• usd 424.85

  • eur 504.21

  • rub 5.84

  • cny 65.86

18 قازان, 10:49:38
الماتى
+10°

شقو ريددەر قالاسىندا بولعان ءىرى ورتكە كۇدىكتى دەلىنگەن ادام ۇستالدى, دەپ جازادى جەرگىلىكتى ؛ustinka.kz سايتى.

ريددەر قالاسىنىڭ پوليسيا ءبولىمى كۇدىكتىگە قاتىستى قىلمىستىق كودەكستىڭ 204-بابى 2-تارماعى بويىنشا (وتپەن نەمەسە قاۋiپتiلىگى جوعارى وزگە دە كوزدەرمەن ابايسىز جۇمىس iستەۋ ارقىلى جاسالعان نە اۋىر زارداپتارعا اكەپ سوققان نەمەسە اسا ءىرى زالال كەلتىرگەن ىس-ارەكەت) سوتقا دەيىنگى تەرگەۋ باستاعان.

كەشە ريددەر قالاسىنداعى شارۋاشىلىقتاردىڭ بىرىندە قۋراعان ءشوپ جانىپ, جالىن اعاشتاردى شارپىن, ونىڭ ارتى ۇلكەن ورتكە ۇلاسقان. كۇشتى جەل سالدارىنان ءورت كورشى ؛لەسحوز اۋىلىنا قاراي جىلدام تارالىپ, تۇرعىنۇيلەر بىرىنەن سوڭ ءبىرى وتقا ورانا باستادى. سونىڭ سالدارىنان 35 ءۇي, 9 عيمارات ورتەنىپ, 1948 جىلعى ايەل قازا تاپتى, 1949, 1980 جىلعى 2 ادام زارداپ شەكتى.

وبلىس اكىمى دانيال احمەتوۆ ورتتەن زارداپ شەككەندەردىڭ بارلىعى باسپانا بەرىلەتىنىن, وعان ؛ەكى جارىم اي قاجەت ەكەنىن ءمالىم ەتتى. مۇلىك شىعىندارى بويىنشا, ارنايى كوميسسيا جۇمىس ىستەپ, شىعىن قۇنىن انىقتايدى جانە وتەماقى تاعايىندايدى.

قازىرگى ۋاقىتتا ءتۇرعىنۇي القابى مەن شارۋاشىلىق قۇرىلىستارىندا ءورت تولىق سوندىرىلگەن, ورمان القابىندا ءسوندىرۋ جۇمىسى جالعاسىپ جاتىر.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر