• usd 428.71

  • eur 519.12

  • rub 5.79

  • cny 66.61

16 مامىر, 21:59:00
الماتى
+12°

بۇگىن پارلامەنت ءماجىلىسىنىڭ جالپى وتىرىسىندا دەپۋتات عالىمجان ەلەۋوۆ دارىمەن قامتاماسىز ەتۋ ماسەلەسىن كوتەرىپ, دەنساۋلىق ساقتاۋ مينيسترىنە دەپۋتاتتىق ساۋال جولدادى.

دەپۋتاتتىڭ ايتۋىنشا, اۋىر دياگنوزدارى بار ادامدارعا اسا ماڭىزدى پرەپاراتتار ۋاقىتىندا جەتكىزىلمەي جاتىر. بۇگىندە ءساۋىر ايىنىڭ ورتاسى بولعانىمەن, تىزىمدەگى 70-كە جۋىق پرەپارات ءالى كۇنگە دەيىن ساتىپ الىنباعان.

سونىمەن بىرگە وسى 70 پرەپاراتتان باسقا, ساتىپ الىندى دەپ كورسەتىلگەن 45 پرەپاراتتىڭ العاشقى جەتكىزىلۋ مەرزىمى ءساۋىر ايىنان باستالادى, ال كەيبىرەۋلەر 2021 جىلدىڭ قازان ايىنان باستاپ جەتكىزىلمەك.

وسى رەتتە, عالىمجان ەلەۋوۆ 2021 جىلعا ارنالعان ءبىرىڭعاي ديستريبيۋتوردان ساتىپ الىناتىن دارىلىك زاتتاردىڭ, مەديسينالىق بۇيىمداردىڭ ءتىزىمى دەنساۋلىق ساقتاۋ مينيسترلىگىنىڭ بۇيرىعىمەن 2020 جىلدىڭ 28 شىلدەسىندە بەكىتىلگەنىن اتاپ ءوتتى.

ياعني, ؛ 2021 جىلدىڭ باستالۋىنا دەيىن حالىقتى تەگىن دارىلىك قۇرالدارمەن قامتاماسىز ەتۋ بويىنشا مىندەت الدىن الا بەلگىلەندى.

&ndash؛ بۇگىنگى كۇنى ونكولوگيالىق اۋرۋحانالاردىڭ ەسەبىندە 180 مىڭنان استام ازامات تىركەلگەن. وكىنىشكە قاراي, جىل سايىن ەلىمىزدە ولاردىڭ قاتارى 30 مىڭ ادامعا كوبەيۋدە. بۇل ناۋقاستارعا ارنالعان دارىلەردىڭ ءتىپتى 10 كۇنگە كەشىگىپ جەتكىزىلۋى اۋىر جاعدايعا الىپ كەلۋى مۇمكىن.

وسىعان قاراماستان مەنىڭ رەسمي ساۋالدارىما سك-فارماسيا اقپاراتى بويىنشا ونكولوگيالىق ناۋقاستار ءۇشىن l-اسپاراگينازا, ۆينبلاستين, دەنوزۋماب, مەتوترەكسات, سيكلوفوسفاميد سەكىلدى ىسىككە قارسى پرەپاراتتار ساتىپ الىنباعان, &ndash؛ دەدى دەپۋتات.

ع.ەلەۋوۆتىڭ ايتۋىنشا, تۋبەركۋلەزگە شالدىققان ناۋقاستاردىڭ دا جاعدايى اۋىر, سەبەبى يزونيازيد, پروتيوناميد, ريفامپيسين ۋاقىتىندا اكەلىنبەگەن.

وسى رەتتە, قازاقستاندا تىنىس الۋ ورگاندارىنىڭ اۋرۋلارىنان قايتىس بولعان ادامداردىڭ سانى وتە كوپ ەكەنىن العا تارتقان دەپۋتات برونح دەمىكپەسىنە جانە وكپەنىڭ سوزىلمالى وبسترۋكتيۆتى اۋرۋىنا شالدىققان ناۋقاستار دارىلەرمەن تولىق ەمەس كولەمدە قامتاماسىز ەتىلگەنىنە, ۆيلانتەرول, فلۋتيكازونا فۋروات, سۋرفاكتانت, تەوفيللين ساتىپ الىنباعانىنا نازار اۋداردى.

&ndash؛ سونداي-اق 1 جانە 2 ءتيپتى قانت ديابەتىمەن اۋىراتىن ادامدار ينسۋلين گلۋليزينمەن قامتاماسىز ەتىلمەگەن. كەيبىر نەيرولەپتيكتەر مەن ەپيلەپسياعا قارسى قۇرالدار ساتىپ الىنبادى. ءجيى كەزدە ولار قازاقستاننىڭ ءدارىحانالارىندا ساتىلمايدى, حالىق امالىن تاۋىپ, ولاردى كورشىلەس رەسپۋبليكالاردان تانىستار ارقىلى زاڭسىز الدىرۋعا ءماجبۇر, ؛&ndash؛ دەدى ع. ەلەۋوۆ.

سونىمەن قاتار, دەپۋتات ۇلتتىق ەكپەلەر كۇنتىزبەسىنە سايكەس 2, 3, 4, 18 ايداعى بالالارعا جانە 6 جاستاعى بالالارعا قويىلاتىن ديفتەرياعا, كوكجوتەلگە, سىرەسپەگە, پوليوميەليتكە قارسى ەكپەنى ساتىپ الۋ بويىنشا وتكىزىلمەگەن كونكۋرس ەرەكشە الاڭداۋشىلىقتى تۋدىراتىنىن جەتكىزدى.

جوعارىدا باياندالعاننىڭ نەگىزىندە دەنساۋلىق ساقتاۋ مينيسترلىگىنەن تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە جانە مىندەتتى الەۋمەتتىك مەديسينالىق ساقتاندىرۋ جۇيەسى بويىنشا دارىلىك پرەپاراتتاردىڭ تولىق كولەمدە ساتىپ الىنۋىن قامتاماسىز ەتۋدى, دارى-دارمەكتەردى ۋاقىتىندا ەمەس جانە تولىق ەمەس كولەمدە جەتكىزۋ ماسەلەسىن, ءبىرىنشى جەتكىزۋدىڭ كەش مەرزىمىن شەشۋ تۋرالى ۋاكىلەتتى ورگان قانداي شارالاردى قابىلدايتىنىن ءتۇسىندىرۋدى جانە باسقارۋشىلىق شەشىمدەردىڭ قابىلدانۋىن ۇزارتىپ جاتقان تۇلعالاردىڭ جاۋاپكەرشىلىگى تۋرالى اقپارات بەرۋدى تالاپ ەتتى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر