بيىل 2008 جىلعى داعدارىستان دا اۋىر قارجىلىق اپات كەلە جاتىر – قارجىلىق ساراپشىلار

كوپتەگەن ەكونوميكالىق ساراپشىلار مەن ماماندار 2021 جىلى ءىرى قارجىلىق داعدارىس باستالاتىنىن جانە ونىڭ بىرنەشە جىلعا سوزىلاتىنىن ايتادى. ولاردىڭ پىكىرىنشە, بۇل جولعى قارجىلىق اپات 2008 جىلعى داعدارىستان دا سۇراپىل بولۋى ىقتيمال. ؛

"نارىق قۇلدىرايدى, ەگەر مەن قاتەلەسسەم, جۇمىستان كەتەمىن!" دەيدى قارجى ساراپشىسى گارري دەنت.

گارري دەنت 1989 جىلعى جاپونياداعى ەكونوميكالىق قۇلدىراۋدى ءدال بولجاعان جانە ودان كەيىن اقش پەن ەۋروپا ەكونوميكاسىنىڭ كۇش الاتىنىن دا الدىن-الا بىلگەن قارجى ساراپشىسى.

گارري دەنت اكسيالار نارىعىنىڭ 40% قۇلدىرايتىنىن, ءتىپتى تۇرعىن ءۇي جانە قور نارىعىنىڭ 75-80 پايىز كولەمىندەگى اپاتى ماۋسىمدا باستالاتىنىن ايتادى.

2008 جىلعى قارجىلىق داعدارىستى الدىن-الا ءبىلىپ, ەسكەرتۋ جاساعان جانە سول كەزدەگى داعدارىستا جۇزدەگەن ملن تابىس تاپقان مايكل بەرري الداعى نارىقتاعى قۇلدىراۋ تۋرالى دابىل قاعادى.

دۇنيەندەگى ەڭ ءىرى قارجىلىق كومپانيا "berkshire hathaway"-دىڭ ۆيسە-پرەزيدەنتى, الەمدەگى ەڭ تابىستى ينۆەستورلاردىڭ ءبىرى چارلي مۋنگەر قازىرگى قارجىلىق جاعداي تۋرالى "بۇل جارىلاتىن كوپىرشىكتىڭ بەلگىسى" دەيدى.

بوستونداعى گمو-نىڭ نەگىزىن قالاۋشى جانە باس ينۆەستيسيالىق ستراتەگ دجەرەمي گرانتەم "اكسيالار مەن باعالاۋلار ەپيكالىق كوپىرشىككە اينالدى, ؛ ەكونوميكا 1929 جانە 2000 جىلدارداعى اپاتتارمەن قارايلاس كۇيرەۋگە ۇشىرايدى" دەپ سانايدى.

ميللياردەر ينۆەستور, الەمدەگى ەڭ ءىرى حەدج-قور "bridgewater ءassociates"-تىڭ نەگىزىن قالاۋشى رەي داليو الدا قۇلدىراۋ بولاتىنىن ايتتى جانە ونى 1929 جىلعى داعدارىسپەن سالىستىردى.

تومەندە ساراپشىلاردىڭ نەلىكتەن 2021 جىلى قارجىلىق داعدارىس بولاتىنىن بولجاۋ سەبەبى قىسقاشا بەرىلدى.

ساراپشى مايكل بەرري twitter پاراقشاسىندا قارجىلىق قۇلدىراۋ تۋرالى بىرنەشە رەت ەسكەرتۋ جاريالادى.

مايكل بەرري 2008 جىلى تۇرعىن ءۇي نارىعى قۇلدىرايتىنىن الدىن الا ءبىلىپ, سول ارقىلى جۇزدەگەن ملن دوللار تابىس تاپتى. 13 جىل وتكەن سوڭ ول تاعى دا ەسكەرتۋ جىبەرىپ جاتىر. ول يندەكستى ينۆەستيسيالاۋ, اكسيالار توپتاماسى جانە بوس اقشا قور نارىعىندا باعا تۇرعىسىنان وسۋگە اكەپ سوعادى دەپ ويلايدى جانە بۇل تۇراقسىزدىق بولۋى مۇمكىن دەپ ەسكەرتەدى.

&ldquo؛سپەكۋلياتيۆتى قور, كوپىرشىكتەر, سايىپ كەلگەندە, ءباس تىككەندەر تىم كوپ قارىزدار بولىپ جاتقانىن كورسەتەدى&rdquo؛, &ldquo؛نارىق پىشاقتىڭ ۇشىندا تۇر&rdquo؛, &ldquo؛ادامدار وتكەن جولى مەنى ەسكەرتپەدى" دەيدى, مەن ايتتىم, ءبىراق ەشكىم تىڭدامادى. سوندىقتان مەن بۇل جولى تاعى ەسكەرتەمىن. دەسە دە, ەشكىم تىڭدامايدى. ءبىراق مەندە ەسكەرتكەن دالەلدەر بولادى" دەپ جازدى ول twitter پاراقشاسىندا.

