"؛قارا باۋىر قاسقالداق"؛. اقىن ەسەنعالي راۋشانوۆ قايتىس بولدى

ەسەنعالي ؛راۋشانوۆ ؛1957 جىلى 5 قازاندا قاراقالپاق اكسر-ىندە تۋعان.

1973 جىلى قىزىلوردا وبلىسى, جاڭاقورعان اۋدانى, كەلىنتوبە سوۆحوزىنداعى №192 ورتا مەكتەپتى بىتىرگەن سوڭ, 1975-1977 جىلدارى كەڭەس اسكەري كۇشتەرى قاتارىندا سولتۇستىك كاۆكاز اسكەري وكرۋگىندە قىزمەت اتقاردى. ءقازمۋ-دىڭ جۋرناليستيكا فاكۋلتەتىن بىتىرگەن. ولەڭدەرى 1973 جىلدان بەرى جاريالانىپ كەلەدى. 1983 جىلى «؛بەرداۋلەت پەن جولامان»؛ اتتى پوەماسى قازاق كسر باسپا, پوليگرافيا جانە كىتاپ ساۋداسى ىستەرى جونىندەگى مەملەكەتتىك كوميتەتىنىڭ, قازاقستان جازۋشىلار وداعى, قازاقستان لكجو ورتالىق كوميتەتى مەن «؛جالىن»؛ باسپاسىنىڭ وزىق شىعارمالارعا جاريالاعان بايگەسىندە ءبىرىنشى ورىن العان.

1983-1987 جىلدارى «؛جالىن»؛ جانە «؛اراي»؛ جۋرنالدارىندا پوەزيا ءبولىمىنىڭ مەڭگەرۋشىسى, جاۋاپتى حاتشى, 1988-1995 جىلدارى ء«؛بىلىم جانە ەڭبەك»؛ («؛زەردە»؛) جۋرنالىنىڭ باس رەداكتورى قىزمەتىن اتقاردى. سوڭعى جىلدارى «؛جازۋشى»؛ باسپاسىنا باسشىلىق ەتتى.

وزبەك كلاسسيگى حامزا ءنيازيدىڭ ولەڭدەرىن وزبەك تىلىنەن تىكەلەي اۋدارىپ, جەكە كىتاپ ەتىپ شىعاردى. ورتاعاسىرلىق تاريحي تانىمدىق جادىگەر «؛تەمىر جارعىلارى»؛ دا تۇڭعىش رەت قازاق تىلىندە ە.راۋشانوۆ تارجىماسىمەن سويلەدى.

ولەڭدەرى ورىس, ليتۆا, بولگار, چەح, ۋكراين, وزبەك, قىرعىز تىلدەرىنە اۋدارىلعان.

قازاقستان لەنين كومسومولى سىيلىعىنىڭ جانە حالىقارالىق «؛الاش»؛ ادەبي سىيلىعىنىڭ لاۋرەاتى. ماسكەۋدە وتكەن جاس اقىن-جازۋشىلار فەستيۆالىنىڭ, سونداي-اق قازاق كسر-ى شىعارماشىلىق جاستارىنىڭ «؛جىگەر»؛ فەستيۆالىنىڭ تۇڭعىش لاۋرەاتى. قازاق كسر-ى سىيلىقتارىمەن جانە تاۋەلسىز قازاقستاننىڭ ون جىلدىعى مەدالىمەن ماراپاتتالعان. قازاقستان رەسپۋبليكاسى مەملەكەتتىك سىيلىعىنىڭ لاۋرەاتى (2006), «؛قۇرمەت»؛ وردەنىنىڭ يەگەرى, قازاقستانعا ەڭبەگى سىڭگەن باسپا قايراتكەرى, ش.ەسەنوۆ اتىنداعى اقتاۋ تەحنيكالىق ۋنيۆەرسيتەتىنىڭ قۇرمەتتى پروفەسسورى بولعان.

شىعارمالارى: باستاۋ. ولەڭدەر. ا., «؛جالىن»؛, 1980؛ كەلىنتوبە. ولەڭدەر. ا., «؛جالىن»؛, 1984؛ شولپان جۇلدىز تۋعانشا. ولەڭدەر. ا., 1986؛ عايشا ءبيبى. ولەڭدەر. ا., «؛جازۋشى»؛, 1992؛ قارا باۋىر قاسقالداق. ولەڭدەر. ا., «؛جالىن»؛, 1995؛ پەرىشتەلەر مەن قۇستار. ا., «؛جازۋشى»؛, 2005؛ بوزاڭعا بىتكەن بوزجۋسان. ا., «؛راريتەت»؛, 2006؛ قۇستار ءبىزدىڭ دوسىمىز. ا., «؛جازۋشى»؛, 2007.

اقىننىڭ ولەڭدەرى ەل ىشىندە كەڭىنەن تارالعان. جەلتوقسان كوتەرىلىسىنە ارنالعان "قارا باۋىر قاسقالداق" ولەڭىن, وسى ولەڭ نەگىزىندە جازىلعان ءاندى ەستىمەگەن ادام قازاق قوعامىندا كەمدە كەم. تومەندە اقىننىڭ ؛"قارا باۋىر قاسقالداق" ولەڭى قسىنىلىپ وتىر.

قارا باۋىر قاسقالداق

قارا باۋىر قاسقالداق, قايدا ۇشتىڭ پىر-پىرلاپ؟

سازىڭ قالدى ءسابيدىڭ ەڭبەگىندەي بىلقىلداپ.

قاراباۋىر قاسقالداق, قاسقالداعىم, كەرى قايت,

سيرەپ كەتكەن توعايعا قامىقپا دەپ كوڭىل ايت!

ۇيا قالسا يەسىز, ايدىن ءۇشىن سول قايعى,

قاڭعىپ كەلگەن شۇرەگەي كولگە پانا ءبولمايدى.

وز بوساعاڭ بۇل جەردىڭ تاۋى, قىرى, توبەسى,

بوساعاسىن باسقاعا تاستاي ما ەكەن, و نەسى؟

قاسقالداعىم, كەرى قايت!..