• usd 468.56

  • eur 497.56

  • rub 7.3

  • cny 67.18

28 ناۋرىز, 17:02:38
الماتى
+35°

مەملەكەت باسشىسى ۇلتتىق قوعامدىق سەنىم كەڭەسىنىڭ مۇشەلەرىن قابىلدادى. بۇل تۋرالى اقوردا سايتى حابارلادى.

پرەزيدەنت قاسىم-جومارت توقاەۆ ۇلتتىق قوعامدىق سەنىم كەڭەسىنىڭ مۇشەسى, ساياساتتانۋشى مارات شيبۇتوۆ پەن "قازاق ادەبيەتى" گازەتىنىڭ باس رەداكتورى, جازۋشى داۋرەن قۋاتتى قابىلداپ, ولاردىڭ قوعامداعى وزەكتى ماسەلەلەر توڭىرەگىندەگى وي-پىكىرىن تىڭدادى.

مەملەكەت باسشىسىمەن كەزدەسۋدە مارات شيبۇتوۆ ەلىمىزدىڭ اۋماقتىق دامۋ ماسەلەلەرى جونىندەگى كوزقاراسىن ءبولىستى. سونىمەن قاتار اقپاراتتىق-ساراپتامالىق ورتالىقتاردىڭ, قوعامدىق كەڭەستەردىڭ جۇمىسىن جانداندىرۋ تۋرالى ۇسىنىستارىن ايتتى. ساياساتتانۋشى مەملەكەت پەن قوعامنىڭ ۇلتارالىق تاتۋلىق پەن قوعامدىق كەلىسىمدى نىعايتۋ باعىتىندا بىرلەسىپ اتقاراتىن جۇمىستارى تۋرالى ويىن جەتكىزدى.

داۋرەن قۋات قازاقستانداعى بۇقارالىق اقپارات قۇرالدارىنىڭ احۋالى, ونىڭ ىشىندە, "قازاق ادەبيەتى" گازەتىنىڭ بۇگىنگى جاعدايى جايىندا ايتتى. سونداي-اق قازاق تىلىندەگى ادەبيەتتى جانە باسپا ءىسىن قولداۋ جونىندەگى ويىن ءبولىستى. ونىڭ ىشىندە, بالالار ادەبيەتىن دامىتۋ تۋرالى ايتىلدى. بۇدان بولەك كەزدەسۋدە وتاندىق جانە شەتەلدىك تاريحشىلار اراسىندا تۇراقتى بايلانىستى قامتاماسىز ەتۋ ماسەلەسى كوتەرىلدى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر