ەرجان باباقۇماروۆ حالىقتى ءمامس جۇيەسىمەن قامتۋ ماسەلەلەرى بويىنشا وڭىرلىك شتاب وتىرىسىن وتكىزدى

الماتى قالاسى اكىمىنىڭ ورىنباسارى ەرجان باباقۇماروۆ ونلاين فورماتتا حالىقتى مىندەتتى مەديسينالىق ساقتاندىرۋ جۇيەسىمەن قامتۋ ماسەلەلەرى بويىنشا وڭىرلىك شتاب وتىرىسىن وتكىزدى. ساقتاندىرۋ مارتەبەسىن, اسىرەسە كاسىپكەرلىك سۋبەكتىلەرى قىزمەتكەرلەرىن وزەكتەندىرۋ ماسەلەلەرى قارالدى.

ە. باباقۇماروۆ ءمامس جۇيەسى ءبىرىنشى كەزەكتە ساپالى جانە تولىققاندى مەديسينالىق كومەك كورسەتۋدى قامتاماسىز ەتەتىندىكتەن, حالىقتى بارىنشا قامتۋ جونىندەگى جۇمىستىڭ ماڭىزدىلىعىن اتاپ ءوتتى. الەۋمەتتىك مەديسينالىق ساقتاندىرۋ پاكەتى شەڭبەرىندە قالا تۇرعىندارى مەديسينالىق قىزمەتتەردىڭ كەڭەيتىلگەن سپەكترىنە, ونىڭ ىشىندە تەگىن مەديسينالىق كومەكتىڭ كەپىلدىك بەرىلگەن كولەمىنىڭ پاكەتىنە كىرمەيتىن قىمبات راسىمدەرگە قولجەتكىزە الادى.

مەديسينالىق ساقتاندىرۋ قورىنىڭ الماتى قالاسى بويىنشا فيليالىنىڭ ديرەكتورى تىلەۋحان ابىلداەۆتىڭ ايتۋىنشا, جۇرگىزىلگەن جۇمىستار اياسىندا ساقتاندىرىلماعانداردىڭ سانى 402 مىڭ ادامدى قۇرادى, ولاردىڭ 35,5%-ى بجت تولەۋشىلەر؛ 25% - وتكەن جىلدان باستاپ ەشقانداي تولەمدەر تۇسپەگەن تۇلعالار.

ساقتاندىرىلماعانداردىڭ اراسىندا 2020 جىلدىڭ سوڭىنا دەيىن جارنالار مەن اۋدارىمداردى تولەۋدەن بوساتىلعان شاعىن جانە ورتا بيزنەس سۋبەكتىلەرىنىڭ قىزمەتكەرلەرى بولۋى مۇمكىن. وسى زاڭدى تۇلعالار ءوز قىزمەتكەرلەرىن ساقتاندىرۋ ءۇشىن جارنالاردىڭ بولماۋىنا قاراماستان, وسى قىزمەتكەرلەردىڭ دەرەكتەرىن وسى جىلدىڭ 3 توقسانىنىڭ سوڭىنا دەيىن msb.fms.kz سايتىنا ەنگىزۋلەرى قاجەت.

شتاب ءتوراعاسى ەرجان باباقۇماروۆ العاشقى مەديسينالىق-سانيتارلىق كومەك ۇيىمدارى دەڭگەيىندە ءتۇسىندىرۋ جۇمىستارىن كۇشەيتۋدى تاپسىردى. ساقتاندىرىلماعانداردىڭ باسىم بولىگى شوب سەكتورىنا تيەسىلى بولعاندىقتان, الماتى قالاسىنىڭ كاسىپكەرلىك جانە ينۆەستيسيالار باسقارماسى «؛اتامەكەن»؛ كاسىپكەرلەر پالاتاسىمەن, ىسكەرلىك جانە وڭىرلىك كەڭەستەرمەن بىرلەسىپ, شاعىن جانە ورتا بيزنەستىڭ ەرەكشەلىگىنە نازار اۋدارا وتىرىپ, جۇمىس تاسىلدەرىن وزگەرتۋ قاجەت.