• usd 468.56

  • eur 497.56

  • rub 7.3

  • cny 67.18

29 ناۋرىز, 03:24:19
الماتى
+35°

پرەزيدەنت قاسىم-جومارت توقاەۆ ءۇندىستان پرەمەر-مينيسترى نارەندرا موديگە جەدەلحات جولدادى, دەپ حابارلادى اقوردا سايتى.

جەدەلحاتتا توقاەۆ ءۇندىستاندا covid-19 ىندەتىنىڭ قاتتى ورشۋىنە بايلانىستى قالىپتاسقان قيىن-قىستاۋ كەزەڭدە قازاقستان حالقى جانە جەكە ءوزى ءۇندى ەلىنىڭ قايعى-قاسىرەتىنە ورتاق ەكەنىن جەتكىزگەن.

"مەملەكەت باسشىسى كوروناۆيرۋستىڭ شەكاراعا باعىنبايتىنىن, بۇكىل الەمگە تارالىپ, ادامدارعا كوپتەپ جۇعىپ جاتقانىن قىنجىلا اتاپ ءوتتى. ول ىندەتتەن قايتىس بولعان ادامداردىڭ وتباسىلارىنا كوڭىل ايتىپ, دەرتكە شالدىققانداردىڭ تەزىرەك ساۋىعىپ كەتۋىنە تىلەكتەستىك ءبىلدىردى.

وسىنداي قيىن-قىستاۋ كەزەڭدە ءبىز ءۇندىستاندىق دوستارىمىزبەن بىرگە پاندەميانى اۋىزدىقتاۋ ماقساتىندا كۇش بىرىكتىرۋگە جانە مەملەكەتتەرىمىز اراسىنداعى بەرىك دوستىق پەن ءوزارا قولداۋ اياسىندا قاجەتتى كومەك كورسەتۋگە دايىنبىز. ءۇندىستان ۇكىمەتى ءسىزدىڭ دانا باسشىلىعىڭىزبەن بۇل داعدارىستى ەڭسەرىپ, ەلدىڭ قالىپتى ومىرگە ورالۋىن قامتاماسىز ەتە الاتىنىنا كامىل سەنەمىن" دەلىنگەن جەدەلحاتتا.

 ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر