• usd 428.71

  • eur 519.12

  • rub 5.79

  • cny 66.61

16 مامىر, 21:02:21
الماتى
+14°

nurotan پارتياسى ءتوراعاسىنىڭ ءبىرىنشى ورىنباسارى باۋىرجان بايبەكتىڭ وكىلى ايجان تاشەنوۆا ءوزىنىڭ facebook-تەگى پاراقشاسىندا بەلسەندى جانبولات ماماي مەن ونىڭ جۇبايى ينگا يمانباەۆاعا قاتىستى الماتى قالاسى اۋەزوۆ اۋدانى №2 اۋداندىق سوتىنا ازاماتتىق تارتىپپەن ار-نامىستى, ابىروي مەن ىسكەرلىك بەدەلدى قورعاۋ تۋرالى تالاپ ارىز بەرگەنى تۋرالى حابارلادى.

«؛قۇرمەتتى دوستار! بۇگىن مەن باۋىرجان قىدىرعاليۇلى بايبەكتىڭ مۇددەسىن ءبىلدىرۋشى زاڭگەر رەتىندە جانبولات ماماي مەن ونىڭ جۇبايى ينگا يمانباەۆاعا قاتىستى الماتى قالاسى اۋەزوۆ اۋدانى №2 اۋداندىق سوتىنا ازاماتتىق تارتىپپەن ار-نامىستى, ابىروي مەن ىسكەرلىك بەدەلدى قورعاۋ تۋرالى تالاپ ارىز بەردىم.

بۇل تالاپ ارىزدى بەرۋگە ج.ماماي مەن ي.يمانباەۆانىڭ بيىلعى 13 ساۋىردە «؛دەموكراتيالى قازاقستان/دەموكراتيچەسكيي كازاحستان»؛ youtube-ارناسىندا جانە الەۋمەتتىك جەلىلەردە ورنالاستىرعان ءبىرقاتار بەينەماتەريالدارى نەگىز بولىپ وتىر. جاريالانعان ماتەريالداردا جاۋاپكەرلەر «؛جۋرناليستىك زەرتتەۋدى»؛ سەبەپ ەتىپ, ب.بايبەكتى سىبايلاس جەمقورلىقپەن جانە قىزمەت بابىن اسىرا پايدالاندى دەپ جاريا تۇردە, ۇزىلدى-كەسىلدى جانە دالەلسىز ايىپتايدى.

اتالعان ماتەريالدارعا جاسالعان تالداۋ بەينەروليكتەردە جالعىز اقپارات كوزى &ndash؛ انونيمدىك «؛uzyn qulaq»؛ تەلەگرام-ارناسىنىڭ اقپاراتىن عانا نەگىزگە العان. بۇل ارنا &ndash؛ وسەك-اياڭدى, دولباردى, تەكسەرىلمەگەن جانە شىندىققا جاناسپايتىن اقپاراتتى تاراتۋمەن اينالىساتىنى ءمالىم.

تالاپكەر (ب. بايبەك) اتىنا قاراتا ايتىلعان ايىپتاۋلاردىڭ بۇدان بولەك شىنايى دالەلدەمەلىك بازاسى مەن راستالعان دەرەگى ج.ماماي مەن ي.يمانباەۆانىڭ بەينەماتەريالدارىندا دا, تىركەلمەگەن قدپ سايتىندا دا ۇسىنىلماعان.

بيىل 19 ساۋىردە, ءبىر اپتاعا جەتپەيتىن ۋاقىتتا باۋىرجان بايبەك قاجەتتى رەسمي قۇجاتتار مەن باسقا دا ماتەريالداردى كورسەتە وتىرىپ, بارلىق ايىپتاۋلاردى جاريا تۇردە جوققا شىعاردى (https://www.youtube.com/channel/uci6ackf-zbyd4nuyiimmrqw). بۇل رەتتە, ج.ماماي مەن ي.يمانباەۆانىڭ ايتقان سوزدەرىنىڭ جالعاندىعىن, جالاڭسوزدىلىگىن جانە ارسىزدىعىن ەسكەرە وتىرىپ, ب.بايبەك ءوزىنىڭ ار-نامىسىن, ابىرويى مەن بەدەلىن سوت ارقىلى قورعاۋ قۇقىعىن پايدالانۋ جونىندە شەشىم قابىلدادى.

سوندىقتان ازاماتتىق زاڭناما اياسىندا ءبىز بەينەماتەريالدار اۆتورلارى ايىپتاۋلارىنىڭ نەگىزسىزدىگى مەن ماعىناسىزدىعىن دالەلدەۋگە نيەتتەنىپ وتىرمىز.

تالاپكەردىڭ ەل الدىندا جۇرگەن تۇلعا ەكەندىگىن, سوعان وراي بۇل جاعداي مەن الداعى پروسەستىڭ ۇلكەن رەزونانس تۋدىراتىنىن ەسكەرىپ, سونداي-اق ج.مامايدىڭ ءار ءتۇرلى ءتاسىلدى قولدانۋ ارقىلى قوعامدىق پىكىردى بۇرمالاۋ ىقتيمالدىعىن بولدىرماۋ ءۇشىن, مەن جۇرتشىلىقتى سوت پروسەسىنىڭ بارىسىمەن جەدەل جانە وبەكتيۆتى تۇردە حاباردار ەتىپ وتىراتىن بولامىن. مۇنى ەشقانداي ساياساتقا ارالاستىرماي, ىسكە قاتىسى جوق باعالاۋلارسىز تەك قۇقىقتىق ايادا اتقارامىن.

وسىعان وراي تالاپ ارىز بەرۋگە بايلانىستى كەلەسى جايتتارعا توقتالىپ, باسىن اشا كەتۋ قاجەت دەپ ەسەپتەيمىن.

بىرىنشىدەن, قولدانىستاعى زاڭناماعا سايكەس ەلىمىزدىڭ كەز كەلگەن ازاماتى قۇقىعى بۇزىلعان جاعدايدا ونى ءۇش ءتۇرلى ايادا قورعاي الادى: قىلمىستىق, اكىمشىلىك جانە ازاماتتىق.

باۋىرجان بايبەك قازاقستان رەسپۋبليكاسىنىڭ كونستيتۋسياسىنا سايكەس, سونداي-اق ءوزىنىڭ جەكە ۇستانىمىنا سۇيەنىپ, جاۋاپكەرلەردى قىلمىستىق جانە اكىمشىلىك قۋدالاۋدان باس تارتىپ, ءىستى ازاماتتىق قاراۋمەن شەكتەلۋدى ءجون كوردى. وسىلايشا, ول جەكە تۇلعا رەتىندە تالاپ ارىزدى ءوزىن نەگىزسىز جانە جاريا تۇردە اۋىر قىلمىسپەن ايىپتاپ وتىرعان باسقا جەكە تۇلعالارعا قاتىستى بەرەدى.

وسى ورايدا باۋىرجان بايبەكتىڭ اقيقاتقا كوز جەتكىزۋ, ج.ماماي مەن ي.يمانباەۆا تاراتقان مالىمەتتەردىڭ جالعاندىعىن دالەلدەۋ, سونداي-اق ءوزىنىڭ بەدەلىن قالپىنا كەلتىرۋ ماقساتىن عانا باسشىلىققا الا وتىرىپ, كەلتىرىلگەن مورالدىق زالالعا ماتەريالدىق وتەماقى ءوندىرىپ الۋدان دا باس تارتىپ وتىرعانىن ەرەكشە اتاپ وتكىم كەلەدى.

ەكىنشىدەن, ازاماتتىق زاڭنامانىڭ ەرەكشەلىگى مىنادا. جاۋاپكەرلەر ج.ماماي مەن ي.يمانباەۆا جاريا تۇردە ب.بايبەكتى جۇيەلى تۇردە سىبايلاس جەمقورلىققا باردى, سونداي-اق مەملەكەتتىك قىزمەتتە جۇرگەن كەزەڭدە قىزمەت بابىن اسىرا پايدالاندى دەگەن ايىپتاۋىندا سۇيەنگەن ايعاقتارى مەن قۇجاتتارىن ۇسىنۋى ءتيىس. ياعني, ايىپتاعان تاراپ مۇنى ناقتى فاكتىلەرمەن دالەلدەۋى قاجەت.

سونىمەن قاتار باۋىرجان بايبەك جاۋاپكەرلەردىڭ وتىرىك ايىپتاۋلارىن تەرىسكە شىعاراتىن بارلىق قاجەتتى قۇجاتتار مەن فاكتىلەردى سوتقا ۇسىنۋ بويىنشا ءوز قۇقىعىن پايدالانادى. بۇل &ndash؛ اكىمدىكتىڭ 20-دان استام قاۋلىسى, سونىمەن قاتار باسقا دا قۇجاتتارمەن راستالعان مالىمەتتەر.

ۇشىنشىدەن, جاۋاپكەرلەر تاراتقان جالعان, ب.بايبەكتىڭ بەدەلىنە نۇقسان كەلتىرەتىن روليكتەر نەگىزىندە تالاپكەر «؛الماتى قالاسىنىڭ اكىمى لاۋازىمىندا بولعان 4 جىل ىشىندە جەكە بيزنەس-يمپەرياسىن قۇرا وتىرىپ, زاڭسىز 1 ميلليارد اقش دوللارىن تاپتى. ءقازاقفيلمنىڭ, اتاكەنتتىڭ جانە ىلە-الاتاۋ ۇلتتىق پاركىنىڭ جەرلەرىن قۇرىلىس سالۋعا جانە تۇراق جاساۋعا جەكە تۇلعالارعا بەردى. اۆتوبۋستار ساتىپ الۋدا پارا الدى. كومىر مافياسىن «؛قاناتىنىڭ استىنا الىپ»؛, الماتىداعى تەس-2-نى گازعا كوشىرۋگە توسقاۋىل قويدى»؛ دەپ جالعان ايىپتاۋعا بارعان. ياعني ماعان سەنىم بىلدىرگەن تۇلعانىڭ ەڭ الدىمەن الماتى اكىمى لاۋازىمىندا ءشارۋاشىلىق-بولۋ فۋنكسيالارىن ورىنداعان كەزدەگى قىزمەتى قوزعالادى.

ەندى مۇنىڭ بارلىعىن جاۋاپكەرلەر بوس مالىمدەمەلەرمەن ەمەس, ناقتى فاكتىلەر مەن قۇجاتتار نەگىزىندە دالەلدەۋى ءتيىس.

سوندىقتان دا ءبىزدىڭ تالاپ ارىزىمىزعا, ەڭ الدىمەن, ج.ماماي مەن ونىڭ جۇبايىنىڭ تالاپكەردىڭ وڭتۇستىك مەگاپوليستىڭ باسشىسى رەتىندەگى جۇمىس كەزەڭىنە قاتىستى ايىپتاۋلارىن تەرىسكە شىعارۋ تالابى قويىلدى.

سونداي-اق تالاپ ارىزعا تاۋەلسىز پسيحولوگيالىق-فيلولوگيالىق ساراپتاما قوسا بەرىلدى. ول ج.ماماي مەن ي.يمانباەۆانىڭ ايتقان سوزدەرى &ndash؛ ب.بايبەكتىڭ قىزمەتى تۋرالى جاريا تۇردە ايتىلعان جاعىمسىز اقپارات ەكەندىگىن, ولار شىندىققا جاناسپاعان جاعدايدا, تالاپكەردىڭ ار-نامىسىنا, ابىرويى مەن بەدەلىنە نۇقسان كەلتىرەتىن ايىپتاۋلار قاتارىنا جاتاتىنىن راستايدى.