بىر قىزىعى, ول ءوزىنىڭ twitter-ديسپلەيىن كاسساندرا دەگەن ءدىني قىزمەتكەرگە ؛ اينالدىرعان. بۇل گرەك ميفولوگياسىندا شىنايى پايعامبارلىققا ۇمتىلىسى ءۇشىن قارعىس العان ءدىني قىزمەتكەر, ءبىراق وعان ەشكىم ەشقاشان سەنبەگەن. بەرري ءوزىن وسى ءدىني قىزمەتكەردىڭ قارجىلىق نۇسقاسى دەپ سانايدى.

ال دجەرەمي گرانتەم داعدارىستىڭ سەبەبى رەتىندە اقش فەدەرالدىق رەزەرۆ جۇيەسىنىڭ پايداسىزدىعىن ءتۇسىندىرىپ, ساياسات, امەريكالىق كاپيتاليزم جاعدايىن سىنايدى.

رەي داليو نە ءۇشىن 2021 جىلى 2008 جىلعى داعدارىستان دا اۋىر اپات كەلەتىنىن ءتۇسىندىردى.

رەي داليو بۇگىنگى ەكونوميكاعا قاتىستى ماسەلەلەردى 2008 جىلدان گورى كوبىرەك سەبەپتەرمەن تالدايدى. ول الەمدەگى ەڭ ءىرى ينۆەستيسيالىق حەدج-قوردىڭ نەگىزىن قالاۋشى, 150 ميلليارد دوللاردان استام اكتيۆتەرى بار. رەي داليو ؛ قازىرگى نارىقتاعى كوپتەگەن كەمشىلىكتەردىڭ تۋىنداعانىن مالىمدەدى جانە ؛بايلىقتىڭ الشاقتىعى تۋرالى ايتتى. بايلار مەن كەدەيلەر اراسىنداعى الشاقتىق كۇشەيىپ كەلەتىنىن ەسكەرتتى. "نەگىزىنەن 1987 جىلدان باستاپ ؛ ەكونوميكانىڭ نىعايا باستاعانىن بايقادىق! كوپتەگەن ادامدار جۇمىسىنان ايىرىلىپ, كەدەيلەندى, پاندەميادان كەيىن دە, ەڭ باي 10 ميللياردەر 540 ميلليارد دوللارلىق داۋلەتكە يە بولدى. ەندى بۇل بايلار مەن كەدەيلەردىڭ اراسىنداعى شيەلەنىستى تۋدىردى جانە بۇل جۇيەنى شايقالتاتىن فاكتورلارىنىڭ ءبىرى" دەيدى ول.

سونىمەن قاتار, ول قۇندىلىقتار الشاقتىعىن تىلگە تيەك ەتتى. ءوسىپ كەلە جاتقان بۇل ايىرماشىلىق ادامداردى ەكى تۇرگە بولگەنىن ايتادى. ؛

ول "مەملەكەتتەردىڭ سىرتقى قارىزى وتە جوعارى دەڭگەيدە ۇلعايعانى ءقاۋىپتى ارتتىرىپ جاتىر" دەيدى.

"سونىمەن, مەملەكەتتەر اقشا شىعارۋعا تۋرا كەلەتىن ورتالىق بانكتەرگە جۇگىنىپ جاتىر. ولاردا شىنىمەن تاڭداۋ مۇمكىندىگى جوق. ولار قارىزدى تولەۋگە ءماجبۇر بولدى, جۇمىسسىز ادامدارعا تەگىن اقشا بەرىپ, ونسىز ءومىر سۇرە المايتىن كاسىپكەرلەرگە نەسيە بەرەدى. ادەتتە, قارىزدى تولەۋدىڭ دۇرىس ءادىسى - كوپ ءوندىرۋ. ءسىز ءوزىڭىزدىڭ بيزنەسىڭىزدىڭ كوبىرەك ساتقانىن, جاڭاشىل بولعانىن, كوبىرەك پايدا تاپقانىن, سالىق تولەگەنىن جانە سول ارقىلى قارىزدى تولەگەنىن قالايسىز. تەك اقشا باسىپ شىعارۋ ارقىلى عانا ەمەس, ول بۇكىل الاڭداۋشىلىقتى تۋدىرادى" دەيدى ول. ؛