• usd 468.56

  • eur 497.56

  • rub 7.3

  • cny 67.18

29 ناۋرىز, 17:31:18
الماتى
+35°

جىل باسىنان بەرگى ءۇش ايدا الماتىدا 13 مىڭنان استام ناۋقاس كوروناۆيرۋس جۇقتىرعان. 2020 جىل 18 مىڭ ناۋقاستان كوروناۆيرۋس انىقتالعان بولاتىن. سونداي-اق قالادا مۋتاسيالانعان شتامدار انىقتالۋىنا بايلانىستى الماتى قالاسىنىڭ اكىمدىگى تۇرعىنداردى قاۋىپسىزدىك شارالارىن كۇشەيتۋگە شاقىرادى.

وتكەن تاۋلىكتە 450 قالا تۇرعىنىنان ۆيرۋس انىقتالعان. الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتى بويىنشا, تۇرعىندار اراسىندا ينفەكسيا ءوسۋىنىڭ قارقىنى ارتىپ, بريتانيالىق جانە وڭتۇستىك افريكالىق كوروناۆيرۋس شتاممدارى بايقالعان.

جاڭا شتامداردىڭ جۇقپالىلىعى الدىڭعى بازالىق شتاممەن سالىستىرعاندا 70%-عا جوعارى. ال كوروناۆيرۋستىڭ سيمپتومسىز فورمالارىنىڭ تىركەلۋى تومەندەگەن. بۇل كورسەتكىش 2020 جىلى جالپى ۆيرۋس جۇقتىرعانداردىڭ 39%-ىن قۇراسا, 2021 جىلى 32%-عا دەيىن تومەندەگەن.

بيىلعى جىلدىڭ ناۋرىز ايىنىڭ 3 اپتاسىندا كوروناۆيرۋس ينفەكسياسىن كوپ جۇقتىرعانداردىڭ ؛38%-ى 20-39 جاس ارالىعىنداعى ازاماتتار, 27%-ى 40-59 جاستاعى, 20%-ى 60 جاستان اسقان ازاماتتار.

تالداۋ ناتيجەلەرى بويىنشا, ناۋرىز ايىنىڭ 3 اپتاسىندا ناۋقاستاردىڭ 42 پايىزى ۆيرۋستى ؛قوعامدىق ورىندارعا بارعاندا (ساۋدا, قوعامدىق تاماقتانۋ), 18 پايىزى قوعامدىق كولىكپەن جۇرگەندە, 2 پايىزى وتباسىلىق جاعدايلاردا, قالعاندارى وزگە جاعدايلاردا جۇقتىرعان.

قالادا قالىپتاسقان ەپيدەميولوگيالىق جاعدايعا بايلانىستى الماتى قالاسىنىڭ اكىمدىگى ازاماتتاردى ماسكا رەجيمىن, الەۋمەتتىك اراقاشىقتىقتى ساقتاۋعا, قوعامدىق ورىندارعا بارۋدان اۋلاق بولۋعا جانە ادام كوپ جينالۋىن بولدىرماۋعا شاقىرادى.

"قامشى" سىلتەيدى
ىلمەك سوزدەر: كوروناۆيرۋس

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر