• usd 428.71

  • eur 519.12

  • rub 5.79

  • cny 66.61

16 مامىر, 21:32:45
الماتى
+12°

اقش پرەزيدەنتى دجو بايدەن مەن رەسەي پرەزيدەنتى ۆلاديمير پۋتين

اقش پرەزيدەنتى دجو بايدەنىڭ رەسەي پرەزيدەنت ۆلاديمير پۋتينگە تەلەفون سوعۋى الەۋمەتتىك جەلىلەر عانا ەمەس, بارلىق باق-تاردى جارىپ جىبەردى دەۋگە بولادى.

سونىمەن... باسىنان باستايىق. ء"تورت جىل سالىستىرمالى تۇردە تىنىشتىقتان كەيىن نە بولىپ قالدى" دەگەن سۇراق اركىمنىڭ-اق ويىندا تۇرعانى انىق. دۇرىسىندا تىنىشتىق بولعان جوق, تەك ترامپتىڭ كەزىندە رەسەي از عانا ءۇزىلىس الدى دەگەن دۇرىسىراق.

ۋكرايناداعى مايداننىڭ سەبەپتەرى مەن سالدارى باق-تاردا از جازىلعان جوق, وعان توقتالىپ جاتپايمىز. باستىسى ؛&ndash؛ كرەمل ۋكراينانى "قايدا بارساڭ وندا بار" دەپ بۇيداسىن ءتۇرىپ ەركىنە جىبەرگىسى جوق, بۇرىنعى تمد اۋماعىن ولار وزدەرىنىڭ جەر يەلىگى دەپ ەسەپتەيدى, باسقالارمەن وداقتاسۋىنان قىزعانادى. ياعني, دە-يۋرە تاۋەلسىزدىگىن مويىنداعانمەن دە ىشتەي تاۋەلسىز ەل رەتىندە مويىنداعىسى كەلمەيدى. ءتىپتى رەتى كەلىپ جاتسا, بۇرىنعى كسرو-نى قالپىنا كەلتىرۋدەن دە كەتارى ەمەس. وندا ورىستارعا جامان بولعان جوق, ءوز تىلدەرىن باسىپ-جانشىپ كۇشپەن ەنگىزدى, بارلىق جەردە ولارعا "قۇرمەت" كورسەتىلدى, بار جىلى-جۇمساق, جۇمىس, پاتەر, ت.س.س. سولاردا بولدى.

قازىرگى وقيعا دا (ۋكراينا شەكاراسىنا رف اسكەرىن شوعىرلاندىرۋى) سول 2014-2017 جىلعى وقيعالاردىڭ جالعاسى, تەك ودان كورى ستاۆكاسى جوعارىراق. ويتكەنى ۋكراينانىڭ باتىسقا باياۋ بولسا دا جىلجۋى توقتاعان جوق. زەلەنسكييدىڭ كەلۋىمەن بيلىك باسىنا رەسەيشىل كۇشتەر توپتاسا تۇسكەنمەن دە, بايدەننىڭ كەلۋى بۇل قوزعالىسقا جاڭا سەرپىن بەردى. بۇل جەردە دە پۋتين ستاۆكانى كوتەرگىسى كەلەدى. سونداعىسى بايدەن مەن ۋكراينانى قورقىتىپ جاڭا ساۋدا شارتىن ۇسىنباقشى. مىسالى بىرەۋلەر كەزدەسۋدىڭ شارتى رەتىندە الدىمەن ولار نوردستريم-2 قۇرىلىسىن اياقتاۋعا مۇمكىندىك بەرسىن دەيدى.

ەندى وسىدان پۋتين نە ۇتتى؟ بىزدىڭشە ەشتەڭە دە. بۇل رەسەيگە قارسى كوڭىل-كۇيدى كۇشەيتتى. ناتو مەن ۋكراينانىڭ اراسىن ودان ءارى جاقىنداتتى, الەمدىك ساياساتكەرلەردىڭ ۋكراينانىڭ ورنى ناتو-دا ەكەنىنە كوزدەرىن جەتكىزە ءتۇستى.

ەندى ايگىلى تەلەفون قوڭىراۋىنا كەلەيىك. ساياساتكەر راميس يۋنۋستىڭ پىكىرىنشە, بۇل وتە مىقتى ءجۇرىس بولدى. ويتكەنى وسىنىڭ الدىندا عانا بايدەن ءپۋتيندى باسكەسەر دەپ اتادى. ەندى كەشىرىم دە سۇراماستان, دىم بولماعانداي, نەيترال جەردە كەزدەسەيىك دەپ وتىر. كرەمل تاراپىنان ازىرگە ءۇن جوق. شىندىعىندا دا نە دەپ جاۋاپ بەرەدى؟ كەلىسسە, باسكەسەر ەكەنىن مويىنداپ, سونىڭ شارتىنا كونگەنى, كەلىسپەسە تاعى وزىنە جامان. نەگىزى بايدەنمەن كەزدەسكىسى كەلىپ جۇرگەن ءپۋتيننىڭ ءوزى عوي؟ ول ءوزىن اقش-پەن تەڭ دارەجەدەگى باسشى رەتىندە كورگىسى كەلەدى, سوعان ۇمتىلادى, يادرولىق قارۋى بار دەرجاۆا رەتىندە پاريتەت بولسا دەيدى.

قوڭىراۋ سوعۋ ابدەن كەلىسىلگەن, الدىن-الا ازىرلەنگەن مىقتى ديپلوماتيالىق قادام سياقتى. وعان سەبەپ ؛&ndash؛ پساكيدىڭ بۇگىنگى ءباسپاسوز ءماسليحاتى. وندا ول اقش تاراپىنان رەسەيدىڭ مەملەكەتتىك قارىزدارىنا سالىنعالى جاتقان سانكسيا تۋرالى ايتتى. بايقايسىز با, بۇل مالىمدەمە بايدەننىڭ قوڭىراۋىنان كەيىن ايتىلىپ وتىر. ەگەر بايدەن ءپۋتيننىڭ بوپسالاۋىنان قورقىپ كەتكەن بولسا, ونداي مالىمدەمە جاسالماس تا ەدى. ويتكەنى مۇنداي سانكسيا كوپكە شەيىن پرەزيدەنت اكىمشىلىگى ءۇشىن بەلگىلى دارەجەدە "قىزىل سىزىق" بولىپ كەلدى, ەشكىم دە بۇعان دەيىن بەلگىلى ءبىر شەكتەن اسقىسى كەلگەن جوق. الايدا پۋتين باسقالاردى قورقىتۋىن قويماعان سوڭ اقىرى رف ەكونوميكاسىن سۋ تۇبىنە ءبىرجولاتا باتىرۋعا شەشىم قابىلدانعان سياقتى. مەملەكەتتىك قارىزعا سانكسيا سالۋ سوعىس جاريالاۋمەن بىردەي دەگەن ەدى كەزىندە رەسەي. ەندەشە ولار "ەڭ اقىرىندا سوعىسۋعا دا دايىنبىز" دەگەنى عوي. ول ءۇشىن جوعارى تەحنولوگيالى اقش-قا اسكەر شىعارىپ تا قاجەتى جوق ؛&ndash؛ بارلىعىن الىستا وتىرىپ-اق ديستانسيالى باسقارىپ جۇمىستى بىتىرە بەرەدى. سەنبەگەندەر "ۆاگنەرلىكتەردەن" سۇراسىن, 2018 جىلى دەير-از-زور تۇبىندە ولار نە بولعانىن تۇسىنەم دەگەنشە اقش اسكەري اۋە كۇشتەرى تۇگەلدەي ء"اۋمين" قىلعان.

ال قوڭىراۋ سوعۋ دەگەن, رف باق-تارى شۋلاپ جاتقانداي, ءتىپتى دە بوپسادان قورقىپ كەتكەندىك ەمەس. قايتا كەپىلدىككە الىنعان ەلدى تەررورشىدان قۇتقارۋ عانا بولماق. ول الەمدىك پراكتيكادا بار. كەپىلدىككە الىنعان ادامدى بوساتۋ ءۇشىن پوليسيا وكىلى تەررورشىمەن كەلىسسوز جۇرگىزە باستايدى. مىسالى, ەلسين دە كەزىندە باساەۆپەن كەلىسسوز جۇرگىزگەن, نورد-وست تەاترىندا دا ادامداردى قۇتقارۋ ءۇشىن كەلىسسوزدەر جۇرگىزىلگەن. سونداي-اق پۋتين بۇكىل ەلدى, ۋكراينانى باسىپ الماق بولىپ قارۋمەن قورقىتىپ وتىرسا, نەگە ونىمەن سويلەسپەسكە؟ ەرتەڭ: "اقش بارلىق شارالارىن المادى, پۋتينمەن سويلەسۋ كەرەك ەدى عوي" دەمەس ءۇشىن.

قۋانىش ەدىلحانتەگى

شولۋشى

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر