• usd 468.56

  • eur 497.56

  • rub 7.3

  • cny 67.18

29 ناۋرىز, 03:01:07
الماتى
+35°

الماتىدا الەۋمەتتىك ماڭىزى بار ازىق-تۇلىك تاۋارلارى باعاسىنىڭ تۇراقتىلىعىن قامتاماسىز ەتۋ ماسەلەسى ەرەكشە باقىلاۋدا تۇر.

قالانىڭ ازىق-تۇلىك قاۋىپسىزدىگىن قامتاماسىز ەتۋ, سونداي-اق الەۋمەتتىك ماڭىزى بار ازىق-تۇلىك تاۋارلارىنا باعانىڭ نەگىزسىز وسۋىنە جول بەرمەۋ ءۇشىن الماتى اكىمدىگى ءبىرقاتار كەشەندى جانە جەدەل شارالار قابىلداۋدا. ماسەلەن, "ماگنۋم" (5,9 ملرد.تگ) جانە "تويمارت" (404 ملن. تگ) ءىرى ساۋدا جەلىلەرىندە ءامات-نىڭ 19 اتاۋى تىركەلگەن, تومەندەتىلگەن باعامەن ساتىپ الۋ جانە ساتۋ ءۇشىن جەڭىلدىكتى قارىزدار بەرىلدى. قازىرگى ۋاقىتتا "تويمارت" ساۋدا جەلىسىمەن كەلىسىم-شارت 2021 جىلدىڭ قاراشاسىنا دەيىن ۇزارتىلدى.

سونىمەن قاتار, "اينالىم" قارىزدارىن بەرۋ ارقىلى ءىرى تاۋار وندىرۋشىلەردىڭ ساتۋ باعالارى بەلگىلەندى. "اقساي "نتك" جشس-نە نان جەتكىزىلىمى ءۇشىن (1 ملرد.تگ), "اسىل meat" جشس-نە (42 ملن. تگ) جانە "union products" جشس-نە (250 ملن. تگ) ۆ, س كلاستى سيىر ەتىن ء(توس-جاۋىرىن بولىگى) دۇكەندەرگە جەتكىزۋ ءۇشىن نەسيەلەر بەرىلدى. باسقا تاۋار وندىرۋشىلەرگە اينالىمدىق قارىزدارىن بەرۋ قوسىمشا جۇزەگە اسىرىلۋدا.

قالانىڭ جەتى نەگىزگى ازىق-تۇلىك بازارلارىندا (كوك بازار, جاڭا اقبۇلاق (كوتەرمە ساۋدا), سارى-ارقا, تاستاق, تاۋسامالى, الماتى-1, تۇركسىب جارمەڭكەسى) "الەۋمەتتىك دۇكەندەر" اشىلدى. وندا 10 ءتۇرلى ءامات (كارتوپ, ءسابىز, پياز, قىرىققابات, قانت, قاراقۇمىق, كۇنباعىس مايى, كۇرىش, ماكارون ونىمدەرى, ۇن) ساتىلادى. باعالار ورتاشا نارىقتىق باعادان تومەن, بۇل ساتۋشىلار اراسىندا باسەكەلەستىك ورتا قالىپتاستىرادى. مۇنداي تەتىك ءوزىنىڭ تيىمدىلىگىن كورسەتتى, وسىعان بايلانىستى اتالعان ساتۋ نۇكتەلەرىنىڭ جۇمىسى 2021 جىلعى 30 تامىزعا دەيىن ۇزارتىلدى.

ماگنۋم جانە small ساۋدا جەلىلەرىندە ليترى ءۇشىن 385 تەڭگە باعامەن تىركەلگەن "جايلاۋ" كۇنباعىس مايى 100 000 ليتر كولەمىندە ساتىلۋدا, بۇل ستاتيستيكا دەپارتامەنتىنىڭ باعاسىنان 43,6% -عا (684 تگ/ل) تومەن.

"ماگنۋم" ساۋدا جەلىسىندە 2020-2021 جج. ماۋسىمارالىق كەزەڭىندە (2020 جىلعى قاراشادان 2021 جىلعى مامىرعا دەيىن) 14 مىڭ توننادان استام كوكونىس (كارتوپ, ءسابىز, پياز, قىرىققابات) ساتىلدى. اتالعان قوردى ورتا نارىقتىق باعادان تومەن باعامەن ىسكە اسىرۋدىڭ ارقاسىندا, قالا بويىنشا وسى كوكونىس سەرياسىنىڭ باعاسىن تۇراقتاندىرۋعا مۇمكىندىك تۋدى. وسىعان وراي "ماگنۋمنىڭ" كوكونىستەر ءبولىمىن جانە باسقا دا ساۋدا جەلىلەرىن قامتاماسىز ەتۋ ءۇشىن 2021-2022 جج. ماۋسىمارالىق كەزەڭدە (2021 جىلعى قىركۇيەكتەن 2022 جىلعى ساۋىرگە دەيىن) كوكونىس كولەمىن 22 مىڭ تونناعا دەيىن ۇلعايتا وتىرىپ, 2,5 ملرد. تەڭگەگە "فورۆاردتىق" ساتىپ الۋ شارتى جاسالدى.

بىرىنشى ساناتتاعى جۇمىرتقالارعا وسى جىلدىڭ 30 ماۋسىمىنا دەيىن شەكتى باعا (487 تگ/ون داناسى) بەلگىلەندى. بۇعان دەيىن (وسى جىلدىڭ 1 ناۋرىزىنا دەيىن) قاراقۇمىق جارماسى (361 تگ/كگ) مەن قانتتىڭ (30 ناۋرىزعا دەيىن 254 تگ/كگ) شەكتى باعاسى قولدانىلعان, بۇل ءار پوزيسيا بويىنشا 90 كۇن ىشىندە باعانى تۇراقتاندىرۋعا مۇمكىندىك بەردى.

الماتى قالاسىندا الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ ماسەلەسى ەرەكشە باقىلاۋدا. قالانىڭ نەگىزگى بازارلارىندا, ساۋدا جەلىلەرىندە, سۋپەرماركەتتەرىندە الەۋمەتتىك ماڭىزى بار ازىق-تۇلىك تاۋارلارى باعالارىنىڭ كۇندەلىكتى مونيتورينگى جالعاسىپ جاتىر.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر