نۇر-سۇلتاندا جەكە ءۇيدىڭ نە سەبەپتى ورتەنگەنى انىقتالدى

نۇر-سۇلتان قالاسىندا جەر ءۇي ورتەنىپ, جالىن 300 شارشى مەتر اۋماققا تارالعان. بۇل تۋرالى قالالىق توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى.

"2 مامىردا ساعات 12:22-دە نۇر-سۇلتان قالاسى توتەنشە جاعدايلار دەپارتامەنتىنىڭ ءورت سوندىرۋشىلەرى سارىارقا اۋدانى, بوگەنباي داڭعىلى 73/1 مەكەنجايىنا حابارلاما بويىنشا باردى. كەلگەن بويدا قۋراعان اعاشتىڭ جانۋىنان جاقىن ماڭداعى جەكە ۇيگە ءورتتىڭ تارالىپ جاتقانى انىقتالدى" دەلىنگەن حابارلامادا.

ۆەدومستۆو مالىمەتىنشە, 300 شارشى مەتر اۋماق ورتەنگەن. قازىرگى ۋاقىتتا جەكە قۇرامنان 15 ادام جانە ءۇش تەحنيكا ءورتتى سوندىرۋگە جۇمىلدىرىلعان. قازا بولعاندار مەن زارداپ شەككەندەر جوق.

&ndash؛ ءشوپتىڭ, قۋراعان اعاشتىڭ جانۋى &ndash؛ باسقارىلمايتىن پروسەسس. قاتتى جانىپ جاتقان ءورتتى توقتاتۋ وڭاي ەمەس. شوپتەردىڭ جانۋىنان ۇيلەر, ءتىپتى بۇكىل ساياجايلار مەن اۋىلداردا دا ءورت جاعدايى وتە ءجيى بولىپ ءجۇر, &ndash؛ دەپ ەسكەرتتى دەپارتامەنت وكىلدەرى.