قارجى ينستيتۋتتارىنىڭ حابارلاۋىنشا, الاياقتار قولداناتىن بارنەشە ءتاسىل بار.

  • قوڭىراۋ شالىپ, ءوزىن بانك قىزمەتكەرى رەتىندە تانىستىرادى. كۇدىكتى وپەراسيالار تۋرالى ايتىپ, كليەنت شوتىنان اقشا اۋدارۋعا قاجەتتى مالىمەتتەردى الۋعا تىرىسادى. مىسالى, جەكە كابينەتتە ءقۇپياسوزدى اۋىستىرۋدى, جاڭا ءقۇپياسوزدى جانە sms-حابارلاما ارقىلى كەلگەن قۇپيا كودتى ايتۋدى سۇرايدى. بۇل مالىمەتتەر ارقىلى الاياقتار كليەنت شوتىنداعى اقشانى اۋدارىپ, ءتىپتى ونىڭ اتىنا اقشالاي كرەديت راسىمدەۋى مۇمكىن.
  • قوڭىراۋ شالىپ, كليەنت شوتىنان اقشا ۇرلانۋى ءقاۋپى بارىن, قاراجاتتى جەدەل تۇردە "قوسىمشا شوتقا", "ساقتاندىرۋ اگەنتىنە", "ساقتاندىرۋ ؛ ۇياشىعىنا" تاعى باسقاعا ؛ اۋدارۋ كەرەگىن ايتادى. اڭىزدار ءارتۇرلى بولۋى مۇمكىن, باستىسى &ndash؛ كليەنت قاراجاتىن باسقا شوتقا اۋدارۋعا كوندىرۋ. كەيبىر جاعدايدا الاياقتار ارنايى كومپيۋتەرلىك باعدارلامانىڭ كومەگىمەن بانك نومىرىنەن قوڭىراۋ شالعان بولادى نەمەسە ۇقساس نومىردەن قوڭىراۋ شالادى.
  • پوشتا نەمەسە مەسسەندجەرلەرگە قايىرىمدىلىق اكسياسى, ەرەكشە قارجىلىق قىزمەتتەر, جۇلدەلەر ۇتىسى جانە تاعى باسقا شارالار تۋرالى اقپارات تاراتادى. ولاردا جەكە مالىمەتتەردى ەنگىزۋگە جانە بانكتىك وپەراسيالاردى جاساۋعا ارنالعان سىلتەمەلەر بولادى. ادام كارتا مالىمەتتەرىن ەنگىزگەن ساتتە الاياقتار اقشا شەشىپ الادى. سونداي-اق سىلتەمەدە الاياقتارعا ءسىزدىڭ قوسىمشاڭىزعا كىرۋگە مۇمكىندىك بەرەتىن ۆيرۋستار بولۋى مۇمكىن.
  • قوڭىراۋ شالىپ باسقا بىرەۋدىڭ ءسىزدىڭ جەكە كابينەتىڭىزگە كىرۋگە تالپىنىپ جاتقانىن ايتىپ, قاۋىپسىزدىك ءۇشىن قوسىمشا جۇكتەپ الۋدى ۇسىنادى. مۇنداي قوسىمشالار الاياقتارعا تەلەفونىڭىزعا كىرۋگە مۇمكىندىك بەرەدى. ودان كەيىن ءسىزدىڭ اتىڭىزدان قوڭىراۋ شالىپ, قارجىلىق وپەراسيالاردى جاساۋى مۇمكىن.

بىرلەسكەن مالىمدەمەدە بانكتەر جەكە مالىمەتتەر مەن ەلەكتروندى قارجى اۋدارىمدارىنىڭ قاۋىپسىزدىگىن جوعارى دەڭگەيدە قامتاماسىز ەتەتىنى, سوندىقتان الاياقتار قولدانۋشىلاردىڭ وزدەرىن الداۋ ارقىلى اقشا جىمقىرۋعا تىرىساتىنى ايتىلادى.

سونىمەن قاتار "الاياقتار ادامدى ۇرەيلەندىرىپ, ويلانىپ, جاعدايدى باعامداپ ۇلگەرۋگە مۇمكىندىك بەرمەي, قاراجاتىن جىلدام الۋعا تىرىسادى" دەگەن بانكتەر كليەنتتەرگە ۇرەيلەنبەۋگە شاقىرىپ, بىرنەشە كەڭەس ۇسىنعان.

ەگەر سىزگە الاياق قوڭىراۋ شالسا, نە ىستەۋ كەرەك؟

الاياقپەن سويلەسپەڭىز. تۇتقانى قويىڭىز. شوتتاعى اقشاڭىزدىڭ ورنىندا ەكەنىنە كوز جەتكىزىڭىز. سۇراقتارىڭىز بولسا بانكتىڭ كولل-ورتالىعىنا قوڭىراۋ شالىڭىز.

ەشكىمگە ايتپاڭىز:

  • ۇيالى قوسىمشا مەن ينتەرنەت-بانكينگتەگى جەكە كابينەتىڭىزدىڭ قۇپياسوزىن؛
  • كارتا رەكۆيزيتتەرىن: نومەرى, جارامدىلىق مەرزىمى, cvv/cvc-كود (كارتانىڭ ارتقى بولىگىندەگى ءۇشتاڭبالى كود).
  • وپەراسيانى: تولەم, اۋدارىم ت.ب راستاۋعا ارنالعان sms-كودتى.

بۇل دەرەكتەردى قوڭىراۋ شالعان ادام ءوزىن بانك قىزمەتكەرى دەپ تانىستىرسا دا, بانك نومىرىنە ۇقساس نومىردەن حابارلاسسا دا ايتۋعا بولمايدى. ناعىز بانك قىزمەتكەرى مۇنداي اقپاراتتى سۇرامايدى. بۇل تەك الاياقتارعا عانا كەرەك.

ورناتپاڭىز:

  • تانىس ەمەس ادامدار سۇراسا, كەز ەلگەن ۇيالى قوسىمشانى ورناتپاڭىز

سىلتەمە ارقىلى وتپەڭىز:

  • حابارلاما ءتىپتى تانىمال بانك نەمەسە كومپانيا اتىنان كەلسە دە. سىلتەمەنى باسقان سوڭ كومپيۋتەرىڭىزگە زيانكەس ۆيرۋس كىرۋى مۇمكىن. ول الاياقتارعا ءسىزدىڭ بانكتىك شوتتاعى قاراجاتىڭىزدى ۇرلاۋعا مۇمكىندىك بەرەدى.

تولتىرماڭىز:

  • جەكە مالىمەتتەرىڭىزدى سۇرايتىن انكەتەلاردى تولتىرماڭىز. ەگەر سىلتەمە ارقىلى وتسەڭىز, انكەتا, ساۋالنامانى اشپاڭىز, ءوزىڭىز تۋرالى اقپارات قالدىرماڭىز. ناعىز اكسيالار مەن ۇتىس ويىندارى تۋرالى بىلگىڭىز كەلسە, بانكتەردىڭ رەسمي سايتتارى مەن الەۋمەتتىك جەلىدەگى پاراقشالارىن وقىڭىز.
"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر