"؛37 جىل بويى قىزىنىڭ پسيحيكالىق اۋرۋىن جاسىرعان"؛. پسيحياترمەن سۇحبات

بۇگىن الەمنىڭ كوپتەگەن ەلدەرىندە دۇنيەجۇزىلىك دەنساۋلىق كۇنى اتالىپ وتىلەدى. بۇل مەرەكە 1948 جىلى 7 ساۋىردە دۇنيەجۇزىلىك دەنساۋلىق ساقتاۋ ۇيىمى جارعىسىنىڭ نەگىزىندە بەكىتىلگەن. وسى ورايدا قامشى ءتىلشىسى الماتى قالاسىنداعى پسيحيكالىق ساۋىقتىرۋ ورتالىعىنىڭ ديرەكتورى ساپار راحمانشەەۆپەن سۇحباتتاستى.

&ndash؛ پسيحيكالىق ساۋىقتىرۋ ورتالىعىنىڭ مىندەتى &ndash؛ ناۋقاستارعا مەديسينالىق, پسيحولوگيالىق, پسيحياتريالىق كومەك كورسەتۋ. سونىمەن قاتار ەسىرتكىگە, ىشىمدىككە تاۋەلدى ادامدار دا ءبىزدىڭ ورتالىقتا ەمدەلەدى. ماقساتىمىز &ndash؛ اۋىتقۋى بار ادامدارعا ساپالى مەديسينالىق كومەك كورسەتۋ. پسيحيكالىق اۋرۋلارعا شالدىقپاۋ جولدارى جانە ىشىمدىك پەن ەسىرتكىگە تاۋەلدىلىكتىڭ الدىن الۋ پروفيلاكتيكالىق شارالارىمەن اينالىسامىز, ؛&ndash؛ دەدى ساپار راحمانشەەۆ.

"ۆيرۋس جۇقتىرىپ السام, ءولىپ قالمايمىن با؟"

پاندەميا كەزىندە سىرقاتتار سانى ايتارلىقتاي كوبەيمەدى. ورتالىقتىڭ سەنىم تەلەفونىنا حابارلاسقاندارعا پسيحولوگ ماماندارىمىز تاۋلىك بويى جاۋاپ بەرىپ وتىرادى. ؛ۇرەيلەنگەن, كۇيزەلىسكە تۇسكەن ادامداردىڭ بارلىعىن ديسپانسەرلىك باقىلاۋعا الا بەرمەيمىز. كوبىنە ولارعا سەنىم تەلەفونى ارقىلى كەڭەس بەرەمىز. قازىرگى تاڭدا الماتى قالاسىندا 10 ؛600-گە جۋىق ادام ديسپانسەرلىك باقىلاۋعا الىنىپ, امبۋلاتورلىق ەم قابىلدايدى. 2019 جىل مەن 2020 جىلدى سالىستىرساق, ءبىر دەڭگەيدە تۇرمىز. ؛

كارانتين كەزىندە بالا مەن اتا-انانىڭ, ايەل مەن كۇيەۋىنىڭ اراسىنداعى قارىم-قاتىناستىڭ بۇزىلۋىنا بايلانىستى وتە كوپ سۇراق قويىلدى. سونداي-اق "اۋرۋدى قالاي جۇقتىرماۋعا بولادى؟", "ۆيرۋس جۇقتىرىپ السام, ءولىپ قالمايمىن با؟" دەگەن سەكىلدى قورقىنىشى پايدا بولعان ادامدار دا ءجيى حابارلاستى.

ادامدار قالاي پسيحيكالىق اۋىتقۋعا ۇشىرايدى؟

پسيحيكالىق اۋىتقۋعا ادامدار ءتۇرلى جاعدايدا ءۇشىرايدى. ؛بىرى باسىنان جاراقات الىپ, سوڭى پسيحيكالىق دەرتكە جالعاسادى. ەندى ءبىرىنىڭ ومىرىندەگى كەلەڭسىزدىكتەر كۇيزەلىسكە ۇلاسىپ, ادامدا پسيحيكالىق اۋىتقۋ پايدا بولۋى مۇمكىن. ؛سونىمەن قاتار بۇل اۋرۋلاردىڭ تۇقىم قۋالايتىن تۇرلەرى دە بار. ؛

جالپى پسيحيكالىق اۋرۋلار دا كەز كەلگەن سوزىلمالى دەرت سەكىلدى ۋاقىتىلى ءتيىمدى ەم-دوم السا, اسقىنبايدى. سول سەكىلدى ديسپانسەرلىك باقىلاۋدا تۇرعان ناۋقاستار دا ەمدى جۇيەلى السا, اۋرۋدىڭ ءورشۋى كەزەڭى وتە از بولادى نەمەسە مۇلدە بولمايدى. كەز كەلگەن ناۋقاستىڭ جاعدايى قالىپتى بولۋى ءۇشىن ەم تۇراقتى جۇرگىزىلۋگە ءتيىس.

پسيحيكالىق ساۋىقتىرۋ ورتالىعىنا ادامدار قالاي كەلەدى؟

ورتالىققا پسيحيكالىق اۋىتقۋى بار ادامداردى تۋعان-تۋىسقاندارى الىپ كەلەدى. "مىنا تۋىسىمىزدىڭ مىنەز-قۇلقى وزگەرىپ كەتتى" نەمەسە "تۇنگى ۇيقىسى بۇزىلدى" دەپ, جاقىندارى جانى اشىپ, ەرتىپ اكەلەدى. ءبىراق ىشىمدىك پەن ەسىرتكىگە بايلانىستى ءوز ەركىمەن كەلىپ, ەمدەلىپ جاتقان ناۋقاستار دا بار.

كوبىنەسە ناۋقاستار "تۇنگى ۇيقىم بۇزىلدى, ەكى اپتادان اسا ۋاقىت بويى ۇيىقتاي الماي ءجۇرمىن" دەگەن شاعىممەن كەلەدى. ادامنىڭ تۇندە ۇيقىسى دۇرىس بولماسا, پسيحيكالىق اۋىتقۋلارعا ۇشىراۋى مۇمكىن. سونىڭ اسەرىنەن قورشاعان ورتاعا قارىم-قاتىناسى وزگەرەدى, سىركەسى سۋ كوتەرمەي, تابەتى بولمايدى. دارىگەرلەر مۇنداي پاسيەنتتەرگە قاجەت كەڭەس بەرىپ, ەم قولدانادى.

پسيحيكالىق ساۋىقتىرۋ ورتالىعىنا ادامداردىڭ ءجيى كەلمەيتىن سەبەبى "ديسپانسەرلىك باقىلاۋعا الىنامىز, ودان سوڭ جۇمىسقا قابىلدانبايمىز" دەپ قورقادى. بىزدە نەگىزى ءانونيمدى, ياعني قۇپيا تۇردە كەڭەس بەرەتىن كابينەتتەر بار. مۇنداي قارالۋشىنىڭ جەكە اقپاراتتارى ساقتالادى.

مىنانى بىلگەن ءجون: بارلىق پاسيەنت ديسپانسەرلىك باقىلاۋعا الىنبايدى. شيزوفرەنيا, اقىل-ەسى تومەن, ؛ميدىڭ ورگانيكالىق زاقىمدانۋى كەزىندە بولاتىن اۋىتقۋلارعا ۇشىراعان, ت.ب. اۋىر جاعدايداعى ناۋقاستاردى عانا ديسپانسەرلىك باقىلاۋعا الامىز. ؛

جاقىن ادامىڭ پسيحيكالىق ءاۋىتقۋىن ؛وزى مويىنداماسا, ؛نە ىستەۋ كەرەك؟

ناۋقاس ءوزى پسيحياترعا بارىپ قارالام دەپ, رۇقساتىن بەرسە عانا, ءبىز ساۋىقتىرۋدى باستايمىز. رۇقساتىن بەرمەسە, ونى قاراۋعا قۇقىعىمىز جوق. ال ەگەر پاسيەنت وزىنە نەمەسە قورشاعان ورتاسىنا زيان تيگىزەتىن ؛بولسا, ونىڭ رۇقساتىنسىز-اق ورتالىققا الىپ كەلىپ, ەمدەي بەرەمىز. كەيدە كەلۋگە رۇقسات بەرمەسە, ءبىز اۋىتقۋدىڭ بار-جوعىن عانا انىقتايمىز دەپ, كەڭەس بەرۋگە شاقىرامىز. سودان سوڭ اڭگىمەگە تارتىپ, پسيحياترمەن جۇمىس ىستەۋگە كوندىرۋگە تىرىسامىز.

"37 جىل بويى قىزىنىڭ اۋرۋىن جاسىرىپ كەلگەن"

وسىدان 3 ايداي بۇرىن ءبىزدىڭ ورتالىققا 37 جاس شاماسىنداعى ناۋقاستى اتا-اناسى الىپ كەلدى. قاريالاردىڭ جاسى 80-گە تاياپ قالعان. ول كىسىلەر وسىنشاما جىل بويى بالاسىن ەش جەرگە ەمدەۋگە اپارماعان. ورتالىققا ء"بىز قايتىس بولساق, ءوزىنىڭ جاردەماقىسى اسىراسىن" دەپ, ؛مۇگەدەكتىك تۋرالى انىقتاما الۋ ءۇشىن عانا الىپ كەلگەن. ال ناۋقاستىڭ جاعدايى تىم مۇشكىل ەدى. باستاۋىش سىنىپ وقۋشىسىنىڭ دا ارەكەتىن ىستەي المايدى. "اعا, نەگە ەرتە الىپ كەلمەدىڭىز؟ ەمدەگەندە, ەڭ بولماعاندا, وزىنە تاماق پىسىرە الاتىن ەدى. وقىتىپ, ورتاعا بەيىمدەۋگە بولاتىن ەدى" دەدىم.

سوندا ولار 37 جىل بويى بالاسىنىڭ ناۋقاسىنان ۇيالىپ, نامىستانىپ, جاسىرىپ قاراپ كەلگەن ەكەن. بىردە-بىر ەم جاساماعان, دارىگەرگە اپارماعان. بۇل ارەكەتىنەن كىمگە, قانداي پايدا بولدى؟! اتا-اناسىنىڭ قىزدارى ءۇشىن قانشا زيانى ءتيدى... ەگەر ەرتەرەك ەمدەگەندە, مۇنداي بولماس ەدى. كەرىسىنشە, ءارىپ تانىپ, وقىر ەدى, قوعامعا بەيىمدەلەر ەدى. ءبىزدىڭ قازاقتار ورىنسىز نامىستانۋدى, ۇيالۋدى قويۋى كەرەك. ؛ەگەر بالالاردا پسيحيكالىق اۋىتقۋلار بولىپ جاتسا, جۇرتتان جاسىرۋدىڭ كەرەگى جوق. دەر كەزىندە ءتيىستى ماماندارعا كورسەتىپ, ەمدەتۋ كەرەك.

"پسيحولوگ, پسيحياترعا تەك اۋرۋ ادامدار عانا قارالمايدى"

ادامدار ديسپانسەرلىك باقىلاۋعا الىنامىز دەپ قورقىپ نەمەسە بىرەۋلەر كورىپ قويادى دەپ نامىستانىپ, پسيحيكالىق ورتالىققا كەلمەيدى سول سەبەپتى 2017 جىلدان بەرى ءبىزدىڭ پسيحياتر دارىگەرلەر ناۋقاستاردى الماتى قالاسىنىڭ قالالىق ەمحانالارىندا قابىلدايدى. سوندا ورتالىققا قاراعاندا, قالالىق ەمحانالاردا ادامداردىڭ پسيحياترعا قارالۋى جيىلەگەنىن بايقادىم.

پسيحيكالىق ساۋىقتىرۋ ورتالىعىنىڭ كومەگىنە جۇگىنۋ ءۇشىن, 8-727-376-56-60 سەنىم تەلەفونى ارقىلى حابارلاسۋعا بولادى. سونداي-اق ورتالىقتىڭ نەمەسە تۇرعىلىقتى جەرىنىڭ اۋدانىنا قاراستى ەمحانا پسيحياترىنا كەلىپ, كەڭەس الۋىنا بولادى. كوبىنەسە ۇيقىسى بۇزىلسا, مازاسىزدانسا, كۇيزەلىسكە تۇسسە, ەمدەلۋگە تىرىسپاي, "مەن جىندى ەمەسپىن, مەن اۋرۋ ەمەسپىن" دەپ نامىستانادى. ال شىنىندا كەز كەلگەن ادامعا پسيحولوگتىڭ كومەگى كەرەك. پسيحولوگ &ndash؛ تىعىرىققا تىرەلىپ, شەشىلمەي جۇرگەن ماسەلەلەرىمەن بەتپە-بەت كەلگەندە, باعىت بەرەتىن مامان. سوندىقتان ۇيالۋدىڭ, نامىستانۋدىڭ كەرەگى جوق. پسيحولوگ, پسيحياترعا تەك اۋرۋ ادامدار عانا قارالمايدى, ساۋ ادامدار دا پسيحولوگيالىق كەڭەس الىپ تۇرعانى ءجون.