بيىل جاڭاوزەندە 14 مىڭعا جۋىق راۋشان گۇلى وتىرعىزىلادى

 ؛

بيىل جاڭاوزەن قالاسىنا 18 050 شارشى مەتر گازون, 700 دانا اعاش, 5 550 پ.م بۇتا, 13 955 دانا كوپ جىلدىق راۋشان گۇلى جانە 37 000 دانا ءبىر جىلدىق گۇلدەر ەگىلەدى. مۇنى جاڭاوزەن قالاسى اكىمىنىڭ ورىنباسارى بەرىك ىزعاليەۆ مالىمدەدى.

&ndash؛ مۇنايشىلار شاھارىنىڭ اۋماعىن كوگالداندىرۋ جۇمىسىنا جەرگىلىكتى بيۋدجەتتەن 388 322,7 مىڭ تەڭگە بولىنگەن. مەملەكەتتىك ساتىپ الۋدىڭ اشىق كونكۋرسى ناتيجەسىندە «؛اقتاۋ سەرۆيس قۇرىلىس»؛ سەرىكتەستىگى جەڭىمپاز دەپ تانىلىپ, قالانى كوگالداندىرۋ جۇمىستارىن 368 885,3 مىڭ تەڭگەگە جاساپ بەرمەك, &ndash؛ دەيدى ب.ىزعاليەۆ. ؛

نەگىزىنەن مۇنايشىلار شاھارىنداعى ماڭعىستاۋ, قاشاعان, ساتباەۆ, قوسقۇلاق, بەيبىتشىلىك, دوستىق, اباي كوشەلەرىندەگى جانە ساياباقتاردا ورنالاسقان جاسىل جەلەكتەردى كۇتىپ ۇستاۋ جۇزەگە اسىرىلادى. ؛قالا اۋماعىنداعى بارلىق سۋارۋ قۇبىرلارىن كۇتىپ ۇستاۋ جۇمىستارى قاراستىرىلعان. قاجەتتىلىگىنە قاراي جاڭا قۇبىرلار سالىنباق.

وتكەن 2020 جىلى قالانىڭ كەيبىر اۋماقتارىنىڭ جاسىل جەلەكتەرىن سۋارۋ جۇيەسى, تامشىلاتىپ سۋارۋ جۇيەسىنە اۋىسترىلىپ ىسكە قوسىلدى. اتالعان جۇيە اۋىز سۋدى ۇنەمدەۋ ماقساتىندا جۇزەگە اسىرىلۋدا. وسى جۇيە اعىمداعى جىلى جالعاسىن تاباتىن بولادى.

ساۋىر جانە مامىر ايلارىندا اعاشتاردى اكتەۋ, سۋارۋعا دايىنداۋ, جاسىل جەلەكتەردى زيانكەستەردەن ۋلاۋ, سۋ قۇبىرلارىن سۋارۋعا ازىرلەۋ, جاڭادان ەگىلەتىن جاسىل جەلەكتەردى وتىرعىزۋ سەكىلدى جۇمىستارى جۇزەگە اسىرىلاتىن بولادى.

جاسىل جەلەكتەردى سۋارۋ جۇمىستارى مامىر ايىنان باستالادى. جالپى كوگالداندىرۋعا 70 ادام جۇمىسپەن قامتىلاتىن بولادى.