدىڭ تۋىن ءىلىپ قويعاننان كەيىن اۋا رايى وزگەرگەنىن, قازاقستاندى كەرەك ەتپەيتىنىن, رەسەيدى جاقسى كورەتىنىن, رەسەي تۋىن ءوز جالاۋى دەپ سانايتىنىن ايتىپ, "قازاقستاندى قارعىس اتسىن" دەيدى.
ەكىنشى ۆيدەودا ازامات سوزدەرى ءۇشىن ءۇشىن كەشىرىم سۇراپ, مۇنداي ارەكەتكە ماس كۇيدە بارعانىن ايتىپ اقتالادى. ەندىگارى مۇنداي قايتالانبايتىنىن, قازاقستاندى سۇيەتىنىن ءارى قازاقستاننىڭ پاتريوتى ەكەنىن جەتكىزەدى.
زاڭگەر ادەتتە ادامنىڭ ويىنداعى نارسە, ماس كەزدە سىرتقا شىعاتىنىن قاپەرگە الىپ, مۇنداي ارەكەتتەر سوڭعى ۋاقىتتا جيىلەپ كەتكەنىن, وعان ەلدەگى ۇلتتىق ساياساتتىڭ جوعى سەبەپ بولىپ وتىرعانىن ايتادى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر