پرەزيدەنت قاسىم-جومارت توقاەۆ قازاقستانعا جۇمىس ساپارىمەن كەلگەن ەۋروپاداعى قاۋىپسىزدىك جانە ىنتىماقتاستىق ۇيىمىنىڭ قازىرگى ءتوراعاسى, شۆەسيانىڭ سىرتقى ىستەر ءمينيسترى انن ليندەنى قابىلدادى.
اقوردا سايتىنىڭ مالىمەتىنشە, توقاەۆ شۆەد ديپلوماتىنا ءىلتيپات ءبىلدىرىپ, ونىڭ ەلگە جاساعان ساپارى ەقىۇ-نىڭ قازىرگى ءتوراعاسى رەتىندە دە, شۆەسيانىڭ سىرتقى ساياسي ۆەدومستۆوسىنىڭ باسشىسى تۇرعىسىنان دا وتە ماڭىزدى ەكەنىن اتاپ وتكەن.
&ndash؛ قازاقستان ەۋروپاداعى قاۋىپسىزدىك جانە ىنتىماقتاستىق ۇيىمىنىڭ قاعيداتتارى مەن قۇندىلىقتارىنا بەيىل ەكەنىن ايتقىم كەلەدى. ءسىز باسقارىپ وتىرعان ۇيىممەن اراداعى ىنتىماقتاستىق &ndash؛ سىرتقى ساياساتتاعى باسىمدىقتارىمىزدىڭ ءبىرى. ءبىز اتالعان ۇيىممەن دە, وعان مۇشە مەملەكەتتەرمەن دە اراداعى تىعىز ىقپالداستىقتى نىعايتا تۇسۋگە دايىنبىز, &ndash؛ دەدى قاسىم-جومارت توقاەۆ. ؛
پرەزيدەنت ەكىجاقتى بايلانىستاردىڭ پەرسپەكتيۆالارىن تالقىلاۋ بارىسىندا قازاقستاننىڭ شۆەسيامەن اراداعى ءوزارا ىقپالداستىقتى ەكونوميكالىق جانە گۋمانيتارلىق سالالارعا باسا ءمان بەرە وتىرىپ, ودان ءارى نىعايتۋدى كوزدەيتىنىنە توقتالعان.
انن ليندە قاسىم-جومارت توقاەۆقا ەقىۇ-نىڭ قازىرگى ءتوراعاسى لاۋازىمىنداعى ءوز جۇمىسىنىڭ العاشقى قورىتىندىلارى, الداعى جۇمىستارى, ونىڭ ىشىندە, ورتالىق ازيا باعىتىنداعى جۇمىس جوسپارلارى تۋرالى مالىمەت بەرگەن.
پىكىر قالدىرۋ
پىكىر