09 ءساۋىر, 2021 الەم
فوتو: اشىق دەرەككوز
ۋكراينا شەكاراسىنداعى شيەلەنىس كۇشەيىپ كەلەدى. بەيسەنبى كۇنى ۆاشينگتون ناتو-مەن بىرگە ۋكراينا شەكاراسى ماڭىنداعى اسكەري كۇشتەر ماسەلەسىن تالقىلايتىنىن مالىمدەدى.
ال سوڭعى اقپاراتتار بويىنشا, رەسەي ايماققا بالليستيكالىق زىمىرانداردى ورنالاستىرعان.
اق ءۇيدىڭ ءباسپاسوز حاتشىسى دجەن پساكيدىڭ سوزىنە سايكەس, رەسەيدىڭ وسى ايماقتاعى ەڭ ءىرى اسكەري مانەۆرلەرى رەتىندە سيپاتتالعان جاعدايعا ۆاشينگتون "بارعان سايىن الاڭدايدى".
"وسى اپتادا عانا ۋكراينانىڭ بەس ساربازى قازا تاپتى. مۇنىڭ ءبارى الاڭداۋشىلىق تۋدىرادى" دەدى پساكي جۋرناليستەرگە.
رەسەيدىڭ اسكەري كۇشتەرى تۋرالى العاشقى حابار وتكەن ايدا جاريالانعان بولاتىن. الەۋمەتتىك جەلىدەگى كادرلاردا رەسەيدەن وڭتۇستىك پەن وڭتۇستىك-باتىسقا قاراي جىلجىپ بارا جاتقان كوپتەگەن تانكتەر, اسكەرلەر مەن باسقا تەحنيكالار كورسەتىلگەن.
ۋكراينانىڭ شىعىسىنداعى رەسەي قولدايتىن سەپاراتيستەر مەن ۋكراين ۇكىمەتىنىڭ اسكەرلەرى اراسىنداعى ۇرىس 2014 جىلى باستالدى. رەسەي سول جىلى قىرىمدى اننەكسيالاپ العان. دەگەنمەن, سوڭعى جىلدارى شيەلەنىس باسەڭدەگەن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر