پرەزيدەنت ؛قاسىم-جومارت توقاەۆ تۇركيا پرەزيدەنتى رەدجەپ تاييپ ەردوعانعا كوڭىل ايتۋ جەدەلحاتىن جولدادى, دەپ حابارلادى اقوردا سايتى.

توقاەۆ "كۋگار" اسكەري تىكۇشاعىنىڭ اپاتقا ۇشىراپ, بىرنەشە ادامنىڭ قازا بولۋىنا بايلانىستى تۇركيا پرەزيدەنتى رەدجەپ تاييپ ەردوعانعا قازاقستان حالقىنىڭ جانە جەكە ءوزىنىڭ اتىنان كوڭىل ايتتى.

"تۇركيانىڭ شىعىسىنداعى بينگёل ايماعىندا اپاتقا ۇشىراعان "كۋگار" اسكەري تىكۇشاعىندا قۇربان بولعان جانە زارداپ شەككەندەر تۋرالى اقپاراتتى تەرەڭ كۇيزەلىسپەن قابىل الدىم. وسىنداي اۋىر ساتتە قايعى-قاسىرەتتەرىڭىزگە ورتاقتاسىپ, بارشا قازاقستاندىقتاردىڭ جانە جەكە ءوز اتىمنان سىزگە, سونداي-اق, باۋىرلاس تۇرىك حالقىنا قايعىرا كوڭىل ايتامىن. اللا تاعالادان قازا بولعانداردىڭ جاندارى ءجانناتتا بولۋىن, جارالانعانداردىڭ تەز ارادا ساۋىعىپ كەتۋىن تىلەيمىن" دەپ جازىلعان جەدەلحاتتا.

ەسكە سالا كەتەيىك, 4 ناۋرىزدا تۇركيانىڭ شىعىسىندا اسكەري تىكۇشاق قۇلاپ, 11 ادام قايتىس بولدى. ؛الدىن الا بولجام بويىنشا اپات اۋا رايىنىڭ كەنەتتەن ناشارلاۋى سەبەپ بولعان.

 ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر