"؛كرىشاسى"؛ بارلار كۇن كورىپ, قاراپايىم حالىق اش وتىرۋى كەرەك پە؟ –  كارانتيندە قينالعان حالىق

الماتىدا قاتاڭ كارانتين ەنگىزىلگەلى تۇرعىندار ؛كۇنكورىس قيىنداپ كەتكەنىن ايتادى. ونىڭ ۇستىنە ولاردى تانىسى بارلاردىڭ كارانتين تالاپتارىن ورىندامايتىنى اشىندىرادى.

"بولاشاق" بازارىندا بالالار كيىمىن ساتاتىن امانكۇل قۇتتىمۇراتوۆا بازار جابىلعالى جاعدايىنىڭ قيىنداعانىن جەتكىزدى.

&ndash؛ 2013 جىلدان بەرى وسى بازاردا ىستەيمىن. ناۋرىز مەرەكەسىنىڭ الدىندا بازاردى جاۋىپ تاستادى. 27 ناۋرىزدا جۇمىسىمىزدى باستايمىز دەپ قۋانىپ وتىرعاندا كارانتيندى تاعى 2 اپتاعا سوزدى. ونىڭ الدىندا قولداعى بار اقشامىزعا تاۋار الىپ قويعانبىز. ەندى نە ىستەرىمىزدى بىلمەي, كۇيەۋىمنىڭ ءبىر ايلىعىنا قاراپ وتىرمىز. نەگىزگى ءناپاقامىز وسى ساۋدا ەدى. جۇمىس توقتاعالى تۇرمىسىمىز قيىنداپ كەتتى. ۋاقىتشا جۇمىستار دا شىقپاي قويدى. ورىن بار جەرلەر تۇراقتى ادام كەرەك دەيدى. اي ؛ سايىن 80 مىڭ تەڭگە كرەديت تولەيمىن. ؛بالام ۋنيۆەرسيتەتتە اقىلى بولىمدە وقيدى. ونىڭ دا اقشاسىن تولەيتىن ۋاقىت جاقىنداپ قالدى. جانداربەك بەكشين مىرزا نە ىستەپ, نە ءبىتىرىپ وتىرعانىن تۇسىنبەيمىن. جاپسا, بارلىعىن بىردەي جاپسىن. ءوزىم الماتىعا جاقىن قاراساي اۋدانىندا تۇراتىندىقتان, التىن وردا بازارىنىڭ ىستەپ تۇرعانىن كورىپ ءجۇرمىن. بازارلاردىڭ جۇمىسىن بەلگىلى ءبىر ۋاقىتقا دەيىن شەكتەسە وعان دا كونەمىز عوي. 5 كۇن جۇمىس ىستەتىپ, سەنبى, جەكسەنبى توقتاتسا دا مەيلى. ءقازىر حالىق كرەديتكە بايلانعان. جۇمىس توقتاپ تۇرسا, كرەديتتى قالاي تولەيمىز؟! 12 ساۋىرگە دەيىن بازار جۇمىسىنا رۇقسات بەرسە ەكەن, &ndash؛ دەيدى ساۋداگەر. ؛

اسابا مەيىربەك بايشاعىروۆ كارانتينگە قاراماستان تويعا شىعىپ جۇرگەن ارىپتەستەرىن تولىق قولدايتىنىن جاسىرمادى.

&ndash؛ 2013-تەن بەرى توي سالاسىندا قىزمەت ەتىپ كەلەمىن. كارانتين بارىمىزگە قيىن بولىپ جاتىر. دەسە دە جاسىراتىن نەسى بار, كارانتيندى ۇزارتقانىمەن قازاق توي جاساۋدى توقتاتپايدى. قانشا جەردەن شەكتەۋ قويىلسا دا حالىق تىعىلىپ توي جاساپ جاتىر. لوكداۋندى ەسكەرمەي تويعا شىعىپ جۇرگەن ارىپتەستەرىم تۋرالى ەشتەڭە ايتا المايمىن. ويتكەنى ولاردىڭ ءبىرى ءوزىممىن. بىزگە دە بىردەڭە قىلىپ كۇن كورۋ كەرەك. ونىڭ ۇستىنە ۇكىمەت بارلىق مەيرامحانا, كافە, ساۋدا ورىندارىنىڭ جۇمىسىنا شەكتەۋ قويسا تۇسىنەتىن ەدىم. ال ءقازىر كەي نىساندار جۇمىس ىستەپ تۇرعانىن ءبارىمىز كورىپ ءجۇرمىز. سوندا ولاردىڭ جۇمىسى زاڭدى ەكەن دە, ءبىزدىڭ جۇمىسىمىز زاڭسىز با. بۇل ءادىل مە؟! زاڭ ورتاق بولۋى كەرەك قوي, &ndash؛ ؛ دەدى اسابا.

كارانتيننىڭ كۇشەيتىلۋىنە بايلانىستى تابىسسىز قالعانداردىڭ ءبىرى &ndash؛ تامارا كۇزەمباەۆا. ول &ndash؛ 8 جىلدان بەرى اسپاز.

&ndash؛ الماتىداعى كىشىگىرىم "شابادا" دەگەن كافەدە 8 جىلدان بەرى اسپازبىن. كارانتين كۇشەيتىلگەلى جۇمىسسىز وتىرمىن. كوپتەگەن جەرلەرگە سويلەسكەنىمدە كارانتينگە بايلانىستى ىستەمەيتىندەرىن ايتتى. ءقازىر جۇمىس تابا الماي ۇيدە وتىرمىز. دەنساۋلىعىمىز ءۇشىن كونۋگە بارمىز. ءبىراق كەي جەرلەردە جاسىرىن توي جاساپ, جۇمىسىن توقتاتپاعاندارعا قاراپ" ۇكىمەت وسى نە قاراپ وتىر" دەيسىڭ. ەشكىم ەشكىمنىڭ ىرىسىن قىزعانبايدى عوي. ءبىراق تالاپ بارلىعىنا ورتاق بولۋى كەرەك قوي. جاباتىن بولسا, بارلىق كافەلەردى جابۋى قاجەت. سوندا "كرىشاسى" بارلار كۇن كورىپ, ءبىز سياقتى قاراپايىم حالىق اش وتىرۋى قاجەت پە؟! ءوزىم جالعىزباستى انا بولعاندىقتان, تۇرمىس جاعىنان قيىندىق تۋىپ جاتىر. تابىس جوق بولعاندىقتان كرەديت تولەي الماي وتىرمىن, &ndash؛ دەيدى تامارا.