• usd 428.71

  • eur 519.12

  • rub 5.79

  • cny 66.61

16 مامىر, 21:07:45
الماتى
+14°

سونىمەن پۋتين قىرعىن اسكەردى ۋكراينا شەكاراسىنا جيناقتاعاندا (كەيبىر اقپاراتتاردا 150 مىڭعا شەيىن) نە ۇتتى؟ جالپى ماقساتى نە ەدى؟ ءقازىر سوعىس ءقاۋپى تارادى عوي, ەندى اسىقپاي تالقىلايىق.

ماقساتى ؛&ndash؛ ۋكراينانى باتىسقا جىبەرمەۋ. نەگە؟ بىرىنشىدەن, ۋكراينا ەۋروپالىق ەلگە اينالسا, ەكونوميكاسى دامىپ, وركەنيەتتى ەلدەر قاتارىنا قوسىلادى دا, ونى وسى كەزگە دەيىن تەجەپ كەلگەن رف ەكەنى اشكەرەلەنەدى, ولاردىڭ بارلىق جاعىنان ارتتا قالعانى بادىرايىپ كورىنەدى, حالىقتى ءوز تاڭداۋىنا جىبەرمەي ەرىكسىز ەركىن بايلاپ وتىرعانى ايقىن بولادى.

ەكىنشىدەن, تەك ۋكراينا عانا ەمەس, رف قۇرامىنداعى باسقا ەلدەرگە دە ورىستاردىڭ ورىنسىز تەجەۋ بولىپ وتىرعانى ايقىندالا تۇسەدى, ولاردان ۇيرەنەتىن, ولاردان الاتىن ەشتەڭە دە جوق ەكەندىگى بەلگىلى بولا تۇسەدى. ءسويتىپ ونىڭ قاراۋىنداعى باسقا ەلدەر دە تاۋەلسىزدىككە ۇمتىلاتىن بولادى. سولتۇستىك كاۆكاز, رف قۇرامىنداعى تۇركى ەلدەرى ەگەر بولىنەتىن مۇمكىندىك تۋىپ جاتسا كوپ كىدىرە قويماس دەپ ويلايمىن. ال رەسەيدىڭ قازىرگى باسشىلىعىنىڭ (باسقالارعا شەكەسىنەن قاراپ جامان ۇيرەنگەن ورىس حالقىنىڭ) شوۆينيستىك پيعىلى وندايعا جول بەرگىسى جوق.

ۇشىنشىدەن, رەسەيدىڭ قاتتى قورقاتىنى ؛&ndash؛ تاريح ماسەلەسى. التىن وردانىڭ ءبىر ۇلىسى رەتىندە ومىرگە كەلىپ, كەيىن بىرتە-بىرتە كۇشەيىپ الىپ بويىن تىكتەگەننەن كەيىن تاريحتى جاپپاي قايتا جازۋعا كوشتى, ويتكەنى مۇنداي الىپ يمپەريادا داڭقتى تاريح بولماسا دا بولمايدى دەپ ويلادى سول كەزدەگى ورىس ەليتاسى. ۋاقىت وتە كەلە باسقا ەلدەردىڭ ارحيۆتەرىندە ساقتالىپ قالعان دەرەكتەر, باسقا دا قوسىمشا جاناما دەرەكتەر نەگىزىندە ناقتى شىن تاريح بىرتىندەپ ايقىندالىپ كەلەدى. مىنە, وسىعان رف جول بەرگىسى كەلمەيدى. ارعى تاريحتى بىلاي قويعاندا پەتر ءبىرىنشىنىڭ جارلىعىمەن يمپەريا رەسەي اتاۋىن العاننان بەرگى تاريح, ءتىپتى بولشەۆيكتەر بيلەگەن كۇنى كەشەگى تاريحتى جاسىرعىسى كەلەتىنى, "تاريحتا بىرىزدىلىك بولۋى كەرەك" دەگەن سىلتاۋمەن بىزگە ءوز كوزقاراستارىن ەركىمىزدەن تىس تاڭعىسى كەلەتىنى سونىڭ ايعاعى. ال ۋكرايندار ءوز ارحيۆتەرىن اشىپ قۇجاتتارىن سويلەتە باستاسا, ولاردىڭ ىشىندە "تالاي يت ءولىپ جاتقانى" انىق. ارينە, ءبىراز قۇجاتتى رف جاقتاستارى جويىپ تا جىبەرگەن شىعار, ءبىراق قالعانى دا از بولماس دەگەن ويدامىن. جارايدى, ازىرگە وسى دا جەتەر, ماقالا كولەمى كوتەرمەس.

ەندى... رف كوزدەگەن ماقساتىنا جەتتى مە, ماقساتى ورىندالدى ما؟ ارينە جوق! ونىڭ بوپساسىنان ەشكىم دە قورقا قويمادى.

بىرىنشىدەن, بۇعان دەيىن دە ايتىپ وتكەنىمدەي, باتىس ەلدەرى ءبىرتۇتاستىعىن كورسەتىپ, ءبىراۋىزدان رف ارانداتۋشىلىعىنا قارسى شىقتى. ەگەر سوعىس بولا قالسا, رەسەيدى بۇرىن-سوڭدى بولماعان سانكسيالار كۇتىپ تۇرعانىن جەتكىزۋگە تىرىستى, ۋكراينانى ءبارى دە قولدايتىنىن ءبىلدىرىپ جاتتى. بۇل جەردە, ارينە, باستى سكريپكانى اقش وينادى. ناتو اسكەري اليانسى, g7, ەو شەشۋشى ىقپال ەتتى. بۇۇ دا ءوز ۇلەسىن قوستى. ؛

ەكىنشىدەن, ءوز اسكەرىن ناتو ستاندارتتارىنا ساي قايتا قۇرا العان (نەمەسە سوعان جاقىن), باتىسقا, اسىرەسە اقش-قا, كاناداعا, ۇلىبريتانياعا ارقا سۇيەگەن ۋكراينا دا بۇل بوپسادان قورقا قويمادى, ساۋعا سۇراپ جالىنبادى. ؛

اقىرى رەسەي شەگىنۋگە ءماجبۇر بولدى. بۇل شەگىنىس ۋاقىتشا ما الدە تۇپكىلىكتى مە ؛&ndash؛ ونى ۋاقىت كورسەتەدى. ءبىراق ول ءپۋتيننىڭ ءوز ويىنان قايتتى دەگەندى بىلدىرە مە؟ ارينە جوق. وسى بوپسالاۋ ناتيجەسىندە رەسەيدىڭ وزىندە بىردە-بىر قارسىلىق ميتينگى نەمەسە ۇلت زيالىلارى دەيتىندەردىڭ قارسىلىق اكسيالارى, وتكەن جوق. ايتەۋىر ءباسپاسوز بەتتەرىندە ونداي قوزعالىستاردى بايقامادىق. ال ءبىز سياقتى كورشىلەرگە بۇل وقيعا قالاي اسەر ەتۋى مۇمكىن؟ فەدوروۆ, نيكونوۆ, جيرينوۆسكيي, مەدينسكيي دەگەندەردىڭ سوزدەرىن قالاي تۇسىنۋگە بولادى؟ ول ەندى باسقا تاقىرىپ.

قۋانىش ەدىلحانتەگى

شولۋشى

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر