03 ناۋرىز, 2021 news
فوتو: تالعار اۋدانى اكىمدىگىنىڭ ءباسپاسوز قىزمەتى
قايدار ءابدىحانوۆ ادماتى وبلىسى تالعار اۋدانىنىڭ اكىمى بولىپ تاعايىندالدى. بۇل تۋرالى اۋدان اكىمىنىڭ ءباسپاسوز قىزمەتى حابارلادى.
؛
"بۇگىن پرەزيدەنت اكىمشىلىگى جانە اۋداندىق ءماسليحاتتىڭ كەلىسىمىمەن الماتى وبلىسى اكىمى اماندىق باتالوۆتىڭ وكىمىمەن قايدار ءابدىحانوۆ تالعار اۋدانىنىڭ اكىمى بولىپ تاعايىندالدى" دەلىنگەن حابارلامادا.
؛
قايدار ءاليحانۇلى 1974 جىلى الماتى وبلىسى, تالعار اۋدانى, وكتيابر اۋىلىندا تۋعان. 1997 جىلى الماتى زووتەحنيكالىق مالدارىگەرلىك ينستيتۋتىن "مال شيكىزاتىن تاۋارلاۋشى ينجەنەر" ماماندىعى بويىنشا, 2003 جىلى ەكونوميكا جانە قۇقىق اكادەمياسىن "قۇقىقتانۋ" ماماندىعى بويىنشا بىتىرگەن.
؛
ەڭبەك جولىن 1993 جىلى تالعار قالاسىنداعى "ايگەريم" ءجشس-نىڭ كوممەرسيالىق قىزمەت ديرەكتورىنىڭ ورىنباسارى رەتىندە باستاعان. 1998 جىلى الماتى قالاسىندا "قارۋ-جاراق" رەسپۋبليكالىق مەملەكەتتىك مەكەمەسىنىڭ قارا جانە ءتۇرلى-تۇستى مەتاللدار قالدىعىن ساتۋ ءبولىمىنىڭ ينجەنەرى, ال 1999 جىلدان 2014 جىلعا دەيىن كەدەن ورگاندارىندا قىزمەت اتقارعان. 2014 جىلدان 2016 جىلعا دەيىن قارجى مينيسترلىگى مەملەكەتتىك كىرىستەر كوميتەتى قوستاناي وبلىسى بويىنشا مەملەكەتتىك كىرىستەر دەپارتامەنتى "قوستاناي-كرو" جانە "جەتىقارا" كەدەن بەكەتتەرىنىڭ باسشىسى مىندەتىن اتقارۋشى, باسشىسى قىزمەتىندە بولعان. 2016 جىلى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ الماتى وبلىسى بويىنشا دەپارتامەنتىندە جۇمىس اتقارعان.
؛
2017 جىلدان 2018 جىلعا دەيىن تالعار اۋدانى كەڭدالا اۋىلدىق وكرۋگىنىڭ اكىمى, 2018 جىلدان باستاپ بۇگىنگى كۇنگە دەيىن تالعار اۋدانى اكىمىنىڭ ورىنباسارى لاۋازىمىندا بولعان.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر