"؛قازاقستان بيلىگىنە العىس ايتام"؛. مارعۇلان سەيسەمباي مالىمدەمە جاسادى

بەلگىلى كاسىپكەر, ؛ميحايل سااكاشۆيلي باسقاراتىن ۋكرايناداعى قاراپايىم شەشىمدەر مەن ناتيجەلەر كەڭسەسىنە سەرىكتەس بولعان, سوڭعى جىلدارى بەلگىلى ءبىر دەڭگەيدە قوعامدىق-ساياسي ماسەلەلەرمەن شۇعىلدانىپ, بيلىكتى سىناعان مارعۇلان سەيسەمباي قوعامدىق بەلسەندىلىگىن توقتاتاتىنىن ءمالىم ەتتى. بۇل تۋرالى ول facebook پاراقشاسىندا حابارلادى.

كاسىپكەر قوعامدىق-ساياسي قىزمەتپەن باستاپقىدا بارلىق اكتيۆتەرىن تارتىپ العاندىقتان, كوپشىلىككە تانىمالدىلىقتىڭ ارقاسىندا وزىنە بەلگىلى ءبىر قاۋىپسىزدىكتى قامتاماسىز ەتۋ ءۇشىن اينالىسقانىن ايتادى.

&ndash؛ ءبىراق كەيىنىرەك, مەن ساياسي رەفورمالارسىز شىنايى قاۋىپسىزدىكتىڭ مۇمكىن بولمايتىندىعىن ءتۇسىندىم. مەن ءوز سىنىممەن قازاقستان بيلىگىنە ساياسي رەفورمالار ازىرلەۋى ءۇشىن بارىنشا ىقپال ەتۋگە تىرىستىم. دەسە دە, مەن قاشان دا توڭكەرىستەرگە قارسى بولدىم, ءارقاشان ەل دامۋىنىڭ ەۆوليۋسيالىق جولىن جاقتادىم. سوعان بايلانىستى مەندە جىل سايىن بيلىكپەن پروبلەمالار بولىپ تۇردى. الىسقا بارماي-اق قويايىق, بىلتىرعى مەنىڭ ءۇيىمنىڭ قورشاۋعا الىنعانى بارلىعىڭىزدىڭ ەستەرىڭىزدە بولار. ؛ ؛

وتكەن جىلدىڭ جازىنان باستاپ مەن ءبىزدىڭ بيلىكتى سىناۋدى توقتاتىپ, بەلسەندىلىگىمدى ۋكرايناعا اۋىستىردىم. وزدەرىڭىز بىلەتىندەي, مەن ميحايل سااكاشۆيليدىڭ قاراپايىم شەشىمدەر مەن ناتيجەلەر كەڭسەسىندە سەرىكتەس بولدىم جانە ۋكراينا بيلىگىنە رەفورمالاردى جۇزەگە اسىرۋعا بەلسەندى قاتىسىپ, كومەكتەسە باستادىم, ؛&ndash؛ دەگەن ول ءوزى ءۇشىن ءبىر نارسەنى تىكەلەي وزگەرتە المايتىن بولسا, وندا بيلىكتى سىنعا الىپ, اشۋ مەن ءوزارا جەككورۋشىلىك دەڭگەيىن تاعى دا ارتتىرۋدىڭ قاجەتى جوق ەكەنىن تۇسىنگەنىن, مۇنىمەن اينالىسۋدى ءىس جۇزىندە توقتاتقانىن جەتكىزدى.

&ndash؛ يسلام عالىمدارىنىڭ سوزدەرىندە: «؛ەگەر حالىق ءوز بيلەۋشىسىنىڭ ادىلەتسىزدىگىنەن قۇتىلعىسى كەلسە, وندا مۇنداي حالىق ادىلەتسىزدىك پەن كۇنادان وزدەرى باس تارتۋى كەرەك»؛ دەلىنگەن. سوندىقتان مەن وزىمىزدەن جانە اينالامىزدى وزگەرتۋدەن باستاۋ كەرەك دەگەن ويعا كەلدىم. بۇل تەك ءدىن, مادەنيەت جانە ءبىلىم ارقىلى مۇمكىن بولادى.

