25 ناۋرىز, 2021 ساياسات
فوتو: ۆيدەودان سكرينشوت
بۇگىن اۋىلشارۋاشىلىعى مينيسترلىگىندە وتكەن جەر رەفورماسى جونىندەگى كوميسسيا وتىرىسىندا كوميسسيا مۇشەسى, قوعام بەلسەندىسى مۇحتار تايجان بىرنەشە ۇسىنىس جاسادى.
كوميسسيا مۇشەسىنىڭ ايتۋىنشا, جەردى شەتەلدىكتەرمەن قاتار قازاقستان ازاماتتارىنا دا جەكەمەنشىككە ساتۋعا تىيىم سالۋ قاجەت.
سونداي-اق ول جەردىڭ اشىق كاداسترىن ورناتۋ قاجەتتىگىنە نازار اۋدارىپ, جەردى كىم جالداپ وتىرعانىن حالىق ءبىلۋى كەرەك ەكەنىن, مۇنداي اقپارات اشىق بولۋعا تيىستىگىن اتاپ ءوتتى.
قوعام بەلسەندىسى ۇسىنىستارىنىڭ قاتارىندا ءار اۋىلدىڭ ماڭايىنداعى جايىلىم جەرلەرىن مەملەكەت مەنشىگىنە قايتارۋ, بوس جاتقان جەرلەردى كوسمومونيترينگ ارقىلى مەملەكەتكە قايتارۋ, جەردى ءبولۋ مەن بەرۋ پروسەسىن سيفرلاندىرۋ, اشىق قىلۋ سەكىلدى باستامالار بار. ونىڭ پىكىرىنشە, جەر ءبولۋ ماسەلەسىنە ؛ بۇدان بىلاي اكىمدەر ارالاسپاۋى كەرەك.
&ndash؛ حالقىمىزدىڭ تەڭ جارتىسى اۋىلدا تۇرادى. كەز كەلگەن اۋىلعا بارساڭىز, جايىلىم جەرلەر جوقتىڭ قاسى. بارلىعى دەرلىك جەر جەكە بىرەۋلەردىڭ مەنشىگىندە. سونى مەملەكەت ءوز مەنشىگىنە قايتارۋى كەرەك. بۇگىندە جەر كوميتەتىنىڭ كۇشى ءالسىز. ولار اكىمدەردىڭ ايتقانىنان اسا المايدى. اۋىلدىڭ, مەيلى اۋداننىڭ باسشىسى بولسىن, جەردى وزدەرى ءبولىپ بەرەدى. بۇل دۇرىس ەمەس. جەر تەك اگەنتىكتە بولۋى كەرەك. ولار تىكەلەي باسشىلىققا باعىنۋعا ءتيىس. سول كەزدە جەر ماسەلەسى شەشىلەدى, &ndash؛ دەدى ول. ؛
مۇحتار تايجان سوڭعى ۇسىنىسىندا, ەلدىڭ ميلليونداعان جەرلەرى شەتەلدىك بانكتە كەپىلدە تۇرعانىن, مۇنىڭ ۇلكەن پروبلەما ەكەنىن ايتىپ, مەملەكەت ولارمەن كەلىسىم-شارتتى بۇزىپ, ءوز مەنشىگىنە قايتارۋى كەرەك دەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر