فوتو: ەلشىنىڭ facebook پاراقشاسىنان الىندى
قازاقستاننىڭ تۇركياداعى قۇرمەتتى كونسۋلى, كاسىپكەر حاليل ۋلۋەر جول اپاتىنان كوز جۇمدى. قارالى حاباردى قازاقستاننىڭ تۇركياداعى توتەنشە جانە وكىلەتتى ەلشىسى ابزال ساپاربەكۇلى الەۋمەتتىك جەلىدەگى پاراقشاسىندا حابارلادى.
&ndash؛ قازاقستاننىڭ تۇركياداعى ەلشىلىگى ءۇشىن وتە اۋىر سۋىت حابارمەن بولىسكەلى وتىرمىن. ەلىمىزدىڭ تۇركيانىڭ نەۆشەحير پروۆينسياسىندا 2009 جىلدان بەرى قۇرمەتتى كونسۋلىمىز بولىپ كەلە جاتقان تاماشا, اقكوڭىل ازامات, ادال دوس, تۇرىكتىڭ بەلگىلى ىسكەر ادامى حاليل ۋلۋەر مىرزانىڭ جانە اسىل جارىنىڭ بۇگىن كەشكى ۋاقىتتا جول اپاتىنان قازا تاپقانىن تەرەڭ كۇيزەلىس قايعىمەن ءبىلدىم, &ndash؛ دەدى ا. ساپاربەكۇلى.
ەلشىنىڭ ايتۋىنشا, حاليل ۋلۋەر تەك ءوز ەلىنىڭ ەمەس, قازاق حالقىنىڭ ناعىز جاناشىر دوسى بولعان, قازاق-تۇرىك باۋىرلاستىعى مەن ىنتىماقتاستىعى ءۇشىن ەلەۋلى ۇلەس قوسقان.
&ndash؛ قازاقستاننىڭ كوك تۋىن تۇرىك جۇرتىندا ءاردايىم جەلبىرەتىپ, قازاقستان ءۇشىن ماقتان تۇتاتىن ءبىرتۋار اسىل ازامات ەدى. پاندەميا كەزىندە وسىنداعى ستۋدەنتتەرگە قول ءۇشىن اياماي كومەكتەسىپ, قازاقستانعا گۋمانيتارلىق كومەك جولداپ, قول ۇشىن بەرگەندەردىڭ قامقورشىلاردىڭ الدىڭعى شەبىندە ەدى. ەلىمىزگە ينۆەستيسيا تارتۋ ءۇشىن كۇندىز-تۇنى بىرگە كەزدەسۋلەر وتكىزىپ, كەلىسسوزدەر جۇرگىزىپ ءجۇر ەدى, ؛&ndash؛ دەپ جازدى ەلشى الەۋمەتتىك جەلىدەگى پاراقشاسىندا .
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر