تۇركسىب اۋدانىنىڭ ىقشاماۋداندارىندا سۋمەن ورتالىقتان جابدىقتاندىرۋ پايدا بولادى

ب. ساعىنتاەۆ جاڭادان قوسىلعان ىقشاماۋداندارداعى جولدار مەن سۋمەن جابدىقتاۋ جەلىلەرى قۇرىلىسىنىڭ بارىسىن تەكسەردى

 ؛الماتى قالاسىنىڭ اكىمى باقىتجان ساعىنتاەۆ جۇمىس ساپارى كەزىندە مەگاپوليسكە جاڭادان قوسىلعان ىقشاماۋداندارداعى ينجەنەرلىك كوممۋنيكاسيالاردىڭ, جولداردىڭ جانە الەۋمەتتىك نىسانداردىڭ قۇرىلىسىمەن تانىستى.

قالا اكىمى ءوزىنىڭ instagram-داعى اككاۋنتىندا المەرەك, نۇرشاشقان جانە قايرات ىقشاماۋداندارىنداعى سۋمەن جابدىقتاۋ جانە سۋ بۇرۋ جۇيەسىمەن تولىقتاي قامتاماسىز ەتىلەتىن ينجەنەرلىك جەلىلەردىڭ قۇرىلىسى جاقىن ارادا اياقتالاتىنى تۋرالى جازدى.

«؛اتقارىلعان جۇمىستىڭ ساپاسىن تەكسەرەمىز. ول ءۇشىن بىزگە كوشەلەردىڭ كۇيىنە الاڭداۋلى جەرگىلىكتى بەلسەندى تۇرعىندار كومەكتەسەدى. جاڭا جول سالۋ, جول جوندەۋ جۇمىستارى كوكتەمدە باستالادى. بۇل جۇمىستى الداعى ەكى جىلدا اياقتاۋدى جوسپارلاپ وتىرمىز»؛, - دەپ جازدى ب. ساعىنتاەۆ.

سونداي-اق, الماتى اكىمى №195 مەكتەپتى كەڭەيتۋ جوسپارلارىمەن, المەرەك ىقشاماۋدانداعى دارىگەرلىك امبۋلاتوريا مەن مادەني-سپورت كەشەنىنىڭ قۇرىلىسىمەن تانىستى. اعىمداعى جىلى №59 مەكتەپتىڭ وقۋشى ورنى ۇلعايتىلىپ, قايتا جوندەۋ باستالادى. سەيفۋللين جانە وقۋشىلار ءۇيىنىڭ جانىنداعى جالپىعا ورتاق سكۆەرلەردى جوندەۋ جوسپارلانۋدا. ەرجانوۆ كوشەسىنەن شاسكيي كوشەسىنە دەيىن, تەمىرجول جولدارىنىڭ قيىلىسىندا, جاياۋ جۇرگىنشىلەرگە ارنالعان وتكەل سالۋ مۇمكىندىگى قاراستىرىلۋدا.

وتكەن جىلى «؛جۇمىسپەن قامتۋدىڭ جول كارتاسى»؛ اياسىندا ساۋرانباەۆ كوشەسىندە ىڭعايلى ورىندىقتارى بار جاياۋ جۇرگىنشىلەر ايماعى, ءار ءتۇرلى جاستاعى بالالارعا ارنالعان ويىن جانە سپورت الاڭدارى سالىندى.

«؛سەرۋەن مەن دەمالىس ايماعىنا اينالعان «؛اربات»؛ اۋداننىڭ كورىكتى, ال تۇرعىنداردىڭ ەڭ سۇيىكتى ورنى. قۇقىقتىق ءتارتىپتى ساقتاۋ ءۇشىن مۇندا مودۋلدىك پوليسيا بەكەتىن قويۋدى تاپسىردىم»؛, - دەپ حابارلادى ب. ساعىنتاەۆ.

ەسكە سالساق, جولداردى, كوشە جارىقتارىن, ينجەنەرلىك كوممۋنيكاسيالاردى سالۋ «؛جاڭا الماتى»؛ جاڭادان قوسىلعان اۋماقتاردى كەشەندى دامىتۋ جوسپارىنا سايكەس جۇزەگە اسىرىلۋدا.

اتاپ ايتقاندا, تۇركسىب اۋدانىنىڭ المەرەك شاعىناۋدانىندا ءبىرىنشى كەزەڭدە 852 ءۇي سۋ قۇبىرى جەلىسىنە قوسىلادى. جوبا مامىر ايىندا اياقتالادى, سودان كەيىن قالعان 261 ۇيگە جەلىلەر سالۋدىڭ ەكىنشى كەزەڭى قاراستىرىلادى. سونداي-اق, كوكتەمدە جولداردى جوندەۋ جانە سالۋ جۇمىستارى باستالادى. 54 كوشەنىڭ ىشىندە ۇزىندىعى 5,9 كم بولاتىن 8-ىندە عانا اسفالتبەتون بار, قالعان 46-سى 14,6 شاقىرىمى توپىراقتى جول.

نۇرشاشقان ىقشاماۋدانىندا 836 ءۇيدىڭ بارلىعى دەرلىك سۋمەن جابدىقتاۋ جانە سۋدان بۇرۋ جەلىلەرنە قوسىلادى, ولاردىڭ قۇرىلىسى وسى جىلدىڭ جازىنا دەيىن اياقتالادى دەپ جوسپارلانعان. جولداردى سالۋ جانە جوندەۋ جۇمىستارى كوكتەمدە باستالادى. الداعى ەكى جىلدا ۇزىندىعى 16,6 كم بولاتىن 5 كوشەدەگى جۇمىستاردى اياقتاۋ جوسپارلانۋدا. ونىڭ ىشىندە ۇزىندىعى 5,1 كم بولاتىن 25 كوشە اسفالتتالماعان.

قايرات ىقشاماۋدانىندا 1292 ءۇيدىڭ بارلىعى دەرلىك ورتالىقتاندىرىلعان سۋمەن جابدىقتاۋ جانە سۋدان بۇرۋ جۇيەسىنە قوسىلاتىن بولادى. قۇرىلىستى جازدىڭ باسىندا اياقتاۋ جوسپارلانعان. جولداردى جوندەۋ جانە سالۋ جۇمىستارى كوكتەمدە باستالادى. ۇزىندىعى 36,6 كم بولاتىن 93 كوشە بار, ونىڭ ىشىندە 78 كوشەدەگى ۇزىندىعى 29,3 كم جول توپىراقتى. جوبانى ەكى جىل ىشىندە اياقتاۋ جوسپارلانعان.