فوتو: اشىق دەرەككوز
قىتايدىڭ سوعىس ۇشاقتارىن تاسىمالدايتىن اسكەري كەمەسى باستاعان توپ وكيناۆا مەن مياكو ارالدارىن باسىپ ءوتىپ, تىنىق مۇحيتىنا بەت العان. جاپونيا توپتى باقىلاپ وتىرعانىن مالىمدەدى.
reuters قىتايدىڭ "لياونين" دەپ اتالاتىن سوعىس ۇشاقتارىن تاسىمالدايتىن كەمە باستاعان اسكەري توپ وكيناۆا مەن مياكو ارالى اراسىنان ءوتىپ, تىنىق مۇحيتىنا بەت العانىن حابارلادى. ؛
جاپونيا قىتايلىق توپتى بايقاپ قالعاننان كەيىن قىتاي فلوتىنىڭ توبى تۋرالى اقپارات جيناۋ ءۇشىن ءبىر جويعىش, ءبىر پاترۋلدىك ۇشاق جونەلتكەن.
سوڭعى كەزدەرى قىتايلىق اسكەريلەردىڭ شەتەلدىك كەمەلەرگە وق اتۋىنا مۇمكىندىك بەرەتىن بەيجىڭنىڭ جاعالاۋدى قورعاۋ تۋرالى جاڭا زاڭى توكيومەن شيەلەنىستى كۇشەيتتى. ؛
وتكەن جىلدىڭ ساۋىرىنەن بەرى اتالعان سۋ جولىمەن بەيجىڭ كۇشتەرى العاش رەت ءوتىپ وتىر. بۇل اقش-تىڭ ايماقتاعى وداقتاستارىمەن وتكىزگەن اسكەري جاتتىعۋلارىنان, ونىڭ ىشىندە وتكەن اپتادا شىعىس تىنىق مۇحيتى ايماعىندا اۆستراليانىڭ اسكەري-تەڭىز كۇشتەرىمەن ەكى كۇندىك بىرلەسكەن جاتتىعۋىنان جانە جەكسەنبى كۇنى تاڭەرتەڭ وڭتۇستىك قىتاي تەڭىزىنە كىرەتىن امەريكالىق تەودور رۋزۆەلت اۋە كەمەسىمەن بىرلەسكەن جاتتىعۋدان كەيىن تىركەلىپ وتىرعان جايت.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر