مامين: جالاقى مولشەرى 221 مىڭ تەڭگەگە دەيىن ارتادى

ناقتى جالاقى مولشەرى 10 پايىزعا, ياعني 221 مىڭ تەڭگەگە دەيىن ارتادى دەپ جوسپارلانىپ وتىر. بۇل تۋرالى پرەمەر-مينيستر اسقار مامين ۇكىمەتتىڭ بۇگىنگى وتىرىسىندا مالىمدەدى.

&ndash؛ حالىقتى جۇمىسپەن قامتۋ &ndash؛ ۇكىمەتتىڭ ماڭىزدى مىندەتى. پاندەميانى ەسكەرە وتىرىپ, كەشەندى شارالار قابىلداندى, ونىڭ ىشىندە "ەڭبەك" مەملەكەتتىك باعدارلاماسىنىڭ قۇرالدارى كۇشەيتىلدى, جۇمىسپەن قامتۋدىڭ جول كارتاسى ىسكە اسىرىلدى. بيىل جۇمىسپەن قامتۋدىڭ جول كارتاسى اياسىندا تۇراقتى جۇمىس ورىندارىن قۇرۋعا جانە وڭىرلەردىڭ الەۋمەتتىك ينفراقۇرىلىمىن جاقسارتۋعا نازار اۋدارىلدى. ءبىرىنشى توقسان قورىتىندىسى بويىنشا "ەڭبەك" باعدارلاماسىمەن 158 مىڭ ادام قامتىلدى. بيىل جىل سوڭىنا دەيىن 1,2 ميلليون ادامعا جۇمىسپەن قامتۋعا جاردەم كورسەتىلەدى. ناقتى جالاقى مولشەرى 10 پايىزعا, ياعني 221 مىڭ تەڭگەگە دەيىن ارتادى دەپ جوسپارلانىپ وتىر. جۇمىسسىزدىق دەڭگەيى 4,9 پايىزدان اسپايدى, ؛&ndash؛ دەدى پرەمەر-مينيستر.

ونىڭ ايتۋىنشا, بيىل 30 مىڭ ادامدى كاسىپكەرلىك نەگىزدەرىنە وقىتۋ جوسپارلانىپ وتىر.

&ndash؛ پاۆلودار, قاراعاندى جانە اتىراۋ وبلىستارىندا تۇراقتى جۇمىس ورىندارىن قۇرۋ بويىنشا جۇمىس قارقىنى جاقسى. وزگە وڭىرلەرگە دە وسى باعىتتاعى جۇمىستى بەلسەندى جالعاستىرۋ كەرەك. ول ءۇشىن بارلىق قۇرالدار مەن قاجەتتى رەسۋرستار بار.

"باستاۋ بيزنەس" جوباسى تيىمدىلىگىن كورسەتتى. بيىل 30 مىڭ ادامدى كاسىپكەرلىك نەگىزدەرىنە وقىتۋ جوسپارلانىپ وتىر. "اتامەكەن" پالاتاسى ەڭبەك مينيسترلىگىمەن بىرلەسىپ, ءبىلىم الۋشىلاردىڭ سانىن كوبەيتسىن. "ەڭبەك" ۇلتتىق جوباسى ەكونوميكا سالالارىن ساپالى باسەكەگە قابىلەتتى ەڭبەك رەسۋرستارىمەن قامتاماسىز ەتۋگە ءتيىس, &ndash؛ دەدى مامين.

وسى ورايدا پرەمەر-مينيستر مينيسترلىكتەرگە ءبىرقاتار تاپسىرما جۇكتەدى.

&ndash؛ ءبىرىنشى, ەڭبەك مينيسترلىگى 1 ماۋسىمعا دەيىن 2021-2025 جىلدارعا ارنالعان "ەڭبەك" ۇلتتىق جوباسىن ۇكىمەتكە ەنگىزسىن. قولداۋ شارالارىن نىسانالى توپتاردىڭ پروبلەمالارى مەن قاجەتتىلىكتەرىن ەسكەرە وتىرىپ باعىتتاۋ كەرەك.

ەكىنشى, ۇلتتىق ەكونوميكا, ەڭبەك مينيسترلىكتەرى مەن اكىمدىكتەر 1 شىلدەگە دەيىن جۇمىسپەن قامتۋدىڭ وڭىرلىك كارتالارىن ازىرلەسىن. جۇمىسپەن قامتۋدىڭ جوسپارلى كورسەتكىشتەرىنە قول جەتكىزۋگە جانە تۇراقتى جۇمىس ورىندارىن قۇرۋعا ەرەكشە نازار اۋدارۋ قاجەت.

ۇشىنشى, ەڭبەك, قارجى, ۇلتتىق ەكونوميكا مينيسترلىكتەرى مەن وڭىرلەردىڭ اكىمدىكتەرى "ەڭبەك" جوباسىنىڭ ءىس-شارالارىن قارجىلاندىرۋدى قامتاماسىز ەتسىن, &ndash؛ دەدى اسقار مامين.