تورتىنشىدەن, ج.ماماي مەن ي.يمانباەۆانىڭ ءوز بەينەماتەريالدارىندا ءۇشىنشى تۇلعالاردىڭ دا مۇددەلەرىن قوزعايدى, ولاردى ءار ءتۇرلى قىلمىستارمەن جالاڭ ايىپتايدى.

مىسالى, ب.بايبەكتىڭ 100-دەن استام جەكە كومپانيانىڭ قاتىسۋىمەن «؛ۇلكەن بيزنەس-يمپەريانىڭ يەسى»؛ دەپ نەگىزسىز مالىمدەنگەن. مۇنىمەن قوسا, ۇكىمەتتىك ەمەس الەۋمەتتىك باعدارداعى ۇيىمدارعا قوسالقى قۇرىلتايشىلىعى جەكە بيزنەسكە جاتقىزىلعان.

ايتسە دە بۇل ماعان سەنىم بىلدىرگەن تۇلعاعا تىكەلەي قاتىسى بولماعاندىقتان, ءبىزدىڭ تالاپ ارىزىمىزدا جاۋاپكەرلەردىڭ ءۇشىنشى تۇلعالارعا قاتىستى سوزدەرى قوزعالمايدى. الايدا ج.ماماي مەن ونىڭ جۇبايىنىڭ روليكتەرىندە نەگىزسىز ايىپتاۋعا ۇشىراپ وتىرعان ولار وسى فاكتىلەر بويىنشا سوتقا تالاپ ارىزبەن جۇگىنۋى مۇمكىن.

ج.ماماي مەن ي.يمانباەۆانىڭ ب.بايبەككە تاڭىپ وتىرعان قۇقىق قورعاۋ ورگاندارىنا, سوتقا جانە ورتالىق سايلاۋ كوميسسياسىنا ىقپال ەتەتىن ەرەكشە مۇمكىندىگى جونىندەگى بوس دولبارلارى مەن كوپە-كورنەۋ وتىرىگى دە تالاپ ارىزعا قوسىلماعاندىعىن ەرەكشە اتاپ وتكىم كەلەدى. ويتكەنى بۇلار زاڭناما دەڭگەيىندە جوققا شىعارىلعان باسى اشىق اقيقات.

بەسىنشىدەن, ج.ماماي مەن ي.يمانباەۆاعا قاتىستى تالاپ ارىزدى سوت قاناعاتتاندىرعان جاعدايدا, اتالعان ازاماتتار ب.بايبەكتىڭ ار-نامىسى مەن ابىرويىنا نۇقسان كەلتىرەتىن ماتەريالداردى جويۋى, سونداي-اق ءتيىستى الەۋمەتتىك جەلىلەردە جانە youtube-ارنادا بارلىق نەگىزسىز, شىندىققا جاناسپايتىن ايىپتاۋلارىن جوققا شىعارۋى ءتيىس.

ىسپەن مۇقيات تانىسىپ, ماتەريالداردى جان-جاقتى زەرتتەگەننەن كەيىن, مەن, كاسىبي زاڭگەر جانە ازامات رەتىندە ماعان سەنىم ءبىلدىرۋشى باۋىرجان بايبەكتىڭ نەگىزسىز ايىپتاۋلار مەن كەمسىتۋگە جول بەرمەۋ تۋرالى ۇستانىمىن تولىق قولدايمىن.

ادام مەن ازاماتتىڭ ارى مەن ابىرويى &ndash؛ ىرگەلى قۇقىقتار, وعان كونستيتۋسيادا ءاربىر ازاماتقا قىزمەتىنە نەمەسە قوعامدىق مارتەبەسىنە قاراماستان كەپىلدىك بەرىلگەن. وكىنىشكە قاراي, قازاقستاندا وسىناۋ قۇندىلىقتاردى قورعاۋ بويىنشا قۇقىقتىق مادەنيەت ءالى دە دامي قويماعان. كورىپ وتىرعانىمىزداي, ول ەكونوميكالىق ىنتىماقتاستىق جانە دامۋ ۇيىمىنىڭ بارلىق ەلدەرىندە (اقش, فرانسيا, گەرمانيا, ۇلىبريتانيا جانە باسقالارى) كەڭىنەن تارالعان.

سوت &ndash؛ بۇل زاڭ ۇستەمدىك قۇراتىن, سوتتىڭ تەڭ قۇقىقتى ەكى تاراپتىڭ اشىق تارتىسى بارىسىندا اقيقاتقا جەتۋىنە مۇمكىندىك بەرەتىن ناقتى دالەلدەر مەن دايەكتەردى كەلتىرەتىن ورىن ەكەندىگىن اتاپ وتكىم كەلەدى. سوتتا جالاڭ ساياسات سوعۋ مەن دولبارعا ورىن جوق, تەك تەكسەرىلگەن فاكتىلەر عانا ەسەپكە الىنادى.

قۇقىق ۇستەمدىگى &ndash؛ ءبىز قۇرىپ جاتقان كەز كەلگەن دامىعان دەموكراتيالىق قۇقىقتىق مەملەكەتتىڭ نەگىزى. كورىپ وتىرعانىمىزداي, ج.ماماي دا وسىنى ءجيى تىلگە تيەك ەتەدى.

سوندىقتان ج.ماماي مىرزا مەن ي.يمانباەۆا حانىمدى قازاقستان رەسپۋبليكاسىنىڭ زاڭدى قۇقىقتارى مەن مىندەتتەرى بار ازاماتتارى رەتىندە سوت پروسەسىن ساياسيلاندىرۋدان باس تارتىپ, ونىڭ اشىق تا كونسترۋكتيۆتى ايادا وتۋىنە قولداۋ كورسەتۋگە جانە ايتىلعان ايىپتاۋلارعا زاڭعا سايكەس دالەلدەمەلەر ۇسىنۋعا شاقىرامىن.

سونىمەن بىرگە باق وكىلدەرىنە, فەيسبۋك پەن باسقا دا الەۋمەتتىك جەلىلەر اۋديتورياسىنا ءوتىنىش بىلدىرەمىن.

«؛جاڭا مەديانىڭ»؛ قاي-قايسىمىزدىڭ دا ومىرىمىزگە ىقپالىن ەسكەرسەك, جەكە باستى, وتباسىن, بالالار مەن جاقىنداردىڭ قۇقىقتارى مەن مۇددەلەرىن قوزعايتىن جانە قورلايتىن وسەك-اياڭدار ەلىمىزدىڭ ءاربىر ازاماتىنا, ءارقايسىمىزعا قاتىستى دا ايتىلۋى مۇمكىن.

وزىنىڭ الەۋمەتتىك مارتەبەسى مەن جاعدايىنا, ساياسي كوزقاراسى مەن دۇنيەتانىمىنا قاراماستان, بارلىق ازامات زاڭناما نەگىزىندە ءوز ار-نامىسىن سوتتا قورعاي الاتىنىنا سەنىمدى بولۋى ءتيىس!

وسى ىسكە قىزىعۋشىلىق تانىتقان ءاربىر ازاماتتىڭ ءبىزدىڭ ۇستانىمىمىزدىڭ دۇرىستىعىنا ءوز بەتىنشە كوز جەتكىزۋىنە مۇمكىندىك بەرەتىن سوتقا تالاپ ارىز بەن پسيحولوگيالىق-فيلولوگيالىق ساراپتامانى قوسا بەرىپ وتىرمىن»؛, - دەپ جازدى زاڭگەر.

قۇرمەتتى دوستار! بۇگىن مەن باۋىرجان قىدىرعاليۇلى بايبەكتىڭ مۇددەسىن ءبىلدىرۋشى زاڭگەر رەتىندە جانبولات ماماي مەن ونىڭ...

وپۋبليكوۆانو ايجان تاشەنوۆوي ؛پياتنيسا, 30 اپرەليا 2021 گ.
"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر