• usd 468.56

  • eur 497.56

  • rub 7.3

  • cny 67.18

29 ناۋرىز, 18:48:45
الماتى
+35°

جىر-زاپىران!..

كورگەن قورلىق جىلدار بويى جينالعان,
تۇن بالاسى قايران جۇرەك قينالعان.
بۇل الەمدە بىزدەي ءبىر ۇلت بار ما ەكەن,
كىلەڭ تەكسىز اقىلدى العان, ميدى العان؟..

تاعدىر جولى اۋىر ما ەكەن, تار ما ەكەن,
ىشتەن جىلاپ, تۇنشىعاتىن زار ما ەكەن؟
قايران ۇلتتىڭ كەۋدەسىنە جينالعان
زاپىراندى كورگەن بىرەۋ بار ما ەكەن؟..

قالاي توزەم, ۇلتتىڭ جايىن جوقتاماي,
كىم بولدى ءوزى سويلەمەيتىن «؛وتتاماي»؛؟
مىنا مەندە زاپىران-جىر جينالعان
جونەلە مە اعىل-تەگىل توقتاماي؟...

بەيشارا كىم؟

كۇندىز-تۇنى ۇلت نامىسىن تاپتاعان,
ەلدە تۇك تە قالماعانداي ساتپاعان؟
بىر سۇمدىعى, تاۋەلسىزدىك ارقىلى
كىلەڭ ۇرى, كىلەڭ جەمقور &ndash؛ قاپتاعان...

نامىس قايدا, سىن ساعاتتا ۇل ايتار؟
«؛لاپباي, تاقسىر!»؛ - بۇل يشارا قۇل ايتار,
تۋماي جاتىپ ار-ۇياتىن جوعالتقان
بىزدىڭ ۇلتتا بەيشارا كىم, كىم ايتار؟..

دايىن تۇرار ءوز قازاعىن جۇندەۋگە,
دايىن باستان جونەلتۋگە مۇلدەمگە.
قالاۋىنشا ۇلت بايلىعىن توناعان
بولادى ۇلتىم, بەيشارانى كىم دەۋگە؟..

ۇلتتان قىمبات كىمىڭ بار؟!.

ەسەپتەلگەن بوداندىعى «؛پۇل»؛ بولىپ,
تونالعان ۇلت - ار-ۇياتتان تۇل بولىپ؟
باسشىسى دا, قوسشىسى دا قازاقتىڭ
جارالعان با, قۇلاق كەستى قۇل بولىپ؟..
«؛ناعىز قازاق»؛ &ndash؛ اناۋ ما ءوزى, مەن بە ءوزى,
بەيشارا قال, ءتۇسىم, ياكي, ءوڭ بە ءوزى؟
جالتاڭ قاققان قوجايىنعا بۇرىنعى,
قازاق ەلى شىن تاۋەلسىز ەل مە ءوزى؟..

بەيشارام-اي, ء«؛شۇلدىر»؛ قاققان ءتىلىڭ بار,
ەپتەپ ۇلتقا كەلەتىندەي ءتۇرىڭ بار.
ەي, ورىسقۇل, تۇسىنبەيمىن مەن سەنى,
ۇلتتان قىمبات, ۇلتتان ارتىق كىمىڭ بار؟..

ەڭ قيىن سۇراق!..

تىرشىلىكتە وزعان كىمى, كىم قالىس؟
كىمى تازا جانە كىمى بىلعانىش؟
وزىم مەنەن ءوزىم قالسام وڭاشا
بولادى ىلعي ەستىلگەندەي ءبىر داۋىس:

«؛- ۋاقىت جىلدام وتەدى دەپ نالىما,
تەك جاقسىنى جاقىن ۇستا جانىڭا.
اسىپ, تاسۋ &ndash؛ جاراسپايدى پەندەگە
ريزا بول, بۇگىنىڭە, بارىڭا...»؛.

مەن بىلمەيمىن, داۋىس قايدان شىققانىن,
مەن بىلمەيمىن, كىمنىڭ نەدەن بۇققانىن.
مەن ونى دا ايتا المايمىن تاپ باسىپ,
كوپ پە, از با, ۇقپاعاننان ۇققانىم؟..

قايران ۇلتتىڭ ءمۇڭ-زارى!..

...تەك الۋدى ارتىق كورگەن جانىنان,
دەپ كىم ايتار: «؛جوعى جاقسى بارىنان؟..»؛
وز جەرىندە وگەي بالا - تەك قازاق,
بۇل قورلىقتان قايتسەم, قالاي ارىلام؟

تويىمسىز كىم, قۇرىپ تۇرار ىندىنى,
الى الدا ما ۇلتتىڭ كورەر سۇمدىعى؟
بىزدىڭ قازاق ۇزاق جىلعى تەپكىدەن
ابدەن قاجىپ تالعانداي ما, شىندىعى؟

سۇرقاي تارتىپ, قۋ مەديەن دالا دا,
كىم ۇيرەنگەن بەتى قالىڭ جالاعا؟
تەك كىرپىگى قيمىلدايتىن ناۋقاستاي,
قايران ۇلتتا ءۇمىت قۇرىپ بارا ما؟

بۇل جاعدايدىڭ كىم تۇسىنبەس پارقىن دا,
كىم كوز ساتقان تاۋ-تاۋ بايلىق - التىنعا؟
سال تىقىردان, بوزداپ قويا بەرەردەي,
بىر وكسىك جاس كەپتەلە مە القىمعا؟..

ەرىمەستەي الاتاۋدىڭ مۇز-قارى,
توڭدىرعانداي قاتىگەزدىك ىزعارى!
«؛شىندىق!..»؛-دەگەن جالعىز سوزدەن راسى
ەستىلمەي مە قايران ۇلتتىڭ مۇڭ-زارى؟..

اۆتور: جۇماش كوكبورى

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر