فوتو: qamshy.kz
«؛كۇن سايىن بىزدە 60-قا جۋىق ادام ەكپە الۋدا»؛ - covid-19-عا قارسى ۆاكسيناسيا قالاي ءجۇرىپ جاتقانىن الماتى ەمحانالارىندا ايتىلدى.
ەكپە سالۋ ناۋقانى باستالعاننان بەرى ناۋرىزباي اۋدانىندا بۇگىنگى كۇنى كۆي-دەن 3500 ادامعا ۆاكسينا سالىندى.
ونىڭ اراسىندا, 954 مەديسينا قىزمەتكەرى, 571 پەداگوگ, 138 پوليسيا باسقارماسىنىڭ قىزمەتكەرلەرى, 45 ستۋدەنت, 51 ءىىم قىزمەتكەرلەرى, سوزىلمالى اۋرۋمەن اۋراتىن 100 ادام جانە قالا مەكەنىنىڭ 1 مىڭ ادامى.
بۇگىنگى كۇنگە ەكپە سالۋ ناۋقانى بويىنشا 5 ترانش جۇرگىزىلىپ جاتقانى تۋرالى ايتا كەتكىمىز كەلەدى.
وتكەن ءتورت ەشەلون بويىنشا 2910 ادامعا ەكپە سالىندى. مۇندا ەڭ الدىمەن يممۋنيزاسيانى جۇقپالى اۋرۋلار اۋرۋحاناسىنىڭ, جەدەل جاردەم كومەگىنىڭ, رەانيماسيا, مەديسينالىق-سانيتارلىق العاشقى كومەكتىڭ (ماسك), قابىلداۋ بولىمشەسىنىڭ جانە سانيتارلىق-ەپيدەميولوگيالىق قىزمەتتىڭ جۇمىسكەرلەرى الاتىنىن اتاپ وتكەن ءجون. ەكىنشى ساتىدا جالپى ءبىلىم بەرەتىن مەكتەپتىڭ, جوعارى وقۋ ورىندارىنىڭ پەداگوگتارى, ءبىرىنشى ساتىعا كىرمەگەن مەديسينا قىزمەتىنىڭ جۇمىسكەرلەرى قامتىلعان. ءۇشىنشى ساتى مەكتەپ-ينتەناتتار, مەكتەپكە دەيىنگى بالالار مەكەمەسىنىڭ پەداگوگتارى, ستۋدەنتتەر جانە سوزىلمالى اۋرۋمەن اۋراتىندار, مەديسينالىق-الەۋمەتتىك مەكەمەنىڭ قىزمەتكەرلەرىنە قارالعان.
2 ساۋىردەن باستاپ مەگاپوليستە ۆاكسيناسيانىڭ 5 ترانشى باستالدى. بۇگىنگى تاڭدا قالانىڭ بارلىق تۇرعىندارى ۆاكسيناسيادان وتۋدە. ۆاكسينانى الۋدىڭ جالعىز شارتى-قالانىڭ كەز-كەلگەن ەمحاناسىنا تىركەلۋ. ەگەر شەتەلدىك ادامنىڭ تۇرۋعا ىقتيارحاتى بولسا جانە ول ەمحاناعا تىركەلگەن بولسا جانە مەديسينالىق كومەكتىڭ بارلىق قاجەتتى كولەمىن الا الاتىن بولسا-ولارعا ۆاكسينا دا قولجەتىمدى.
«؛كۇندەلىكتى بىزدە شامامەن 60 ادامعا ەكپە سالىنادى. ەكپە سالىنعانداردىڭ بارلىعىنىڭ جاي-كۇيى جاقسى. وسى ۋاقىتقا دەيىن بەيتاراپ اسەرلەر انىقتالمادى. ءبىزدىڭ ازاماتتارىمىزبەن بىرگە شەت ەل ازاماتتارى دا ۆاكسينا الىپ جاتىر. مىسالعا, بۇگىن تۇرۋعا ىحتيارى بار, قالاداعى ەمحاناعا تىركەلىنگەن وڭتۇستىك كورەيانىڭ 5 ازاماتى كەلدى. ولاردىڭ بارلىعى ۆاكسينا الدى»؛- دەدى №36 قالالىق ەمحانانىڭ باس دارىگەرى ورىنباسارىنىڭ م.ا. ۆەنەرا توحتاحۋنوۆا.
«؛بۇگىن مەن سپۋتنيك ۆاكسيناسىن سالدىردىم. مەن كەلگەندە قان قىسىمىمدى ولشەپ, ساتۋراسيا جۇرگىزىپ, تاماعىمدى تەكسەرىپ, سوزىلمالى اۋرۋدىڭ بار-جوعى تۋرالى سۇرادى. تەكسەرىس كەزىندە بارلىعى قالىپتى بولدى. ەكپەنىڭ سالىنعانىن ءتىپتى سەزبەي قالدىم. سودان كابينەتكە اپاردى, ول جەردە جارتى ساعاتتاي وتىردىم, ءوزىمدى جاقسى سەزىندىم. مەنىڭ تانىستارىمنىڭ بارلىعىنا ەكپە سالىنعان, مەن جۇمىسىم ءۇشىن سوزىپ جۇرگەنمىن. اۋرۋ اراشالاپ وتەدى دەپ ۇمىتتەنەم, وسى ۋاقىتقا دەيىن اۋىرعان جوقپىن جانە اۋىرعىم دا كەلمەيدى. سول سەبەپتى ۆاكسينا الۋعا كەلدىم جانە دە بارلىعىڭىزعا الۋدى ۇسىنامىن. پاندەميانىڭ تەز ءبىتۋىن تىلەيمىن»؛- دەپ قالا تۇرعىنى يۋ چيۋن ءوز ويىن ءبىلدىردى.
ناۋرىزباي اۋدانى بويىنشا ۆاكسينانى سالۋ №7 قالالىق كلينيكالىق اۋرۋحانادا, №26, 27, 36 قالالىق ەمحانالاردا كۇندەلىكتى ساع. 8.00-دەن 20.00-گە دەيىن جۇرگىزىلەدى. №36 قالالىق ەمحانادا ۆاكسينا سالۋ ەكىنشى قاباتتاعى 209 كابينەتتە, ال, ەكىنشى ساتىسى- ياعني, رەۆاكسيناسيا 1 قاباتتاعى 104 كابينەتتە جۇرگىزىلىپ جاتىر.
«؛ەكپە الۋعا تىلەك بىلدىرگەندەردىڭ ءبارىن ۆاكسيناسياعا شاعىرامىز»؛-, دەپ اتاپ ءوتتى #36 قە مامانى.
ەستەرىڭىزگە سالا كەتەيىك, ۆاكسيناسيالاۋعا ءوتىنىمدى جەكە كابينەت نەمەسە موبايل egov موبيلدىك قوسىمشاسى ارقىلى ونلاين بەرۋگە بولادى. ءوتىنىم اقپاراتتىق جۇيەدە تىركەلگەننەن كەيىن ماماندار حابارلاسادى. ەكىنشى كومپونەنتتى الۋ ءۇشىن ەكى رەت ءوتىنىش بەرۋدىڭ قاجەتى جوق. ءبىر ءوتىنىم جەتكىلىكتى. ناۋقاس 21 كۇننەن كەيىن بەلگىلى ءبىر مەكەن-جايعا بارۋ كەرەك ەكەندىگى تۋرالى ەسكەرتۋ الادى. ونلاين جازىلۋ ارقىلى كەزەككە تۇرۋدىڭ قاجەتى جوق. ءاربىر ەمحانادا كولل-ورتالىق بار, سونداي-اق 1406 قىسقا ءنومىرى جۇمىس ىستەيدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر