• usd 424.85

  • eur 504.21

  • rub 5.84

  • cny 65.86

24 قىركۇيەك, 14:04:28
الماتى
+18°

الماتى وبلىسى كەگەن اۋدانى شىرعاناق اۋىلىنىڭ تۇرعىندارى جاڭا تاعايىندالعان اكىمدى "قابىلدامايمىز" دەپ نارازىلىق بىلدىرۋدە. ايتۋلارىنشا, 5 ءساۋىر كۇنگى اۋىل اكىمىنىڭ سايلاۋى ءادىل وتپەگەن, سايلاۋ ناتيجەسى زاڭسىز. سونىمەن قاتار "جەرگىلىكتى ءوزىن-وزى باسقارۋ تۋرالى" زاڭنىڭ 36-بابى بۇزىلدى دەپ اشىنادى. قامشى ءتىلشىسى ماسەلەنىڭ ءمان-جايىن ءبىلىپ قايتتى.

روزا باتىرحانوۆا, شىرعاناق اۋىلى انالار كەڭەسىنىڭ ءتورايىمى:

"ەلباسىنىڭ 2017 جىلعى اكىم سايلاۋى جونىندەگى 91-جارلىقتىڭ, 36-بابى بويىنشا اۋىل اكىمدەرىن اۋدانى اكىمى ۇسىنادى. ۇسىنعان كانديداتتار قوعامدىق كەڭەستىڭ كەلىسىمىمەن بەكىتىلەدى. حاتتاما تولتىرىلادى. بىزدە ونداي بولعان جوق. اكىم ۇسىنىلدى. دەپۋتاتتار جاسىرىن تۇردە سايلاپ جىبەردى. ءبىز ءوز قۇقىعىمىزدى پايدالانا الماي قالدىق."

شىرعاناق اۋىلىنا وسىدان 4 جىل بۇرىن سايلانعان ورازباي بەكباتىروۆ ناعىز بىلىكتى باسشى, ۇزدىك ۇيىمداستىرۋشى, حالىقتىڭ شىنايى جاناشىرى بولا ءبىلدى دەيدى, جەرگىلىكتى تۇرعىندار. ول اكىم بولعان كەزىندە ەل يگىلىگى ءۇشىن ناتيجەلى جۇمىستار اتقارعان.

نۇرجىبەك سادىروۆا, زەينەتكەر:

"بىزدىڭ اۋىلدا كوپ وزگەرىس بولدى. مىنا ارداگەرلەر اللەياسى, فۋتبول الاڭى, يەسىز قالعان ءۇيدى رەمونتتاپ بالالارعا ارنالعان سپورت كومپلەكس سالىندى. ءبىز بىرىگىپ جاسادى. ۇكىمەتتەن ءبىر تيىن المادىق. قوعامدىق ۇيىممەن, اكىممەن بىرگە سالدىق."

سايلاۋ ناتيجەسى بويىنشا 2600 تۇرعىنى بار شىرعاناق اۋىلىن باسقارۋعا, 2 جىل قارقارا اۋىلدىق وكرۋگى اكىمى اپپاراتىنىڭ قۇرىلىمدىق بولىمشەسىنىڭ باسشىسى بولىپ ىستەگەن ەرنات سارىباەۆ كەلگەن. ول اۋداندىق ءماسليحات دەپۋتاتتارىنەىڭ باسىم داۋىسىنا يە بولعان. دەسە دە شىرعاناقتىقتار جاس اكىمدى قابىلدامايمىز, اكىمدىككە قايتا ورازباي بەكباتىروۆ نەمەسە ءوزىمىزدىڭ اۋىلدىڭ ازاماتى باسقارسىن دەپ تالاپ ەتەدى.

تۇرسىنالى ءابدىماناپ, شىرعاناق اۋىلى, قوعامدىق ۇيىمدار قاۋىمداستىعىنىڭ ءتوراعاسى

"بىز ول كىسىنى قابىلدامايمىز. مۇمكىن ول ىسكەر دە شىعار. بىزگە قايتا سايلاۋ وتكىزىپ, ءوزىمىزدىڭ اكىمدى قويسىن نەمەسە وسى اۋىلدىڭ ازاماتىن قويسىن."

مەملەكەتتىك قىزمەتتە 8 جىلدىق ءوتىلىمىم بار دەگەن ەرنات سارىباەۆ. سايلاۋدىڭ ءادىل وتكەنىن, ءوزىنىڭ وسى قىزمەتكە ابدەن لايىق ەكەنىن ايتادى.

ەرنات سارىباەۆ, ؛شىرعاناق اۋىلدىق وكرۋگىنىڭ جاڭا اكىمى

"ارينە, نەگە, مەن دە سونشا جىل مەملەكەتتىك قىزمەتتە ەڭبەك ەتتىم. جاستا بولسا, باس بولايىن دەپ بۇل اۋىلدى كوركەيتۋگە ءوز ۇلەسىمدى نەگە قوسپاسقا, حالىق قولداپ تۇرسا, نەگە بىرىگىپ جۇمىس ىستەمەسكە."

ال كەگەن اۋدانىنىڭ اكىمى تالعات بايەدىلوۆ سايلاۋ كەزىندە ەڭبەك دەمالىسىندا بولعانىن, ءبىراق ورىنباسارى ارقىلى اۋىل اكىمى سايلاۋىن باقىلاپ وتىرعانىن ايتتى. ول "سايلاۋ ءادىل ءوتتى, ەشقانداي قۇقىقبۇزۋشىلىق بولعان جوق" دەيدى. سونداي-اق انالار كەڭەسىنىڭ ءتورايىمى روزا باتىرحانوۆانىڭ ءسوزىن تەرىستەپ, 10 ناۋرىزدا كانديداتتاردى كەلىسۋ تۋرالى جيىنعا قوعامدىق كەڭەستىڭ مۇشەلەرى قاتىستىرىلعانىن مالىمدەدى. اۋدان اكىمى جيىن كەزىندە "كانديداتتارعا ەشقانداي قارسىلىق بولمادى, ەندى كەلىپ, شۋ شىعارعاندارى تۇسىنىكسىز" دەپ وتىر.

تالعات ەسكەندىرۇلى باەدىلوۆ, كەگەن اۋدانىنىڭ اكىمى

سۇراقتى كوتەرىپ وتىرعانداردىڭ وزدەرى, قوعامدىق كەڭەستىڭ مۇشەلەرى قاتىستى. ولار سۇراق قويدى. مەن كەشىگىپ كەلگەنىندە بىلەمىن. قاتىسىپ وتىرىپ قاتىسپادىق, 36 باپ بۇزىلدى دەگەنمەن كەلىسپەيمىن.

شىرعاناقتىقتار داۋىس بەرگەن 12 دەپۋتاتتىڭ 10-ى اۋدان باسشىلىعىنا باعىنىشتى مەكەمە جەتەكشىلەرى ەكەنىن ەسكەرسەك, سايلاۋدىڭ ءادىل وتپەگەنىنە تاڭ قالۋعا بولمايدى دەيدى. ەندى ولار ساياسي ناۋقانعا جاۋاپتى بولعان اۋدان اكىمى, ءماسليحات حاتشىسى جانە اۋداندىق سايلاۋ كوميسسياسىنىڭ ءتوراعاسىن سوتقا بەرۋگە بەل بۋىپ وتىر.

ايزادا بيدان

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر