قازاقستاننىڭ تاعى ءبىر ۋنيۆەرسيتەتى ليسەنزياسىنان ايىرىلدى

​بىلىم جانە عىلىم مينيسترلىگى شەت تىلدەر جانە ىسكەرلىك كارەرا ۋنيۆەرسيتەتى ليسەنزياسىنىڭ كۇشى توقتاتىلعانىن حابارلادى. ؛

مينيسترلىك مالىمدەۋىنشە, ءبىلىم جانە عىلىم سالاسىندا ساپانى قامتاماسىز ەتۋ كوميتەتىنە شەت تىلدەر جانە ىسكەرلىك كارەرا ۋنيۆەرسيتەتىنىڭ ءبىلىم ساپاسىنا قاتىستى شاعىم كەلىپ تۇسكەن. وسىعان بايلانىستى جوعارى وقۋ ورنىندا جوسپاردان تىس تەكسەرۋ جۇرگىزىلگەن. وقۋ پروسەسىنىڭ ۇيىمداستىرىلۋىن باقىلاۋ قورىتىندىسى بويىنشا, زاڭ بۇزۋشىلىقتار جويىلعانعا دەيىن ؛ۋنيۆەرسيتەت ليسەنزياسىن توقتاتۋ تۋرالى شەشىم قابىلدانعان.

جۇرگىزىلگەن باقىلاۋ بارىسىندا ۋنيۆەرسيتەت ستۋدەنتتەرىنىڭ ءبىلىمى تەكسەرىلىپ, ءبىلىم الۋشىلاردىڭ 97%-ى شەكتى باللدى ەڭسەرە الماعان.

&ndash؛ جوسپاردان تىس تەكسەرۋ بارىسىندا جوو-دا ساباقتار كەستە بويىنشا وتكىزىلمەيتىنى انىقتالدى. ءبىلىم الۋشىلاردىڭ وقۋ جەتىستىكتەرىن تەكسەرۋ ناتيجەلەرى جوو-داعى ءبىلىم بەرۋ ساپاسىنىڭ تومەن دەڭگەيىن كورسەتتى. ودان بولەك, وقۋ ورنى كادرلار دايارلاۋ بويىنشا جۇمىس بەرۋشىلەرمەن بەلسەندى جۇمىس ىستەمەيتىنى دە بايقالدى. شەت تىلدەر جانە ىسكەرلىك كارەرا ۋنيۆەرسيتەتىندە اكادەميالىق ادالدىق قاعيداتتارى دا ساقتالمايدى. ماسەلەن, شتىكۋ ستۋدەنتتەرىنىڭ كۋرستىق جۇمىستارى وزگە ادامنىڭ ەڭبەگىن كوشىرىپ الۋدى تەكسەرۋ جۇيەسىنەن وتپەيدى, ال ديپلومدىق جۇمىستار بويىنشا اكادەميالىق قاعيدالار بۇزىلعانى انىقتالسا دا قورعاۋعا جىبەرىلگەن جاعدايلار تىركەلدى. جالپى, ۋنيۆەرسيتەت ءبىلىم بەرۋ سالاسىنداعى زاڭنامانى ورەسكەل بۇزۋعا جول بەرگەن, &ndash؛ دەدى ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ ءتورايىمى گۇلزات كوبەنوۆا.

زاڭناماعا سايكەس جوو ليسەنزياسىنىڭ كۇشى توقتاتىلعان جاعدايدا, ستۋدەنتتەر وقۋ ورنىندا انىقتالعان بۇزۋشىلىقتاردىڭ جويىلۋىن كۇتپەي-اق, باسقا جوعارى وقۋ ورىندارىنا اۋىسا الادى.