اقشۇقىر اۋىلىندا 500 ادام جاتتىعاتىن سپورت كەشەنى اشىلدى

1-مامىر قازاقستان حالقىنىڭ بىرلىگى كۇنى اقشۇقىر اۋىلىندا كوپ سالالى «؛سۇلەيمان»؛ سپورت كەشەنى اشىلدى.

سالتاناتتى اشىلۋ ءراسىمى بارلىق سانيتارلىق تالاپتار ساقتالا وتىرىپ, شەكتەۋلى ادام سانىمەن ءوتتى.

مەرەكەلىك جيىننىڭ شىمىلدىعىن اشقان وبلىس اكىمى س.ترۇموۆ تۇرعىنداردى مەرەكەمەن قۇتتىقتاپ, سپورت كەشەنىنىڭ جۇمىسىنا ساتتىلىك تىلەدى.

«؛بۇگىنگى كۇن &ndash؛ ءاربىر قازاقستاندىق ءۇشىن تۋعان جەرگە دەگەن سۇيىسپەنشىلىك پەن ادالدىق, ازاماتتىق بورىش پەن جالپىۇلتتىق كەلىسىمنىڭ مەرەكەسى. وسى ءبىر ايتۋلى كۇنى اقشۇقىر اۋىلىندا سوڭعى ۇلگىدەگى جاڭا سپورت كەشەنى بوي كوتەرىپ وتىر. مەملەكەت باسشىسى ق.توقاەۆ «؛بارلىق جاستاعى ەل ازاماتتارى اراسىندا بۇقارالىق سپورتتى دامىتۋ ماڭىزدى. دەنە شىنىقتىرۋدى وركەندەتۋ ءىسى جاڭا چەمپيوندار شىڭىنا شىعاتىن پيراميداعا اينالۋى ءتيىس»؛ - دەگەن بولاتىن.

بۇل باعىتتا ماڭعىستاۋ وبلىسى اۋماعىندا اتقارىلىپ جاتقان اۋقىمدى ىستەر بارشىلىق. قالا, اۋىل تۇرعىندارىنا تەگىن سپورتپەن شۇعىلدانۋعا قاجەتتى جاعداي جاسالعان. ءبىر ءتۇپقاراعان اۋدانىنىڭ وزىندە 14 اشىق سپورت الاڭى, 5 فۋتبول الاڭى, 5 كوشە ترەناجەرى بار. بارلىعى سپورتتىق قۇرال-جابدىقتارمەن تولىق قامتىلعان. تاۋەلسىزدىگىمىزدىڭ 30 جىل ىشىندە حالقىمىزدىڭ بىرلىگىنىڭ ارقاسىندا جاس مەملەكەتىمىزدىڭ اسقان اسۋى, العان بەلەسى جەتەرلىك. وسىنىڭ بارلىعى تاۋەلسىزدىكتىڭ جەمىسى. ەگەمەن ەلىمىزدىڭ ەڭسەسىن بيىكتەتىپ, جەڭىستى كۇندەردە جولىعايىق اعايىن!»؛,- دەدى س.ترۇموۆ.

سپورت كەشەنى جەكپە-جەك تۇرلەرىن دامىتۋعا كۇش سالىپ جۇرگەن اتىمتاي ازامات يبراگيم اقدراشەۆتىڭ دەمەۋشىلگىمەن سالىندى. وندا 500 ادام كۇرەستىڭ بىرنەشە تۇرىمەن, بوكس, گيمناستيكا, سۋعا ءجۇزۋ سياقتى سپورتتىڭ بىرنەشە تۇرىمەن اينالىسا الادى.

ايتا كەتسەك, ءتۇپقاراعان اۋدانىندا 4 جابىق سپورت كەشەنى بار. بيىل ولاردىڭ قاتارى تاعى ءۇش بىردەي سپورت كەشەنىمەن تولىعادى. سپورت نىساندارىنىڭ بىرەۋى وسى اقشۇقىر اۋىلىندا جەرگىلىكتى بيۋدجەت قاراجاتىنا سالىنادى.

سونىمەن قاتار باۋتين مەن قىزىلوزەن اۋىلدارىندا دا بيىل سپورت كەشەنى بوي كوتەرەدى.