الماتىدا جاستاردى قولداۋ باعىتىندا قانداي شارالار اتقارىلۋدا

الماتى اكىمى باقىتجان ساعىنتاەۆتىڭ توراعالىعىمەن وتكەن اپپاراتتىق كەڭەستە جاستار ساياساتىن ىسكە اسىرۋ, ونىڭ ىشىندە جۇمىسپەن قامتۋ, تۇرعىن ۇيمەن قامتاماسىز ەتۋ جانە كامەلەتكە تولماعاندار اراسىندا قىلمىستىڭ الدىن الۋ ماسەلەلەرى قارالدى.

بىلتىر «؛ەڭبەك»؛ مەملەكەتتىك باعدارلاماسى بويىنشا 25 313 جاس جۇمىسقا ورنالاستى. ونىڭ ىشىندە تۇراقتى جۇمىس ورىندارىنا &ndash؛ 10 740, قوعامدىق جۇمىستارعا &ndash؛ 7 142, «؛جاستار تاجىريبەسى»؛ باعدارلاماسى بويىنشا &ndash؛ 1 503, الەۋمەتتىك جۇمىس ورىندارىنا &ndash؛ 361, «؛جۇمىسپەن قامتۋدىڭ جول كارتاسى»؛ بويىنشا &ndash؛ 4 027 جاس جۇمىسپەن قامتىلدى. «؛باستاۋ بيزنەس»؛ جوباسى بويىنشا 858 جاس كاسىپكەرلىك نەگىزدەرىن وقىدى, 448 جاسقا گرانتتار بەرىلدى, 234 جاس قىسقا مەرزىمدى كۋرستاردا بىلىمدەرىن جەتىلدىردى.

«؛self-made»؛ الەۋمەتتىك جوبا اياسىندا 50 ۇلتتىق جانە جەكە كومپانيالارمەن, سونداي-اق مەملەكەتتىك ورگاندارمەن تاعىلىمدامادان ءوتۋ تۋرالى مەموراندۋمدارعا قول قويىلدى. كوللەدجدەردىڭ 150 ۇزدىك تۇلەگى تاجىريبەدەن ءوتتى. بۇدان وزگە, كاسىپتىك-تەحيكالىق ءبىلىم بەرەتىن 43 مەكەمەنىڭ 5 مىڭعا جۋىق ستۋدەنتى قالانىڭ 351 كاسىپورنىندا 38 ماماندىق بويىنشا دۋالدى وقۋمەن قامتىلدى. كوللەدجدەردىڭ ماتەريالدىق-تەحنيكالىق جابدىقتالۋىن نىعايتۋ جانە جاڭارتۋ بويىنشا جۇمىستار جالعاسۋدا.

وتكەن جىلدان باستاپ جاستاردى قولداۋ شارالارى تۋرالى قولجەتىمدى اقپاراتپەن كەڭىرەك قامتۋ ماقساتىندا بارلىق اۋدانداردا «؛الماتى جاستارى»؛ جاستار رەسۋرستىق ورتالىقتارى جۇمىس ىستەۋدە. ولاردا حقكو قاعيداتى بويىنشا جۇمىسپەن قامتۋ, تۇرعىن ءۇي الۋ, كاسىپكەرلىكتى دامىتۋ ماسەلەلەرى بويىنشا تەگىن كەڭەستەر بەرىلەدى. مۇندا «؛اتامەكەن»؛ ۇكپ-نىڭ, حالىقتى جۇمىسپەن قامتۋ ورتالىعىنىڭ جانە «؛وتباسى بانكىنىڭ»؛ قىزمەتكەرلەرى ءتۇرلى كونسۋلتاسيالار بەرەدى. رەسۋرستىق ورتالىقتارعا جۇگىنگەن 300-دەن استام جاس «؛ەڭبەك»؛ مەملەكەتتىك باعدارلاماسى بويىنشا جۇمىسقا ورنالاستى. 8 مىڭعا جۋىق ادام كەڭەس الدى.

وسىعان وراي, الماتى اكىمى باقىتجان ساعىنتاەۆ جاستاردى قولداۋ ماسەلەلەرىنە, اسىرەسە ولاردى جۇمىسقا ورنالاستىرۋعا ەرەكشە نازار اۋدارۋدى تاپسىردى. بۇل دامۋدىڭ جول كارتاسىن ىسكە اسىرۋعا جانە قالا جاستارىن قولداۋعا قاتىساتىن بارلىق اۋداندار اكىمدەرىنىڭ جانە باسقارمالار باسشىلارىنىڭ باستى مىندەتتەرىنىڭ ءبىرى.

كەڭەس بارىسىندا جاستاردىڭ دەمالىسىن دۇرىس ۇيىمداستىرۋ, قوسىمشا ءبىلىم بەرۋ, تۇرعىن ۇيمەن قامتاماسىز ەتۋ ماسەلەلەرى قارالدى. ماسەلەن, «؛نۇرلى جەر»؛ تۇرعىن ءۇي باعدارلاماسى اياسىندا جاستاردىڭ جانە جاس وتباسىلاردىڭ قولجەتىمدى باسپانا ماسەلەسىن شەشۋ ءۇشىن قالادا جۇمىس ىستەيتىن جاستارعا ساتىپ الۋ قۇقىعىنسىز 5 جىل مەرزىمگە جالعا بەرىلەتىن تۇرعىن ءۇي بەرۋدى جالعاسۋدا. 2019-2020 جىلدارى وسى باعدارلاما بويىنشا 1400 پاتەر ءبولىندى. بيىل تاعى 1050 پاتەر ۇلەستىرۋ جوسپاردا. بۇدان بولەك, «؛الماتى جاستارى 3.0»؛ قالالىق باعدارلاماسى بويىنشا 1 مىڭ جاس باسپانالى بولدى.

كامەلەتكە تولماعاندار اراسىنداعى قىلمىستى ەسكەرتۋ ەرەكشە نازاردا, اتاپ ايتقاندا, ناشاقورلىقتىڭ الدىن الۋ ماسەلەلەرى. سوڭعى 3 ايدا پوليسيا دەپارتامەنتى وسى سالادا 258 قۇقىق بۇزۋشىلىقتىڭ جولىن كەستى.

مەگاپوليس اكىمىنىڭ تاپسىرماسىنا سايكەس, پوليسيا دەپارتامەنتى ءبىلىم بەرۋ جانە قوعامدىق دەنساۋلىق باسقارمالارىمەن بىرلەسىپ, كامەلەتكە تولماعاندار اراسىنداعى قۇقىق بۇزۋشىلىقتى انىقتاۋ جانە ونىڭ جولىن كەسۋ بويىنشا جۇمىس تۇراقتى جۇرگىزۋلەرى ءتيىس.

كەڭەستى قورىتىندىلاعان باقىتجان ساعىنتاەۆ اۋدان اكىمدەرى مەن باسقارما باسشىلارىنا جاستار وتىنىشتەرىنىڭ شەشىلۋىن ۇنەمى باقىلاۋدا ۇستاۋدى تاپسىردى. بۇل جۇمىستىڭ تيىمدىلىگىن ارتتىرۋ ءۇشىن الماتى اكىمىنىڭ ورىنباسارى ەرجان باباقۇماروۆتىڭ باسشىلىعىمەن ۇيلەستىرۋ توبى قۇرىلدى. سونىمەن قاتار, 2025 جىلعا دەيىنگى دامۋدىڭ جول كارتاسى مەن جاستارعا قولداۋ كورسەتۋ وزەكتەندىرىلەتىن بولادى.

 ؛