سوڭعى ۋاقىتتا مەن ءبىلىم بەرۋ پلاتفورماما كوپ كوڭىل ءبولىپ, كۇشىم مەن قۋاتىمدى سول باعىتتا سارپ ەتۋدەمىن. مەن اي سايىن دەرلىك بيزنەس پەن ءتيىمدى ءومىردىڭ ءارتۇرلى تاقىرىپتارى بويىنشا 8-12 ۆيدەو-ساباقتارىن جاريالاپ وتىرمىن. كىتابىمدى دا قاتار جازۋدامىن. سونداي-اق, مەن اي سايىن جازىلماندارىما بىرنەشە ترانسلياسيالار مەن زۋم ۆەبينارلارىن وتكىزەمىن. جاقىن ارادا ونلاين بيزنەس مەكتەپتى, بيزنەس كلۋب, ينۆەست. كلۋب جانە باسقا دا كوپتەگەن جوبالاردى ىسكە اسىرامىن. سونىمەن قاتار, مەن 8 الەۋمەتتىك جەلىدەگى اككاۋنتتارىممەن جۇمىس ىستەپ جاتىرمىن. بيزنەس پەن قوعامدىق ىستەرىم تاعى بار. وسىنىڭ ءبارى مەنىڭ كوپ ۋاقىتىمدى الىپ ءوز باعىتىمدى وزگەرتۋگە اكەلىپ وتىر. ؛

ساياسي قۇرىلىمعا دەگەن مەنىڭ وزگەرگەن كوزقاراستارىمدى ەسكەرە وتىرىپ, يسلامنىڭ, قانداي بولماسىن, بيلەۋشىسىنە قارسى شىعۋعا تىيىم سالاتىن تالاپتارىن ەسكەرە وتىرىپ, مەن قوعامدىق-ساياسي بەلسەندىلىگىمدى توقتاتىپ, مادەني, ءبىلىم بەرۋ جانە ەكولوگيالىق ماسەلەلەرگە كوشۋگە بەل بايلادىم. مەن ساياسي قايراتكەر دە, مەملەكەتتىك قىزمەتشى دە بولعىم كەلمەيتىنىن ءوزىم ءۇشىن ءتۇسىندىم. مەن ەشقانداي سايلاۋعا نەمەسە قانداي دا ءبىر لاۋازىمعا ارالاسقىم كەلمەگەن جانە ارالاسپايمىن دا. مەن پارتيالار قۇرۋعا نەمەسە باسقا پارتيالارعا كىرۋگە نيەت بىلدىرمەيمىن. مەن ءوزىم ءۇشىن ساياسات تاقىرىبىن مۇلدە جاپتىم. ءوتتى, كەتتى. ماعان شەكتەۋلى جانە تاۋەلدى ساياسات قىزىق ەمەس. بۇنداي نارسە ماعان جات.

ساۋىر ايىنان باستاپ ميحايل سااكاشۆيليدىڭ سەرىكتەسى رەتىندە قاراپايىم شەشىمدەر مەن ناتيجەلەر كەڭسەسىندەگى ءوز وكىلەتتىكتەرىمدى توقتاتامىن. مەن بۇل ماسەلەنى ميحايلمەن تالقىلادىم. ول مەنىڭ شەشىمىمە تۇسىنىستىكپەن قاراپ, ماعان تابىس تىلەدى.

بيزنەستە, مەن بىرتىندەپ, بىرنەشە جىل بويى سيفرلىق, ونلاين بيزنەس باعىتتارىنا باسا نازار اۋدارىپ سول باعىتقا كوشەمىن. ؛

قوعامدىق ىستەردە مەن تەك الەۋمەتتىك-مادەني, ءبىلىم بەرۋ, ەكولوگيالىق جوبالارمەن اينالىسامىن, &ndash؛ دەپ جازدى كاسىپكەر.

مارعۇلان سەيسەمباي مالىمدەمەسىنىڭ سوڭىندا قازاقستان بيلىگىنە اباقتىعا ايداپ سالماعانى ءۇشىن, ۋكراينا بيلىگىنە, كيەۆ پەن بىشكەكتەگى قاراپايىم شەشىمدەر كەڭسەسىندەگى ارىپتەستەرىنە, سونداي-اق ميحايل سااكاشۆيليگە العىس ءبىلدىردى.