• usd 424.51

  • eur 504.06

  • rub 5.8

  • cny 65.73

30 شىلدە, 08:17:17
الماتى
+19°

اقش اسكەرىن اۋعانستاننان شىعارا باستادى. بۇل جەردە قازاقستاننىڭ اقش اسكەري تەحنيكالارىنىڭ ءترانزيتى ارقىلى ءبىراز پايدا تابۋ مۇمكىندىگى بار ەدى, الايدا ەاەو (رف دەپ ءتۇسىنىڭىز &ndash؛ اۆتور) كەسىرىنەن قازاقستان وسى پايدادان قاعىلعالى وتىر.

قازاقستان كاسپيي تەڭىزى ارقىلى, باكۋ ؛&ndash؛ تۇركيا باعىتىنا ترانزيت جاساۋ مۇمكىندىگىنەن ايىرىلدى, ويتكەنى رەسەي "اقش اقتاۋدا اسكەري بازا سالعالى جاتىر ەكەن", "كاسپييگە جولاتپايمىز" دەپ بايبالام سالىپ بۇل جولدى جاپتىردى. وعان قازاقستان باق-تارى دا قوسىلدى. شىندىعىندا ەشقانداي دا اسكەري بازا تۋرالى اڭگىمە جوق, ءبارى قاراپايىم عانا قىزعانىشتان تۋىنداعان نارسە. مىنە, جەگەلى وتىرعان نانىمىزدان كوزاپارا ايىرىپ قالۋ دەگەن وسى بولادى.

ەندى اۋعانستاننان شىققان اقش اسكەريلەرى وزبەكستان مەن تاجىكستاندا ورنالاسۋى مۇمكىن. جالپى اقش اۋعانستاننان اسكەرىن شىعارعانىمەن دە ونى الىسقا الىپ كەتپەيدى, ولاردى اۋعانستانعا جاقىن ماڭدا ورنالاستىرىپ, جاعدايدى ءوز بەتىنە جىبەرمەي, باقىلاپ وتىرادى. بۇرىنعىشا اۋعان ۇكىمەتىنە كومەكتەسە بەرەتىن بولادى.

دەسە دە بۇل جاعدايدىڭ وسى اۋماق پەن قازاقستان ءۇشىن بىرنەشە جاعىمدى جاعى بار.

بىرىنشىدەن, تالىپتەر ويلارىنا كەلگەنىن جاساي المايدى ؛&ndash؛ اقش اسكەريلەرى ايماق قاۋىپسىزدىگىن قامتاماسىز ەتەدى.

ەكىنشىدەن, رەسەي ويلارىنا كەلگەنىن جاساي المايدى, ولار بۇگىن تاجىكستان مەن قىرعىزستاندى ارازداستىرىپ قويعان بولسا, كەلەسى كەزەكتە تاعى بىرەۋلەردى بىر-بىرىنە ايداپ سالۋى مۇمكىن. ەندى ونىڭ جولى كەسىلدى.

جالپى ترامپ كەزىندە بۇرىنعى تمد اۋماعى رەسەي مۇددەسى اۋماعى دەپ ەسەپتەلىپ كەلدى. ارنايى قۇجات بولماسا دا ءىس جۇزىندە سولاي بولدى. ەندى ونداي بولمايدى! ءقازىر گەوساياسي جاعداي وزگەرگەن. رف-عا ساناسۋعا تۋرا كەلەدى. ساناسپاسا, ءوز وبالى وزىنە. بۇل ءتىپتى قازاقستانعا قىتايدان دا ورىنسىز قورقا بەرۋگە بولمايتىنىنا ستيمۋل بولۋى مۇمكىن.

تەك بۇل وزبەكستاننىڭ حالىقارالىق ساياسي ارەناداعى سالماعىن ارتتىرا تۇسەدى. ارينە, بۇعان ءوز باسشىلارىمىزدى كىنالاماساق, باسقا كىمنەن كورەمىز؟

قۋانىش ەدىلحانتەگى

شولۋشى

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر