فوتو: ۆيدەودان سكرينشوت
الماتى قالاسىنىڭ باس سانيتار دارىگەرى جانداربەك بەكشين سانيتارلىق-ەپيدەميولوگيالىق باقىلاۋ دەپارتامەنتىنىڭ ءباسپاسوز حاتشىسى قىمبات قىزايبەكوۆانىڭ تويدا جۇرگەنى كورسەتىلگەن ۆيدەوعا بايلانىستى پىكىر ءبىلدىردى.
بەكشيننىڭ ايتۋىنشا, ۆيدەوداعى قىزمەتكەر ونىڭ ءباسپاسوز حاتشىسى ەمەس, مەملەكەتتىك قىزمەتكەر دە ەمەس. ول ماتىنگە اۋدارما جاسايتىن مامان عانا.
سونداي-اق ؛جانداربەك بەكشين تويدا جۇرگەنى بەينەلەنگەن ۆيدەو وسىدان ەكى جىل بۇرىن تۇسىرىلگەنىن حابارلادى.
&ndash؛ ورىنباسارىم بۇل جاعدايدى انىقتادى. بۇل قىزمەتكەر 2020 جىلعى قىركۇيەكتەن باستاپ جۇمىس ىستەيدى جانە ءباسپاسوز حاتشىسى ەمەس. تەك ماتىندەرگە اۋدارما جاسايدى. ول مەملەكەتتىك قىزمەتكەر ەمەس. مەنىڭ حاتشىم 25 ناۋرىزدا دەنساۋلىعىنا بايلانىستى جۇمىستان كەتكەن. ءقازىر ورنىندا مۇحامەدياروۆ وتىر. ۆيدەو ەكى جىل بۇرىن, پاندەمياعا دەيىن تۇسىرىلگەن, &ndash؛ دەدى بەكشين.
ۆيدەودان تويحانادا ۇيلەنۋ تويىنىڭ ءوتىپ جاتقانىن جانە ونداعى قوناقتاردىڭ ءتۇرلى ويىن ويناپ, كوڭىل كوتەرىپ جۇرگەنىن كورۋگە بولادى.
بەكشيننىڭ سوزىنە كۇدىكتەنىپ, "ۆيدەوعا ءماتىن جازۋ فۋنكسياسى 2020 جىلدىڭ سوڭىندا عانا پايدا بولعانىن ايتقان جەلى قولدانۋشىلاردىڭ پىكىرىنە قالانىڭ باس سانيتارى "مۇنى تاجىريبەلى تەرگەۋشى انىقتاۋى كەرەك" دەپ قىسقا قايىردى .
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر