• usd 468.56

  • eur 497.56

  • rub 7.3

  • cny 67.18

29 ناۋرىز, 11:21:42
الماتى
+35°

پاندەمياسى سالدارىنان ەكونوميكانىڭ ەڭ كوپ زارداپ شەككەن سەكتورلارىنىڭ ءبىرى شاعىن جانە ورتا بيزنەس جۇكتەمەنى ازايتۋ, قارجىلاندىرۋعا, سۇرانىس نارىقتارىنا جانە ساپالى ادام رەسۋرستارىنا قولجەتىمدىلىكتى كەڭەيتۋ بويىنشا مەملەكەتتىك قولداۋعا يە بولادى. بۇل تۋرالى پرەزيدەنت جانىنداعى ەكونوميكالىق ءوسىمدى قالپىنا كەلتىرۋ جونىندەگى مەملەكەتتىك كوميسسيانىڭ وتىرىسىندا بەلگىلى بولدى.

كاسىپكەرلەردى قولداۋ بويىنشا ماقۇلدانعان شۇعىل شارالار توپتاماسىنا ساي, 2021 جىلعى 1 ماۋسىمعا دەيىن جەڭىلدىكتى شارتتارمەن قايتا قارجىلاندىرۋ ءۇشىن شاعىن جىانە ورتا بيزنەس تىزبەسىن 29-دان 174-كە دەيىن كەڭەيتۋ كوزدەلىپ وتىر.

سونداي-اق مەملەكەتتىك مۇلىك وبەكتىلەرى مەن كۆازيمەملەكەتتىك سەكتور مۇلكىن جالداپ وتىرعان كاسىپكەرلەردى 31 شىلدەگە دەيىن تولەمدەردەن, جىل سوڭىنا دەيىن مۇلىك سالىعىن تولەۋدەن بوساتۋ, جۇمىس بەرۋشىدەن العان قورعاۋ قاراجاتى تۇرىندە كاسىپكەرلىك سۋبەكتىلەرى جۇمىسكەرلەرىنىڭ تابىستارىن جەكە تابىس سالىعىنان بوساتۋ قاراستىرىلعان.

مەملەكەتتىك ورگاندار مەن كۆازيمەملەكەتتىك سەكتور سۋبەكتىلەرىنىڭ باستاماسى بويىنشا زاڭدى تۇلعالار مەن جەكە كاسىپكەرلەردىڭ بانكروتتىعىنا ءموراتورييدى 2021 جىلعى 1 شىلدەگە دەيىن ۇزارتۋ, وتاندىق تاۋار وندىرۋشىلەردىڭ مەملەكەتتىك ساتىپ الۋعا قولجەتىمدىلىگىن ارتتىرۋدى, "دامۋ" كدق" اق كەپىلدىك بەرۋ قۇرالىن ۇلتتىق بانكتىڭ جەڭىلدىكپەن نەسيەلەندىرۋ باعدارلاماسىنا تاراتۋ جوسپارلانعان.

ۇكىمەتتىڭ ەسەبىنشە, تىكەلەي ءىس-قيمىل شارالارى ءجىو-نىڭ 3%-عا وسۋىنە قول جەتكىزۋگە ىقپال ەتەتىن بولادى. 3,3 ملن-نان اسا ؛ادام جۇمىس ىستەيتىن 1,2 ملن-نان استام كاسىپكەرلىك سۋبەكتىلەرىن قولداۋ قامتاماسىز ەتىلەدى.

پرەمەر-مينيستر پارلامەنت ماجىلىسىنە 25 ناۋرىزعا دەيىن ۇسىنۋ ءۇشىن ۇلتتىق ەكونوميكا مينيسترلىگىنە قولدانىستاعى زاڭناماعا ءتيىستى تۇزەتۋلەر توپتاماسىن 12 ناۋرىز دەيىن ۇكىمەتكە تاپسىرۋدى جۇكتەدى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر