09 ءساۋىر, 2021 news
فوتو: اشىق دەرەككوز
الماتى قالاسىنىڭ باس سانيتار دارىگەرى جانداربەك بەكشين كوروناۆيرۋس ينفەكسياسىنىڭ الدىن الۋ ءۇشىن كارانتين شارالارى تۋرالى قاۋلىسىنا وزگەرىستەر مەن تولىقتىرۋلار ەنگىزدى.
قاۋلىعا سايكەس:
- 15 ادامنان جوعارى ەمەس كەزەكشى توپتاردى قوسپاعاندا, بارلىق مەنشىك نىسانىنداعى مەكتەپكە دەيىنگى ۇيىمداردىڭ جۇمىسى توقتاتىلادى؛
- بالالاردىڭ ويىن-ساۋىق ورتالىقتارى, اتتراكسيوندار, اشىق اۋلاداعى باتۋتتار, ساياباقتار مەن الاڭدارداعى ۆەلوسيپەدتەر, ەلەكتر ساموكاتتارىن جالعا الۋ, جانۋارلارعا مىنۋگە تىيىم سالىنادى؛
- كينوتەاتر, تەاترلار جۇمىس ىستەمەيدى؛
- قوعامدىق كولىكتىڭ جۇمىس ۋاقىتى 23:00-گە دەيىن ۇزارتىلادى؛
- 65 جاستان اسقان ازاماتتاردىڭ كوشەگە شىعۋى شەكتەلەدى؛
- جەرلەۋ راسىمدەرى جاقىن تۋىستاردىڭ قاتىسۋىمەن 15 ادامنان اسپاستان جۇرگىزىلۋگە ءتيىس؛
- حالىققا قىزمەت كورسەتۋ ورتالىقتارىنا الدىن-الا جازىلۋ بويىنشا بارۋ كەرەك. جۇمىس كۇندەرى 9:00-دەن 18:00-گە دەيىن, دەمالىس كۇندەرى 9:00-دەن 15:00-گە دەيىن ىستەيدى؛
- سۋپەرماركەتتەردىڭ جۇمىس كەستەسى 09:00-دەن 22:00-گە دەيىن بولادى؛
- اشىق, جابىق, ازىق-تۇلىك جانە ازىق-تۇلىك ەمەس بازارلار تولىمدىلىعى 30 پايىزدان اسپاي, كىرە بەرىستە تەرمومەتريا قويىلىپ, جۇمىس كەستەسى 10:00-دەن 17:00-گە دەيىن ىستەيدى. ال سەنبى جانە جەكسەنبى جۇمىس ىستەۋگە تىيىم سالىنادى.
وسى قاۋلى 2021 جىلعى 12 ءساۋىر ساعات 07:00-دەن باستاپ كۇشىنە ەنەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر