• usd 428.71

  • eur 519.12

  • rub 5.79

  • cny 66.61

16 مامىر, 22:24:53
الماتى
+11°

پرەزيدەنت ؛قاسىم-جومارت توقاەۆ قازاق كسر-نىڭ حالىق ءارتىسى, ءانشi, كومپوزيتور ؛ەسكەندىر حاسانعاليەۆتىڭ دۇنيەدەن وتۋىنە بايلانىستى ونىڭ وتباسى مەن جاقىندارىنا كوڭىل ايتۋ جەدەلحاتىن جولدادى.

جەدەلحاتتى اقوردانىڭ رەسمي سايتى جاريالادى.

"ەسكەندىر وتەگەنۇلىن حالقىمىز قوڭىر داۋىستى ءانشى جانە جان تەبىرەنتەرلىك اندەر شىعارعان كومپوزيتور رەتىندە وتە جاقسى كورگەن ەدى. ۇزاق جىلعى شىعارماشىلىق جولىندا جەمىستى ەڭبەك ەتىپ, وتاندىق مۋزىكا ونەرىنىڭ دامۋىنا زور ۇلەس قوستى.

حالقىمىزعا 200-گە جۋىق ءان, رومانس جانە حورعا ارنالعان شىعارمالارىن تارتۋ ەتتى. اسىرەسە, "اتامەكەن", "اناعا سالەم", "ەسىڭە ال", "اينالايىن", "ادەمى-اۋ", "گۇلسەزىم" جانە باسقا دا تاماشا تۋىندىلارى كورەرمەن تاراپىنان جوعارى باعاسىن الدى.

حالقىمىزدىڭ سۇيىسپەنشىلىگى مەن ايرىقشا قۇرمەتىنە بولەندى. ەلىمىزدىڭ ونەرى مەن مادەنيەتىن وركەندەتۋگە اتسالىسىپ, سوڭىنا جارقىن ءىز قالدىرعان ەسكەندىر وتەگەنۇلىنىڭ بەينەسى ۇمىتىلمايدى, ەسىمى حالقىمىزدىڭ جادىندا ساقتالادى", ؛دەلىنگەن جەدەلحاتتا.

قازاقستاننىڭ حالىق ءارتىسى ەسكەندىر حاسانعاليەۆ 30 ساۋىردە 81 جاسىندا دۇنيەدەن ءوتتى.

بۇعان دەيىن ەسكەندىر حاسانعاليەۆ پەن جۇبايى داريكو حاسانعاليەۆانىڭ كوروناۆيرۋس جۇقتىرىپ, جانساقتاۋ بولىمىندە جاتقانى حابارلانعان.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر