الماتى اكىمدىگى ارزان ازىق-تۇلىكتى قاي جەرلەردەن الۋعا بولاتىنىن ايتتى

الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى ەركەبۇلان ورازالين قالادا الەۋمەتتىك ماڭىزى بار ازىق-تۇلىك باعاسىنىڭ قالاي تۇراقتاندىرىلعانىن ايتتى.

سپيكەردىڭ ايتۋىنشا, ءقازىر الماتىلىقتار 18 ءتۇرلى ءونىمدى قولجەتىمدى باعامەن ساتىپ الا الادى. ال مۇنىڭ ءبارى باعانى رەتتەۋ مۇمكىندىگىنىڭ جانە الماتىنىڭ تۇراقتاندىرۋ قورىنىڭ ارقاسىندا. 30 ماۋسىمعا دەيىن جۇمىرتقانىڭ شەكتى باعاسى بەلگىلەنگەن بولاتىن.

ەركەبۇلان ورازالين ءمالىم ەتكەندەي, الماتى قالاسىنىڭ ازىق-تۇلىك قاۋىپسىزدىگىن قامتاماسىز ەتۋ, سونداي-اق الەۋمەتتىك ماڭىزى بار ازىق-تۇلىك باعاسىنىڭ نەگىزسىز وسۋىنە جول بەرمەۋ ءۇشىن تۇراقتاندىرۋ قورىنىڭ قاراجاتى 8-دەن 10 ملرد تەڭگەگە دەيىن, ورنالاستىرىلعان «؛اينالىم»؛ قارىزدارى 7-دەن 8,5 ملرد تەڭگەگە دەيىن ارتتى.

«؛ونىمنىڭ جالپى كولەمى 73,4 مىڭ توننانى قۇرايتىن الەۋمەتتىك ماڭىزى بار ازىق-تۇلىك تاۋارلارىنىڭ 18 اتاۋى قامتىلدى. «؛ماگنۋم»؛ جانە «؛تويمارت»؛ ساۋدا جەلىلەرى, الماتى قالاسىنىڭ تاۋار وندىرۋشىلەرى «؛اقساي»؛ نان-توقاش كومبيناتى»؛ جشس جانە الماتى وبلىسىنىڭ تاۋار وندىرۋشىلەرى «؛union products»؛ جشس, «؛mps»؛ جشس, «؛اسىل meat»؛ جشس تارتىلدى»؛, - دەدى ەركەبۇلان ورازالين.

2020 جىلدىڭ قاراشاسىنان بەرى 14 مىڭ توننادان استام كوكونىستى (كارتوپ, ءسابىز, پياز, قىرىققابات) ساقتاۋعا قويۋ جۇمىسى ىسكە اسىرىلدى. بۇل, ازىق-تۇلىكتەردى بۇگىندە «؛ماگنۋم»؛ ساۋدا جەلىسىنەن بەلگىلەنگەن الەۋمەتتىك باعا بويىنشا الۋعا بولادى.

«؛اتالعان كوكونىستى نارىقتىڭ ورتاشا باعاسىنان تومەن باعا بويىنشا ساقتاۋعا قويۋدى ىسكە اسىرۋ, جالپى العاندا, قالا بويىنشا اتالعان كوكونىس قاتارلارىنىڭ باعالارىن تۇراقتاندىرۋ مۇمكىن بولدى»؛, - دەپ تولىقتىردى ۆەدومستۆو باسشىسى.

بۇگىندە «؛ماگنۋم»؛ جانە باسقا دا ساۋدا جەلىلەرىن 22 مىڭ توننا كوكونىسپەن قامتاماسىز ەتۋ ءۇشىن 2021-2022 جىلعى ماۋسىمارالىق كەزەڭگە كوكونىستى «؛فورۆاردتىق»؛ ساتىپ الۋ تۋرالى 2,5 ملرد تەڭگەگە كەلىسىم جاسالدى.

قالانىڭ 7 نەگىزگى ازىق-تۇلىك بازارىندا: «؛كوك بازار»؛, «؛جاڭا اقبۇلاق»؛ (كوتەرمە بازار), «؛سارى-ارقا»؛, «؛تاستاق»؛, «؛تاۋسامالى»؛, «؛الماتى-1»؛, «؛تۇركسىب»؛ جارمەڭكەسىندە «؛الەۋمەتتىك دۇكەندەر»؛ اشىلدى. وندا «؛التىن وردا»؛ بازارىنىڭ كوتەرمە باعالارى بويىنشا الەۋمەتتىك-ماڭىزى بار ازىق-تۇلىك تاۋارلارىنىڭ 10 اتاۋى ساتىلادى.

بۇل بازارلاردان كارتوپ, ءسابىز, پياز, قىرىققابات, قانت, قاراقۇمىق, كۇنباعىس مايى, كۇرىش, كەسپە, ۇندى ارزان باعاعا ساتىپ الۋعا بولادى.

ەركەبۇلان ورازالين بۇل ساتۋ نۇكتەلەرىنىڭ تۇراقتى تۇردە جۇمىس ىستەيتىنىن اتاپ ءوتتى. سونىمەن بىرگە تۇركىستان وبلىسىنان قىرىققاباتتىڭ جاڭا ءونىمىنىڭ جەتكىزىلۋىن ۇيىمداستىرۋ ماسەلەسى پىسىقتالۋدا.

«؛قازىر ءبىز تۇراقتاندىرۋ قورىنا 500 توننا كۇرىش پەن 300 توننا قاراقۇمىق جارماسىن ساتىپ الۋدى جۇرگىزىپ جاتىرمىز. وعان قوسا,ساتىپ الىناتىن ءونىمنىڭ اتاۋى مەن كولەمىن ارتتىرۋ ماسەلەسى پىسىقتالۋدا»؛, - دەپ حابارلادى باسقارمانىڭ باسشىسى.

ە. ورازالين باعانى كوتەرۋگە سەبەپ جوقتىعىن العا تارتتى. اكىمدىكتىڭ كاسىپكەرلىك جانە ينۆەستيسيالار باسقارماسى الەۋمەتتىك ماڭىزدى تاۋارلاردىڭ بارلىق تۇرلەرى بويىنشا باعا تۇراقتىلىعىن قاتاڭ باقىلاۋدى قامتاماسىز ەتەدى.

جۇرگىزىلگەن جۇمىستاردىڭ ارقاسىندا باعالار 100% تۇراقتاندىرىلدى.

 ؛