اقش: بايدەن العاشقى 100 كۇندە نە ءبىتىردى؟

ادەتتە پرەزيدەنتتەردىڭ العاشقى 100 كۇنىنە ەسەپ بەرىپ جاتادى. وسى اپتادا بايدەن اقش بيلىگىنىڭ باسىنا كەلگەنىنە 100 كۇن تولادى. سوعان بايلانىستى ول كەلگەلى نە ءبىتىردى دەگەن سۇراققا جاۋاپ بەرىلىپ جاتىر ەكەن.

سونىمەن, ول كەلگەلى بىرنەشە مىقتى, نەگىزگى فيگۋرالار تاعايىندالىپ, ولاردىڭ سەنات ارقىلى بەكۋىنە قول جەتكىزىلدى:

● بارلاۋ اگەنتتىگىنىڭ باسشىسى, مەملەكەتتىك دەپارتامەنت باسشىسى, ورتالىق بارلاۋ باسقارماسى باسشىسى, پەنتاگون باسشىسى, باس پروكۋرور جانە تاعى باسقالار؛ ؛

● 200 ملن ۆاكسينا جەتكىزىلدى, ءسويتىپ ول ءوزىنىڭ سايلاۋالدى ۋادەسىن ارتىعىمەن ورىنداعان؛

● رەسەيگە قارسى ءۇش سانكسيا پاكەتىن سالىپ ۇلگەرگەن؛

● رەسەيگە قارسى تۇتاس باتىستىق كامپانيا ۇيىمداستىرا العان. بۇل جاڭا قىرعي-قاباق سوعىسىنىڭ باستاۋى دەسە دە بولادى؛

● رەسەيدىڭ ۋكراينا شەكاراسىنداعى اسكەري ارانداتۋىن زەرگەرلىك دالدىكپەن تويتاردى. پۋتين ءوزى اڭساعان اقش كوشباسشىسىمەن كەزدەسكەنشە ۋكراينا ءۇزىلىس الدى, ەندىگىسىن ۋاقىت كورسەتەدى.

● ۋكراينانىڭ باتىپ جاتقان باتپاعىن قورىس قىلدى, ەندى از دا بولسا ۋكراينادا كاپيتۋلياسيادان گورى قارسىلاسۋعا دەگەن ترەند پايدا بولدى. سوندىقتان كرەمل جاقتان ۇنەمى زارلانعان, جىلانعان داۋىستار ەستىلىپ جاتادى, ويتكەنى بايدەننىڭ ۋكرايناداعى ساياساتى ترامپتىڭ كەزىندەگىدەن 180 گرادۋسقا وزگەرگەن؛

● قىتايعا قارسى مىقتى قادامدار جاسادى. العاشقى سانكسيالار سالىنىپ باستادى؛

● covid-19-دىڭ سالدارىمەن كۇرەسۋگە باعىتتالعان 1,9 ترلن دوللار كومەك رەسپۋبليكاشىلداردىڭ جاپپاي قارسىلىعىنا قاراماستان جۇزەگە استى. كومەكتىڭ ەكىنشى پاكەتى دە (2 ترلن دوللار) جاقىن. بۇل اقش ەكونوميكاسىنىڭ كۇرت دامۋىن تۋعىزباي قويمايتىنى الدەن-اق بايقالا باستادى.

● العاشقى 100 كۇندە اقش قور بيرجاسى ەڭ ۇلكەن وسىمگە قول جەتكىزدى. مۇنداي ءوسىم سوڭعى رەت تەك دۋايت ەيزەنحاۋەر كەزىندە عانا بولىپتى. قور بيرجاسى ساياساتتان تىس, تەك قانا ەكونوميكانىڭ كۇرت وسۋىنە سەنەدى دەسەك, ياعني ەكونوميكا ءوسىپ جاتقانى. ؛

● بايدەننىڭ رەيتينگى تۇراقتى تۇردە 50%-دان جوعارى (ترامپتا العاشقى 100 كۇندە 42% عانا بولدى).

قۋانىش ەدىلحانتەگى

شولۋشى