• usd 468.56

  • eur 497.56

  • rub 7.3

  • cny 67.18

29 ناۋرىز, 12:51:22
الماتى
+35°

ماجىلىستەگى "اق جول" فراكسياسىنىڭ دەپۋتاتى قازىبەك يسا قازاقستاندا وقۋعا نيەتتى شەتەلدەگى قانداستاردىڭ ماسەلەسىن كوتەرىپ, ؛بىلىم جانە عىلىم ءمينيسترى اسحات ايماعامبەتوۆكە دەپۋتاتتىق ساۋال جولدادى.

"شەكارانىڭ ارعى بەتىندەگى مىڭداعان بالالارىمىز وقۋىن جالعاستىرۋعا اتامەكەنگە قول سوزىپ تۇر. ال قول ۇشىن بەرۋى ءتيىس ءبىزدىڭ ءبىلىم مينيسترلىگى نە ىستەۋدە؟ ؛پاندەميا كەزىندە, شەكارالار شەگەندەۋلى كەزدە قازاقستانعا كەلىپ ۇلتتىق ءبىرىڭعاي تەست تاپسىرۋلارىڭ كەرەك دەپ تەپسىنىپ تۇر" دەپ باستالاتىن ساۋالدا دەپۋتات ؛مينيسترلىك ارەكەتىن سىنايدى.

&ndash؛ الەمنىڭ كوپ ەلدەرىندە شەكارانىڭ جابىق ەكەندىگىن ەسكەرسەك, پاندەميانىڭ كەلەسى تولقىندارىنىڭ كۇشتىلىگىن بايقاساق, شەكارانىڭ ماۋسىم ايىنا دەيىن اشىلمايتىندىعى بەلگىلى. ياعني ءبىز اتامەكەندە ءبىلىم الام دەگەن قانداستارىمىزدى وقۋعا قابىلداي الماي قالۋىمىز مۇمكىن. شەتەلدەگى قانداستاردى قازاقستانعا شاقىرۋدىڭ بىرەگەي جولى ول &ndash؛ اتامەكەندە تەگىن ءبىلىم الۋعا مۇمكىندىك جاساۋ. سول سەبەپتى, سوڭعى وتكەن قۇرىلتايدا ەلباسى شەتەلدەگى قازاق بالالارىنىڭ قازاقستاندا ءبىلىم الۋىنا جاعداي جاساۋدا قانداستارعا بولىنەتىن كۆوتانى 2 ەسە كوبەيتۋ (2%-دان 4%-عا دەيىن) تۋرالى تاپسىرما بەرگەن بولاتىن. ؛الايدا بۇل گرانتتار ەشقاشان تولىق يگەرىلگەن ەمەس. باستى سەبەپتىڭ ءبىرى &ndash؛ قانداس تالاپكەرلەردىڭ ۇلتتىق ءبىرىڭعاي تەستىلەۋدى تاپسىرا الماۋى, ؛&ndash؛ دەيدى دەپۋتات.

ونىڭ ايتۋىنشا, قانداستاردىڭ جوعارى وقۋ ورىندارىنىڭ دايىندىق بولىمدەرىندە 9 اي دايىندالۋى, 11 جىلدىق قازاقستاندىق مەكتەپ باعدارلاماسىن يگەرۋگە جەتكىلىكسىز.

&ndash؛ 2020 جىلى 2022 قانداسىمىز قازاقستانعا وقۋعا تالاپتانىپ ناتيجەسىندە 930 قانداسىمىز عانا وقۋعا مۇمكىندىك الدى. ؛جوعارىدا ايتىلعان پروبلەمالار قانداستاردىڭ وقۋعا ءتۇسۋ مۇمكىندىگىن شەكتەپ تۇر. نە ءۇشىن اتامەكەندە وقۋعا نيەت بىلدىرگەن بارلىق قانداستاردى قابىلداپ ءالماسقا؟!. ؛دال وسى ساتتە كورشىلەس رەسەي بارلىق تمد ەلدەرىنە بولىنەتىن گرانتىنىڭ سانىن 2024 جىلعا دەيىن 30 مىڭعا كوتەرۋدى جوسپارلاپ وتىر. ونىڭ ىشىندە قازاقستانعا بولىنەتىن گرانت سانى 1 ورىندا تۇر. ؛ال ءبىز وقۋعا كەلەمىن دەپ وتىرعان ءوز باۋىرلارىمىزعا ءوزىمىز كەدەرگى بولىپ وتىرمىز. ؛وسىنداي ساياساتىڭ ءبىر دالەلى قانداستارعا دەگەن كوشىپ كەلۋ كۆوتاسىنىڭ 100 مىڭنان 100 ەسەگە دەيىن &ndash؛ 1,5 مىڭعا دەيىن ازايۋى, ؛&ndash؛ دەپ اتاپ ءوتتى ول.

قازىبەك يسا موڭعوليا, وزبەكىستان, قىتاي, تۇركمەنىستان سەكىلدى ەلدەردەگى قانداس جاستار پاندەميا توسقاۋىلىندا قالاي قازاقستانعا كەلىپ ۇبت تاپسىرادى؟ دەپ ساۋال قويىپ, تومەندەگىدەي ناقتى ءتورت ماسەلەنى كوتەرەدى:

1. ۇبت تالاپتارىن قانداستارعا جەڭىلدەتۋ (اقپارات ءۇشىن: بولون پروسەسى ارقىلى شەتەل ازامماتتارى قازاقستانعا وقۋعا تۇسكەندە جەڭىل فورماتتا ەكى ەمتيحان تاپسىرادى: موتيۆاسيالىق حات جانە سۇحباتاسۋ)؛

2. قانداستار تۇرىپ جاتقان مەملەكەتتەرگە بارىپ قابىلداۋ؛

3. ەلشىلىكتەردىڭ عيماراتارىندا ۇيىمداستىرۋ؛

4. قانداستارعا ۇبت-نى 2020 جىلعى تاجىريبەنى ىسكە اسىرىپ, ونلاين قابىلداۋ.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر